Электросетевой комплекстиҥ ӧзӱминиҥ сурактары

03.12.2019

Алтай Республиканыҥ башчызы Олег Хорохордин ле Россети Сибирьдиҥ генеральный директоры Павел Акилин ортодо ишмекчи туштажу ӧдӧрдӧ, тергеениҥ башкарузы ла ӱлештиреечи электросетевой компания ортодо ӧмӧ-јӧмӧ иштиҥ баштапкы уч-турулталары кӧрӱлген.

Ӧмӧ-јӧмӧ иш ӧдӧр тушта электросетевой ээлемди кыштыҥ ӧйине белетеери аайынча иштер ӧткӱрилген, анайда ок электропередачалардыҥ резервный линияларын тудары, электроэнергияны сетьке божодорын кӧптӧдӧри, тарифный регулирование аайынча ууламјылар чокымдалган.

Россети Сибирьдиҥ Алтай Республикада филиалы («МРСК Сибири» ПАО) јӧптӧлип калган не-немелерди јазаар ла инвестиционный программаларды толо кеминде ле ӧйинде бӱдӱрген. Кыштыҥ ӧйинде иштеерине белен болгонын тергеениҥ энергосетевой комплекси ӱлӱрген айда угускан болгон, ол пландалган иш-керектерди бӱдӱргенин керелеп турган «1» коэффициентти алган.

Энергојеткилдеш быжу болорын бийиктедерине ле сетьтердиҥ ӧзӱмине 600 миллион салковойдоҥ кӧп акча ууландырылган болгон: электропередачалардыҥ линияларын јаҥыртарына, јаҥы абоненттерди технологический јанынаҥ колбооры, «Цифровой РЭС» деген пилотный ӱлекерди тӧзӧӧргӧ цифровой јазалдарды садып алары, ол тоодо учеттыҥ «сагышту» приборлорын садып алары ла тургузары.

«Ӧмӧ-јӧмӧ иш мынаҥ да ары једимдӱ улалып барзын деп, биске озо ло баштап электроэнергияныҥ пропускной кемин кӧптӧдӧр керек — онызы јаан инвесторлорды јилбиркедери, объекттерди солыыры ла јаҥырта јазаары аайынча ишти улалтары, мынаҥ ары квалифицированный јеткилдеш ӧткӱрерге, ээзи јок сетьтерди оноҥ ары бириктирерине камаанын јетирери» — деп, Павел Акилин айткан.

Олег Хорохординниҥ темдектегениле, туштажу ӧйинде куучын-эрмек тушта электропередачаныҥ ийдезиниҥ кеми 110 кВ «Ининский-Усть-Коксинский» деген линияны тудар аргалар шӱӱжилген. Бу ӱлекер јанынаҥ баштаҥкайды энергетиктер эткен, оны тергеениҥ ӧзӱминиҥ «Ийделӱ Алтай» деген программазына кийдиргендер.

«Бу линия, кандый бир технологический бузулуштар боло берзе, Шабалин јурттаҥ ала Кӧксуу-Оозы јуртка ла Кош-Агаш јуртка јетире резервный электројеткилдешти ле пландалган иштерди ӧткӱрерин јеткилдеер. Анайда ок ол Алтай Республиканыҥ кӧп саба јерлеринде электројеткилдеш быжу болорыныҥ кемин бийиктедер» — деп, башчы айткан.

Туштажу ӧйинде темдектелгениле, филиал ӧдӱп јаткан јылдыҥ бажынаҥ ала јаҥы 1297 абоненттиҥ технологический колбожын ӧткӱрген. Олордыҥ тоозында тергеениҥ улузы, јонјӱрӱмдик объекттер ле бизнестиҥ объекттери. Технический ээжи-айалгалар аайынча, угузу эткен 637 субъектке электропередачалардыҥ линиялары тудулган. Он айдыҥ туркунына 80 километр кире ЛЭП-ти тудуп салгандар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина