Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ӧмӧ-јӧмӧ иштиҥ јӧптӧжӱзи

15.10.2019

Бу јуукта АР-дыҥ башчызы Олег Хорохордин ле Россияныҥ МЧС-ныҥ бастырароссиялык билим-шиҥжӱ институдыныҥ јааны Сергей Диденко ӧмӧ-јӧмӧ иш керегинде јӧптӧжӱге кол салгандар.

Бу документ Алтай Республиканыҥ эл-јонын ла јерин чочыдулу айалгалардаҥ корыыр бӧлӱкте ӧткӱрилип турган государственный политиканыҥ тузазын бийиктедерине ууламјылалган.

Сергей Диденконыҥ темдектегениле, Алтай Республиканы эл-јонын ла јерин корыыры аайынча сурактарды чечеринде каруулу болгоны аҥылайт.

«Бу јӧптӧжӱге кол салып, бис ӧмӧ-јӧмӧ иштиҥ јаҥы бӧлӱгине кирип јадыс. Алтай Республиканыҥ јеринде јаҥыс ла тергеениҥ бойыныҥ ла одоштой субъекттердиҥ ченемелин эмес, је анайда ок ар-бӱткендик айалгалары тӱҥейлеш ле јерлерин корыыры аайынча тӱҥей сурактарла иштеп турган тергеелердиҥ ченемелдерин тузаланарга темдектейдис. Анайда ок ӧскӧ дӧ ороондордыҥ ченемелин тузаланарыс» – деп, ол айткан.

Олег Хорохординниҥ угусканыла, бу бӧлӱкке инновационный јӧптӧр кийдиргени бу иштиҥ тузазын бийиктедер.

«Чочыдулу айалгаларды болдыртпазы керегинде айдып тура, озо ло баштап прогнозирование ле профилактика аайынча иштеер керек болгонысты бис јарт оҥдойдыс. Эмдиги ӧйдиҥ билим ле технологический једимдери биске бу сурактыҥ аайына чыгарга болужар» – деп, ол темдектеген.

Документ аайынча, республикан башкару ла ӧрӧ адалган ведомство тергеениҥ эл-јонын ла јерин чочыдулу айалгалардаҥ корыыр бӧлӱкте республиканыҥ нормативный акттарын белетеерине керектӱ методикалык ла билим јеткилдеш аайынча ӧмӧ-јӧмӧ иштеер. Анайда ок туризмниҥ иштеринде  јеткер болдыртпазына јаан ајару эдилер.

Јӧптӧжӱниҥ учурлу бӧлӱги эл-јонго чочыдулу айалгалар керегинде јетирӱ эдер системаны, анайда ок гражданский коруланыштыҥ башкартузыныҥ технический системаларын тӧзӧӧрине ле олорды јаантайын иштеер айалгада тударына керектӱ билим, методический ле технологический јеткилдеш болуп јат.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина