Чычкан јылдыҥ баштапкы јарымјылдыгына – јеҥилтилген баала

03.12.2019

«Алтайдыҥ Чолмоны» эл газетти республикада амыр-энчӱ јуртап јаткан албаты, алтай ӧзӧктӱ, кӧрӱмдӱ, тӧрӧлчи кӱӱн-тапту кажы ла биле бичидип алар деп иженедис.

Слердеҥ бистиҥ алтай газедистиҥ салымы, тиражы кӧнӱ камаанду. Јолы јаркынду, тӱӱкилик учуры бийик «Алтайдыҥ Чолмоны» газедистиҥ салымы ӧзӱп јаткан ӱйелердиҥ колында. Бала-барказын тилиле, культуразыла, тӱӱкизиле оморкоп, ого тайанып таскадары бӱгӱнги ада-энедеҥ, биледеҥ камаанду.

Кӱндӱлӱ кычыраачылар, јерлештер! Слерде бу ла онкӱндӱктиҥ туркунына «Алтайдыҥ Чолмоны» эл газетти 2020 јылдыҥ баштапкы јарымјылдыгына јеҥилтилген баала бичидип алар јарамыкту арга бар.

Алтай Республикада јаҥар айдыҥ 2-чи кӱнинеҥ ала 12-чи кӱнине јетире Бичидеечиниҥ бастрырароссиялык онкӱндӱги ӧдӱп јат.

Айдарда, Слер бу јап-јакшынак јеҥилтелӱ баала эл газедигерге бичидип алгадый эптӱ айалга бар. Тӱрген-тӱкей бичидип алыгар, ӧскӧ кычыраачыларыс, јерлештерис слердеҥ јозок алзын.

«Алтайдыҥ Чолмоны» эл газеттиҥ 2020 јылдыҥ баштапкы јарымјылдыгына почта ажыра бичидетен баазы — 761,70 салковой. Јеҥилтелӱ онкӱндӱкте почта ажыра бичитсе — 669,12 салковой.

Јеҥилтелӱ кычыраачыларга — 1-кы, 2-чи группаныҥ кенек улузына, Ада-Тӧрӧл учун Улу јууныҥ ветерандарына, амыр-энчӱ ӧйдӧ ӧткӧн јуучыл керектердиҥ туружаачыларына, онойдо ок Чернобыльда болгон јеткер-тӱбекти јоголторында турушкандарга тӧрӧл газедин 2020 јылдыҥ баштапкы јарымјылдыгына почта ажыра бичитсе, баазы 663,36 салковой. Је онкӱндӱк ӧйинде баазы — 636,36 салковой.

Кӱндӱлӱ јерлештер, Слер келип јаткан Чычкан јылдыҥ баштапкы јарымјылдыгына тӧрӧл газедигерге бичидип алзагар, јаҥжыкканы аайынча чыгып турган алтай јылтоолошло Чычкан јылдыҥ ӧҥдӱ кӱнтизӱзи айлыгарга келерин ундыбагар!

Эптӱ, јакшы онкӱндӱкти ундыбай, эдилген јеҥилтеле тузалангар!

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина