Майма сууныҥ јараттары јазалат

19.11.2019

«Јаткан јер ле калада јадар айалга» деген эл ӱлекер аайынча Горно-Алтайскта Майма сууныҥ јазалган јарадыныҥ ачылтазында Алтай Республиканыҥ башчызы Олег Хорохордин турушкан.

Сууныҥ јарады «Баатыр» деген спортзалдаҥ ала «Мебельный» микрорайондо кӧлӱктер јӱрер кӱрге јетире јазалган. Бу ӱлекер аайынча калада јаткандардыҥ билелик амырайтан јерин, ол тоодо јондык ла культуралык керектерди ӧткӱрер јерди тудары темдектелген болгон.

«Бӱгӱн бис Майма сууныҥ јараттарыныҥ экинчи бӧлӱк јазалган јерин ачып јадыбыс. Мындагы јер танылбас болуп кубулган. Ол калада јаткандарга јараар ла амыралтаныҥ сӱӱген јери болорына мен алаҥзыбайдым» – деп, Олег Хорохордин айткан.

Сууныҥ јарады башка-башка јерлерге бӧлилген. Мында отурып амырайтан јерлерлӱ улус јойу базатан јолычактар, оромдо спортло тазыктырынар тренажерлор тургускан јер, сууны јараттай амырап базатан 1,2 метр бийикке чеденделген јол, кӧлӱктер тургузар јер јазалган. Ӱлекерди белетеерге ле темдектелген иштерди бӱдӱрерге башка-башка кеминде бюджеттердеҥ 18 млн салковойдоҥ ажыра акча чыгарылган.

«Горно-Алтайскта болуп турган јакшынак кубулталарды бастыра улус ајарып турган деп сананадым. Бисте кӧп квартираларлу туралардыҥ јаны ла балдар ойноор јерлер јазалат, спортло тазыктырынар јазалдар тургузылат, парктар ла јолдор јазалат. Бу иш келер де јылдарда улалар, сууныҥ јараттарын јазаары калада культураныҥ ла амыралтаныҥ паркына јетире ӧдӧр» – деп, республиканыҥ башчызы темдектеген.

Калачыларды анайда ок Эл Курултайдыҥ председатели Владимир Тюлентин уткыган.

Горно-Алтайск каланыҥ башкартузыныҥ јааны Ольга Сафронованыҥ темдектегениле, јаҥы јыл кирер алдында јазалган јаҥы јондык јерлер ачары јаҥжыгу боло берген. «Бир јыл мынаҥ кайра бу ӱлекерди Горно-Алтайскта јаткандар ӱнбериште талдап алган. Бӱгӱнги ачылтала бис «Јаткан јер ле калада јадар айалга» деген ӱлекерди бӱдӱрери аайынча быјылгы јылдыҥ јаан ижин тӱгезип јадыбыс» – деп, ол айткан.

Адалган программа аайынча республиканыҥ тӧс калазында кӧп катту туралардыҥ јанындагы алты јер јаҥырта јазалган, амыралтаныҥ Ленинниҥ адыла адалган тепсеҥниҥ јанындагы тӧс скверинде оромдогы тренажерлор тургузылган, анайда ок Коммунистический проспекттеги 35-чи турадаҥ ала Борис Головинниҥ оромына јетире тротуарлар јазалган.

Ачылта ӧйинде профессионал ижинде бийик једимдери учун АР-дыҥ башчызыныҥ, башкарузыныҥ председателиниҥ Быйанду самаралары Горно-Алтайсктыҥ башкартузыныҥ јааны Ольга Сафроновага ла «АлтайСтройКомплект» деген ООО-ныҥ электриги Иван Гороховко табыштырылган.

Байрамды ойын-кожоҥыла «Ойойым» ла «Беловодье» јайаан ӧмӧликтер кееркеткен. Эҥ оогош калачыларга аҥылу соот ойын ӧткӧн.

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом и.о. главного редактора АУ РА «Редакция газеты «Алтайдыҥ Чолмоны» от _____________ № Кудачина Э.В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир