«Грациядагы» оҥдошпосторды аайлаштырарга

03.12.2019

АР-дыҥ башчызы, башкарузыныҥ председатели Олег Хорохордин кӱчӱрген айдыҥ 28-чи кӱнинде Горно-Алтайсктагы балдардыҥ «Грация» деген спорт школында художественный гимнастика аайынча тазыктырынып турган балдардыҥ ада-энелериле туштажу ӧткӱрген.

Тергеениҥ башчызына бу ДЮСШ-ныҥ ӱренеечилериниҥ ада-энелериниҥ адынаҥ соцсетьтер ажыра бир канча баштанулар болгон: олор «Грацияла» колбулу курч сурактар јанынаҥ комыдап, мындагы спортло колбулу иш-ӱредӱ кызалаҥду айалгага кирердеҥ айабас деп тыҥ чочып турганын угускан болгон.

«Ада-энелерле туштажып, олорло куучындашкан кийнинеҥ меге јарт боло берген: «Грацияда» учына јетире аайлаштырылбаган кадровый сурактар, бу школдыҥ башкартузы ла преподавательдери ортодо оҥдошпостор бар болгоны јарт боло берген. Бу курч айалганы башкарту иш ажыра аайлаштырар керек. Мениҥ шӱӱлтемле, ол курч сурак балдардыҥ тазыктырузына буудагын јетирбес учурлу. Бу сурактыҥ аайына эмди ле чыгар керек!» — деп, Олег Хорохордин темдектеген.

Оныҥ айтканыла, балдар спортло тазыктырынар, јаан улус дезе ого керектӱ бастыра айалгаларды тӧзӧӧр учурлу.

– «Грация» кӧп тоолу јайалталу гимнасткаларды ла гимнасттарды ӧскӱрип чыдадарына бӱдӱп јадым. Бӱгӱнги тӧзӧлип калган курч айалганыҥ аайы-бажына кыйалта јогынаҥ чыгарыс. Алтай Республика спортло сӱрекей јуук колбуда болгоныла оморкойдым, бисте јарлу спортчылардыҥ тоозы кӧп. Бистиҥ јерлештерис спорттыҥ башка-башка бӱдӱмдериле тазыктырынат, онызы кандый јакшы! — деп, республиканыҥ башкараачызы айткан.

«Грация» деген ДЮСШ 2017 јылдыҥ учында, Алтай Республиканыҥ спортивный акробатика аайынча баштапкы тӧс јери Горно-Алтайскта ачылган соҥында тӧзӧлгӧн. Учреждениеде 14 тазыктыраачы-преподаватель иштейт, 460-наҥ кӧп балдар спорттыҥ башка-башка ууламјылары аайынча тазыктырынат — спортивный акробатика, художественный гимнастика, батуттарда калыыры, акробатический дорожка, двойной минитрамп.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина