Јеткер болдыртпазыныҥ совединиҥ јуунында турушкан

29.10.2019

Россия Федерацияныҥ јеткер болдыртпазын јеткилдеер совединиҥ јууны ӱлӱрген айдыҥ 25-чи кӱнинде Омскто ӧткӧн. Бу јуунныҥ ижинде Алтай Республиканыҥ башчызы Олег Хорохордин турушкан.

Россия Федерацияныҥ јеткер болдыртпазын јеткилдеер совединиҥ јуунын оныҥ качызы Николай Патрушев башкарып ӧткӱрген. Јуунныҥ ижинде анайда ок Россияныҥ президентиниҥ Сибирьдеги федерал округтагы чыдулу чыгартулу кижизи Сергей Меняйло, бир кезек федерал министерстволордыҥ, ведомстволордыҥ чыгартулу улузы ла Сибирьдеги федерал округтыҥ тергеелериниҥ башкараачылары турушкан.

Јуунда кӧп тоолу сурактардыҥ тоозында јетирӱлик ресурстарды корулаары ла олорды тыҥыдары керегинде сурак база кӧрӱлген. Туружаачылар бу суракка јаан ајару эдип, оны элбеде шӱӱшкендер. Јеткер болдыртпазын јеткилдеер советтиҥ јааны округтыҥ тергеелеринде государственный јаҥныҥ органдарыныҥ јетирӱлик ресурстары Интернеттеги сетьтиҥ государственный сегментине колболгон деп темдектеген. Николай Патрушев јербойында бу јетирӱлик структураны корулаарын јаантайын ајаруда тударын кыйалтазы јогынаҥ бӱдӱрер керек деп ајарган.

Бу советтиҥ јааны ајаруны элдеҥ озо транспорттыҥ, связьтиҥ ла энергетиканыҥ бӧлӱктериндеги јетирӱлик инфраструктураларга эдер керек деп чокымдаган. Ол јетирӱлик ресурстарды корулаар иште кадрлардыҥ учуры сӱрекей јаан деп айткан. Айдарда, тергеелердеги подразделениелерди билгири бийик кадрларла јеткилдеер керек. Бу база кыйалтазы јогынаҥ бӱдӱретен иш. Јуунныҥ туружаачылары Сибирьдеги федерал округтыҥ јеринде турган јуучыл ийде-кӱчтердиҥ черӱчилдериниҥ, служащийлериниҥ, запаска чыккан черӱчилдердиҥ ле олордыҥ билелериниҥ, молјулу керегин ӧскӧ дӧ јуучыл бӧлӱктерде бӱдӱрип турган черӱчилдердиҥ, јуучыл частьтарда иштеп турган тегин граждандардыҥ экономикала колбулу керектерин, јадын-јӱрӱминиҥ айалгаларын јаантайын ајауда тудуп, олорго ӧйинде болуш јетирерине учурлалган суракты база элбеде шӱӱшкендер.

Николай Патрушев Сибирьдеги федерал округта черӱчилдерди јадар јерле јеткилдеери бӱгӱнги кӱнде курч туруп јат деп темдектеген. Јуучыл ийде-кӱчтердиҥ чыгартулу улузы ла тергеелердиҥ јаандары черӱчилдердиҥ ле олордыҥ билелериниҥ јонјӱрӱмдик јилбӱлерин корулаары аайынча Россияныҥ президентиниҥ олордыҥ алдына тургускан јакылталары канайда бӱдӱп турганы керегинде куучындагандар. Јуунда округтыҥ јеринде терроризмле, чайыкла, ӧрттӧрлӧ тартыжарыныҥ сурактары база кӧдӱрилген ле шӱӱжилген.

Алтай Республиканыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина