Терроризмге удурлажар комиссияныҥ јууны ӧткӧн

27.12.2019

Алтай Республиканыҥ башчызы Олег Хорохордин Алтай Республиканыҥ терроризмге удурлажар комиссиязыныҥ јуунын ӧткӱрген.

Јуунда Јаҥы јылдыҥ ла Рождествоныҥ байрамдарында эл-јондыкта јеткер болдыртпазыныҥ, Шабалин аймактыҥ јеринде терроризмниҥ профилактиказыныҥ бӧлӱгинде иштиҥ, тергеениҥ транспорт объекттериниҥ јеткер јок болорыныҥ сурактары шӱӱжилген.

Тергеениҥ башчызыныҥ темдектегениле, Алтай Республикада бу ӧйдӧ јӱстер тоолу башка-башка керектер ӧткӱрилет ле олордо ондор муҥдар улус ла айылчылар туружат, ол тоодо балдардыҥ турушканыла кӧп керектер ӧдӧри пландалат.

«Канча јылдарга улай тергееде јаҥыјылдык байрам кӱндерде айалга турумкай јакшы да болуп турган болзо, јеткер болдыртпазыныҥ, ол тоодо ӧрт, јолдордо јӱрери јанынаҥ јеткер болдыртпазыныҥ сурактары аҥылу шиҥжӱде болор учурлу» — деп, Олег Хорохордин чокымдаган.

Алтай Республиканыҥ ичбойында керектер аайынча министриниҥ ордынчызы Евгений Беспятов јаҥыјылдык байрамдарда терроризмниҥ эл-јонго эдилетен чочыдуларына удурлажа ла јондыкта јеткер болбозы јанынаҥ озолондыра ӧткӱретен профилактикалык ӱзеери иштер керегинде јетирӱ эткен.

МВД-ныҥ ишчилери кышкы каникулдардыҥ ӧйинде керектерди јеткер јок ӧткӱрерин јеткилдеери аайынча бир чук иштер ӧткӱрет деп, ол айткан. Јаҥыјылдык байрамдарда јондыкта амыр-энчӱ айалганы корулаарында ичбойында керектердиҥ 900 ишчизи, таҥынаҥ корулаар организациялардыҥ 20 ишчизи, казачествоныҥ 30 кижизи, албатыныҥ бойыныҥ кӱӱниле тӧзӧгӧн дружиналарыныҥ 20 турчызы туружар. Аҥылу ајару эл-јонныҥ кӧп јуулган јерлерине эдилер. Јаҥы јылдыҥ ла Рождествоныҥ јыргалдары 500 объектте ӧдӧр, олордо 80 муҥ кирези улус туружар. Онойдо ок МЧС-тыҥ ла Росгвардияныҥ ишчилери байрам кӱндерде беленин бийиктедип иштеер.

Шабалин аймактыҥ јааны Эрчим Сарбашев муниципал тӧзӧлмӧниҥ јеринде терроризмниҥ профилактиказы јанынаҥ иш ле оны јарандырары аайынча керектер керегинде куучындаган. Ол аймакта јондык-политикалык айалга турумкай болгонын јетирген. Оныҥ айтканыла, национальный тӧзӧгӧлӱ удурлажулар, олорго экелгедий керектер болбогон. 2019 јылдыҥ туркунына культураныҥ ла су-кадыкты корыырыныҥ объекттериниҥ јеткер болбозыныҥ паспортторын јазаар иш ӧткӧн, школдордо бой-бойына тоомјылу, јакшы кӱӱндӱ болорын, оҥдожорын таскадарына ууламјылу керектер ӧткӱрилген.

Јуундашкандар онойдо ок Горно-Алтайсктыҥ аэропортында ла автовокзалында јеткер бодыртпазын јеткилдеерин, терроризмге удурлажар комиссияныҥ бу јылдагы ижиниҥ уч-турулталарын, комиссияныҥ јӧптӧриниҥ бӱткенин шӱӱшкендер, адакыда 2020 јылда иштиҥ планын јӧптӧгӧндӧр.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым