Почтаныҥ колбузыныҥ сурактарын шӱӱшкен

10.12.2019

Алтай Республиканыҥ башчызы Олег Хорохордин федерал почтаныҥ колбузыныҥ Алтай Республикада башкартузыныҥ башкараачызы Олег Вольфло ишмекчи туштажу ӧткӱрген.

Туштажу ӧйинде почтаныҥ тергеелик филиалыныҥ ижи јакшы болорын тӧзӧӧри, почтаныҥ колбузыныҥ јеткилдештерин ыраак јурттардыҥ албаты-јоны тузаланарын јеткилдеери, бу колбуныҥ бӧлӱктериниҥ модернизациязы, логистиканы ӧскӱрери јанынаҥ сурактар шӱӱжилип кӧрӱлген.

Россияныҥ почтазыныҥ Алтай Республикада ижи керегинде куучындап тура, Олег Вольф бу бӧлӱкте 700-теҥ кӧп улус, ол тоодо 229 почтальон, ӱч почтамт, 88 стационар бӧлӱктер ле јорыктап јӱрер бир бӧлӱк иштеп турган деп айткан.

Тургуза ӧйдӧ почтаныҥ аҥылу јеткилдештери ӧткӱрилет, ол тоодо чаазын корреспонденцияны ла периодический чыгармаларды јетирер јерге јетирет, газет-журналдарга бичидери ӧдӧт, пенсияларды тӧлӧйт, коммунальный, калан, штраф тӧлӧмирлерди алгылайт. Сотовый колбу учун улус база ол бӧлӱктер ажыра тӧлӧйт.

Оныҥ темдектегениле, Россияныҥ почтазы јонјӱрӱмдик ууламјылу компания. Ол клиенттерге јеткилдеш эдериниҥ чыҥдыйына аҥылу ајару эдет. Бу ок ӧйдӧ эмдиги ӧйдиҥ некелтелериле колбулу керексиништер шиҥделип кӧрӱлет.

«Кезик улус самолетко эмезе поездке билетти почтаныҥ кажы ла бӧлӱгинде садып алар, јӱрӱмниҥ ле су-кадыктыҥ, ар-јӧӧжӧниҥ страхованиезин эдер арга бар болгонын эмдиге јетире билбес. Анайда ок ол бӧлӱктер ажыра ӧскӧ дӧ кӧп тоолу јеткилдештер алар арга бар. Бӱгӱн биске болушка јаҥы технологиялар келген —электронный колсалыш, озолондыра тӧлӧп лӧ керектӱ немелерин эдип салган аткарыштар, «Таҥынаҥ кабинет» деген сервис ле оноҥ до ӧскӧлӧри» — деп, Олег Вольф куучындаган.

Олег Хорохордин обществоныҥ јадын-јӱрӱминиҥ бастыра бӧлӱктерине эмдиги ӧйдиҥ цифровой технологиялары кирип ле тузаланылып турганы јаан учурлу болгонын темдектеген. «Россияныҥ байлык јаҥжыгуларлу почтазы ӧйдиҥ некелте-алтамдарынаҥ соҥдобой, улуска олордыҥ керексиништерине келижип турган јеткилдештер эдерге чырмайып турганы сӱӱндирет. Бистиҥ албаты-јон бу ууламјылу ишти мынаҥ да ары ӧйдӧ јӧмӧӧрине алаҥзыбайдым» — деп, тергеениҥ башчызы айткан.

Олег Вольф федерал почтаныҥ колбузыныҥ Алтай Республикада башкартузыныҥ башкараачызына бу јуукта кӧстӧлгӧн. Ол 1974 јылда Алтай крайда Огни јуртта чыккан, 1996 јылда Бийсктеги педагогический институттыҥ физико-математический факультедин ӱренип божоткон, 2005 јылда — Барнаулдагы юридический институтты, 2019 јылда — Алтайдагы государственный технический университетти (башкараачы кадрларды президенттиҥ программазы аайынча белетеери). Мынаҥ озо ол Бийск калада ЖКХ-ныҥ бӧлӱгинде башкараачы иштерде иштеген, 2015 јылдаҥ ала Алтай крайдыҥ УФПС-ыныҥ Бийсктеги почтамтын башкарган (почтаныҥ колбузыныҥ 111 бӧлӱги Бийскте, Бийский, Зональный, Красногорский, Ельцовский, Целинный ла Солтонский райондордо иштейт. Текши јеткилдеш 200 муҥнҥ кӧп улуска эдилет).

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина