Калыктарды бириктиреечи кай чӧрчӧк

Калыктарды бириктиреечи кай чӧрчӧк – сценада

22.11.2019

Россияда ӧдӱп јаткан Театрдыҥ јылына учурлалган калыктар ортодогы «Евразияныҥ албатыларыныҥ энчи-байлыгы кай, кай чӧрчӧктӧр сценада» деген форум Алтай Республикада кӱчӱрген айдыҥ 21-24 кӱндеринде ӧдӧт.

Алтайда ӧткӱрилип јаткан учуры јаан бу форум ороондо Театрдыҥ јылында ӧткӱрилерге темдектелген тӧс кӧдӱриҥилердиҥ бирӱзи болуп јат.

Россия Федерацияныҥ ла СНГ-ныҥ ороондорыныҥ культуразыныҥ ады-јолы јарлу ишчилери Алтай Республикага баштапкы катап келип, театрал санаттыҥ айалгазын, аргаларын ла курч сурактарын ла Евразиядагы калыктардыҥ энчи-байлыгы болуп јаткан кай чӧрчӧктӧрди сценада кӧргӱзерине учурлалган сурактарды ачык-јарык айалгада шӱӱжип, адакыда тӱп-шӱӱлтелер эдер. Солун форумныҥ ижинде, темдектезе, Азербайджаннаҥ, Чехиядаҥ, Казахстаннаҥ, онойдо ок Саха (Якутия) Республикадаҥ, Тывадаҥ, Татарстаннаҥ, Калмыкиядаҥ, Башкортостаннаҥ, Хакасиядаҥ, Москвадаҥ ла ӧскӧ дӧ талалардаҥ ады-јолы јарлу санат устар эрчимдӱ туружат.

Бу форумныҥ амадузы Евразияныҥ эл-калыктарыныҥ энчи-байлыгы кай чӧрчӧктӧрди шиҥдеериниҥ ле чеберлеериниҥ курч сурактарыныҥ аайы-бажына чыгарга театрал санаттыҥ эмдиги ӧйдӧги эп-аргаларын илезине чыгарары деп айдар керек.

Форумныҥ ижиниҥ ӧдӧтӧн аайы ныкта ла јаан. Театрда эл музейдиҥ «Павел Кучияктыҥ адыла адалган эл драма театрыныҥ тӱӱкизинеҥ» деген кӧрӱзи, форумныҥ пленарный јууны, башка-башка секциялардыҥ ижи, А. Г. Калкинниҥ «Маадай-Кара» (режиссеры Андрей Борисов) ла якуттардыҥ «Кыыс Дэбилийэ» (режиссеры Н. Г. Бурнашев, режиссер-педагогы М. М. Маркова, «Театр Олонхо» ло культура ла санаттыҥ Арктический институды) деген ойын-кӧргӱзӱлер, кӱрее-куучын, форумныҥ турултары аайынча пресс-конференция, мастер-класстар ла ӧскӧ дӧ керек-јарактар ӧдӧр.

К. ПИЯНТИНОВА

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом и.о. главного редактора АУ РА «Редакция газеты «Алтайдыҥ Чолмоны» от _____________ № Кудачина Э.В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир