Эмчиликтерге ле школдорго јаҥыјылдык сый

17.12.2019

Бӱгӱн Горно-Алтайск каланыҥ тӧс тепсеҥинде ле Билениҥ скверинде учурлу керек-јарактар ӧдӱп јат. Кӧдӱриҥилӱ айалгада республиканыҥ эмчилик бӧлӱгиниҥ тӧзӧлмӧлӧрине тӱрген болуштыҥ 42 кӧлӱги ле школдорго балдар тартар 35 кӧлӱк табыштырылар.

Эмчиликтерге ӱзе јаба «ГАЗель» маркалу 30 ла «Форд Транзит» маркалу 12 кӧлӱк табыштырылар. Олор эмчилик ишчилерди ле оорыган улусты тартар тегин кӧлӱктер эмес, кажызы ла керектӱ эмчилик эдимдерле јепселген, тӧрт кӧлӧсӧзи тебинип, кандый ла јолдорло маҥтадып јӱрер кӧлӱктер. Олор тургуза ла иштеп баштаарга белен.

Ӧткӧн сыгын айда аймактарга санитар тогус УАЗ кӧлӱк берилген эди (фотодо). Эмди дезе база 42-зи једип келди.

Алтай Республиканыҥ башчызы Олег Хорохординниҥ айтканыла, албаты-јонныҥ су-кадыгын корыыры государствоныҥ ижиниҥ эҥ учурлу ууламјызы болуп јат. «Ончо улуска ӧйдиҥ калганчы некелтелерине турар чыҥдый эмчилик болушты јетирери — кажы ла кижиле колбулу эҥ учурлу амаду» деп, Россияныҥ президенти Владимир Путин айткан эди.

Тӱрген болуш јетирер кӧлӱктер ончо аймактарга аткарылар. Онойып, Чой аймакка 3 кӧлӱк берилер, Турачак аймакка — 3, Шабалин аймакка — 4, Оҥдой аймакка — 4, Улаган аймакка — 5, Кош-Агаш аймакка — 4, Кан-Оозы аймакка — 4, Кӧксуу-Оозы аймакка — 5, Чамал аймакка — 3. Ыраак аймактар бир эмеш кӧп кӧлӱктер алар. Јеткерлӱ учуралдардыҥ эмчилигиниҥ тӧс јерине 7 кӧлӱк берилер.

Балдар тартар «ГАЗель» маркалу бир кӧлӱктеҥ Шабалин, Чамал, Турачак, Улаган, Оҥдой, Кан-Оозы, Кӧксуу-Оозы, Кош-Агаш, Чой аймактарга табыштырылар. Горно-Алтайскка ондый ок маркалу алты автобус берилер. Эки «Форд Транзит» кӧлӱк Майма аймакка берилер. АР-дыҥ ӱредӱлик министерствозы башкарып турган ведомстволорго бир «КАВЗ» маркалу ла «ГАЗель» маркалу база бир кӧлӱктеҥ табыштырылар.

Бу кӧлӱктер Алтай Республикага Россияныҥ башкарузыныҥ јӧбиле берилген. Мынаҥ озо федерал тӧс јерге тергееде аҥылу транспорт јетпей турганы керегинде баштану эдилген болгон.

Јап-јаҥы кӧлӱктер тергеениҥ эмчилигиниҥ, ӱредӱлигиниҥ ишчилерине ле текши эл-јонго јакшынак јаҥыјылдык сый болорында алаҥзу јок.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина