Тӧрӧлин корыыры — јаан бӱдӱмји

22.11.2019

Бу јуукта бистиҥ бир бӧлӱк јерлештеристи черӱге аткарарыла колбулу кӧдӱриҥи республиканыҥ военкомадында ӧтти.

Быјылгы кӱски призыв ӧйинде бистиҥ тергеениҥ 350-неҥ кӧп јииди черӱге атанар. Баштапкы бӧлӱк јерлештерди ӱлӱрген айдыҥ ортозы кирезинде аткарган болзо, калганы ӱйдежӱ јаҥар айдыҥ 23-чи кӱнинде ӧдӧр. Республиканыҥ јуучыл комиссары Олег Денисенконыҥ мынаҥ озо айтканыла, бистиҥ јерлештерис черӱчил молјузын ороонныҥ черӱзиниҥ Калининградтаҥ ала Владивостокко јетире турган бастыра бӧлӱктеринде ӧдӧр.

Бу учуралда черӱге барып јаткан 14 јерлежис орооныстыҥ стратегический учурлу ракетный черӱлеринде — орооныстыҥ эҥ тоомјылу деген черӱлериниҥ бирӱзинде ӧдӧр.

Јерлештеристи черӱге аткарар ӱйдежӱде кӧп тоолу улус турушты, ол тоодо јииттердиҥ ада-энелери, тӧрӧӧн-туугандары, нӧкӧрлӧри ле о. ӧ.

Јиит черӱчилдерди черӱге аткарарына учурлалган кӧдӱриҥилӱ митингте баштапкы сӧсти «Россияныҥ офицерлери» деген текшироссиялык јондык организацияныҥ јаш ӱйени тӧрӧлчи кӱӱнге таскадары аайынча совединиҥ председатели, Россия Федерацияныҥ Геройы, Мужество орденниҥ ле кӧп тоолу јуучыл медальдардыҥ кавалери полицияныҥ полковниги Александр Головашкин айтты. Ол бойыныҥ куучынында Тӧрӧлин корыыры каруулу ла тоомјылу керек болгонын темдектеп, черӱчил молјузын бӱдӱрери јаан тоомјыда болоры бистиҥ ороондо орныктырылганын аҥылаган. Ада-ӧбӧкӧлӧрдиҥ мактулу јуучыл јаҥжыгуларын эзедип тура, јиит ӱйе олорды оноҥ ары улалтып јат деген.

Александр Николаевич бойыныҥ черӱчил службазыныҥ кийнинде Россия Федерацияныҥ МВД-зыныҥ Московский область аайынча ГУ-зыныҥ «Гром» деп аҥылу учурлу отрядында службага кирген. Бойыныҥ бу ижи аайынча Тӱндӱк-Кавказта јуучыл јол-јорыктарла кӧп катап болгон. Служебный молјузын бу талада бӱдӱрер тушта јалтанбазын кӧргӱскени, бӱдӱмјилеген керекти ак-чек, бийик кеминде бӱдӱргени учун 2008 јылда Россия Федерацияныҥ Президентиниҥ Јарлыгы аайынча ого Россия Федерацияныҥ Геройы деп бийик ат-нере адалган.

Черӱге барып јаткан јерлештериске ӱйдежӱлӱ сӧстӧриле анайда ок «Россияныҥ офицерлери» деген текшироссиялык јондык организацияныҥ бистиҥ тергеедеги исполкомыныҥ башкараачызы Владимир Перов, республиканыҥ јуучыл комиссары Олег Денисенко баштанган.

Олег Денисенко черӱге атанып јаткан јииттердиҥ ада-энелерине олор бойыныҥ уулдарын чындык улус эдип таскатканы учун јаан быйанын айткан. Бу уулдар черӱге барарга, военкоматка бойыныҥ кӱӱниле келген болуптыр.

Јерлештерис черӱчил службазын ракетный черӱлердиҥ Сибирьдиҥ јеринде турган дивизиязында ӧдӧр.

А. КӦБӦКОВ

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина