Јеҥӱчилдерге – кайралдар

08.11.2019

Алтай тилдиҥ кӱнине учурлап, Калыктар најылыгыныҥ республикан туразы тӧзӧп ӧткӱрген «Мен алтайлап куучындайдым!» деген конкурстыҥ јеҥӱчилдерине кайралдар кӱчӱрген айдыҥ 1-кы кӱнинде табыштырылды.

Мындый кӧрӱ бистиҥ тергееде баштапкы катап ӧткӧн. Калыктар најылыгыныҥ туразыныҥ директоры Владимир Романовтыҥ кӧдӱриҥиде айтканыла, ӱлӱрген айдыҥ 7-чи кӱнинеҥ ала 23-чи кӱнине јетире республиканыҥ башка-башка јерлеринеҥ конкурска 75 видеоролик келген. Олордыҥ кажызы ла ајарулу кӧрӱлген.

Видеоуткуулдардыҥ «Мен алтайлап куучындайдым!» деген кӧрӱзиниҥ аҥылу сыйларыла Горно-Алтайскта орто ӱредӱлӱ 7-чи школдыҥ 6-чы клазыныҥ ӱренчиги Баатыр Укачин, Чой аймактыҥ Чой јуртында јаткан Параевтердиҥ билези, Кан-Оозы аймактыҥ Кан-Оозы јуртында јаткан Арина Альчина, Горно-Алтайскта Г. К. Жуковтыҥ адыла адалган школ-интернаттыҥ ӱренчиктери Эркин Чевалков, Диана Гурина, Арчын Еремеев, Наталья Погосян, башкараачызы Сергей Николаевич Черезов кайралдаткан.

Конкурстыҥ 3-чи степеньдӱ дипломы Горно-Алтайскта 7-чи школдыҥ 4-чи клазыныҥ ӱренчиктерине, башкараачызы Алтынай Александровна Арбаевага табыштырылган, олорго сыйга портативный колонкалар берилген.

2-чи јерге Горно-Алтайсктыҥ 13-чи школында школго ӱренерге јажы јеткелек балдардыҥ «Росток» деген бӧлӱгине јӱрген болчомдор, таскадаачызы Аяна Акчаевна Карушева чыгып, 2-чи степеньдӱ дипломло кайралдадып, сыйга телевизор алган.

Видеороликтердиҥ кӧрӱзинде јеҥӱчил баштапкы јерге Кош-Агаш аймактыҥ Курай јуртында јадып турган Тадыкиндердиҥ билези чыккан. Олорго 1 степеньдӱ диплом табыштырылган ла сыйга эмдиги ӧйдиҥ смартфоны берилген.

Анайда ок ӧткӧн кӧрӱниҥ бастыра туружаачылары Лазарь Кокышевтиҥ чӱмдемелдериниҥ «Алтын-Туу» бичик чыгарту кепке баскан јаҥы бичигин сыйга алган.

К. Петешева

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым