Тоштыҥ ӧргӧӧзи ачылган

10.01.2020

Алтай Республиканыҥ башчызы Олег Хорохордин 2019 јылдыҥ јаҥар айыныҥ 29-чы кӱнинде Майма јуртта су-кадыктыҥ ла спорттыҥ «Атлант» деп комплексиниҥ ачылтазында турушкан.

Ачылтада анайда ок тергеениҥ бӱдӱреечи ле јасакчы јаҥдарыныҥ чыгартулу улузы, муниципал тӧзӧлмӧлӧрдиҥ јаандары ла спортчылар турушкандар. Олег Хорохордин искусственный тошту бу площадка јыл туркунына иштеер аргалу деп темдектеген. «Бис «Атлантты» јыл тӱгенгенче јетире табыштырып салар деген амаду тургускан болгоныс. Эмди мен президентке ле Алтай Республиканыҥ эл-јонына бис амадаган ижисти ӧйинде бӱдӱрип койдыбыс деп, ачык-јарык айдар аргам бар. Бу ӱлекерди бӱдӱрип, оны учына јетирерге сегис јылга шыдар ӧй барган» — деп, республиканыҥ башкараачызы айткан.

Олег Хорохордин тоштыҥ ӧргӧӧзи 2012 јылдаҥ ала тудулып башталганын, је акча-манат јок болгонынаҥ улам оныҥ тудум иштери бир кезек ӧйгӧ токтодылганы ла ол Россияныҥ президенти Владимир Владимирович Путинниҥ јакылтазы аайынча ойто тудулып башталганын эзеткен. Је тоштыҥ ӧргӧӧзинде иштер мыныҥ да кийнинде узак ӧйгӧ чӧйилген ле оныҥ ачылтазы кажы ла катап ӧскӧ ӧйгӧ кӧчӱрилген болгон.

Алтай Республиканыҥ башчызыныҥ айтканыла, 2019 јылдыҥ сыгын айыныҥ баштапкы кӱнинде тоштыҥ ӧргӧӧзиниҥ технический ачылтазы ӧткӧн. Шак ол тушта комплекстиҥ искусственный тожы лапту шиҥделген ле оны тузаланары јанынаҥ јараду алылган. Технический ачылтаныҥ кийнинде илезине чыгарылган једикпестер јоголтылган. Башчыныҥ айтканыла, «Атлантта» бӱгӱнги кӱнде бастыра тудум иштер тӱгенген. Мынаҥ ары мында спорттыҥ кышкы бӱдӱмдериле секциялар иштеер, тегин улуска бойлорыныҥ кӱӱниле јыҥылап алар јакшынак айалгалар тӧзӧлӧр.

Башчы республиканыҥ эл-јонына Јаҥы јылдыҥ алдында сӱрекей јакшы сый эдилип јатканы керегинде айткан. Оныҥ темдектегениле, ӱренчиктердиҥ кышкы каникулдарында мында акча тӧлӧбӧзинеҥ јыҥылаар арга болор, тазыктыраачылар балдарды фигурный јыҥылашка ла шайбалу хоккейге ӱредер. Олег Хорохордин анайда ок республиканыҥ хоккейисттерине јыл туркунына тазыктырынар јарамыкту аргалар ачылып јатканы керегинде айткан. Бистиҥ тергееде хоккейле кӧп улус јилбиркеп јат. Спорттыҥ бу бӱдӱми республикада јаан јол алынган деп айдар керек. Башка-башка маргаандарда једимдӱ туружып турган командалар база бар. Мынаҥ ары хоккейисттер ойындарда оноҥ јаркынду јеҥӱлер аларында алаҥзыштар јок. Башчы «Атлантта» спорттыҥ јаҥы школын ачар кӱӱн-санаа бар деп айткан. «Бис бу ишти баштап, оны кыйалтазы јогынаҥ бӱдӱрерис» — деп, Олег Хорохордин угускан.

Олег Хорохордин спорт сӱӱчилерди јаҥы комплекстиҥ ачылганыла уткуп, олорго 2020 јылда јаҥы једимдер кӱӱнзеген. Ол кӧдӱриҥилӱ айалгада Алтай Республикада физический культураны ла спортты ӧскӱреринде бийик једимдерге јеткени, анайда ок узак јылдарга ак-чек ле эрчимдӱ иштегени учун «Атлант» спорткомлекстиҥ директоры Владимир Ереминди Алтай Республиканыҥ Кӱндӱлӱ грамотазыла кайралдаган.

Алтай Республиканыҥ строительстводогы бӧлӱгин ӧскӱреринде јеткен бийик једимдери ле Майма јуртта тоштыҥ ӧргӧӧзин тударында эрчимдӱ турушканы учун Алтай Республиканыҥ башчызыныҥ Быйанду самаразыла «СтройВектор» ООО-ныҥ генеральный директоры Александр Ронин, технический директоры Мурат Конышев ле Алтай Республиканыҥ капитальный строительствозыныҥ башкартузыныҥ директорыныҥ молјуларын удурумга бӱдӱрип турган Александр Вайдуров кайралдаткандар. Тоштыҥ ӧргӧӧзиниҥ ачылтазында турушкан спортчыларды ла эл-јонды анайда ок Алтай Республиканыҥ Эл Курултайыныҥ председателиниҥ ордынчызы Герман Чепкин ле шайбалу хоккейдиҥ тазыктыраачызы Аржан Кыдрашев уткыгандар.

Кӧдӱриҥилӱ ачылтаныҥ туружаачыларын бойлорыныҥ кӧргӱзӱлӱ номерлериле јолын фигурный јыҥылашта јаҥы ла баштап турган јиит спортчылар сӱӱндиргендер. Ол кӱн «Атланттыҥ» тожында шайбалу хоккейле Алтай Республиканыҥ башчызыныҥ сыйы учун баштапкы ойындар ӧткӧн. Маргаандардыҥ кайралдары учун Майма ла Суску јурттардыҥ јиит хоккейисттери тартышкандар. Республиканыҥ башчызы баштапкы туштажуда тоштыҥ ортозына чыгып, шайбаны ойынга бойы кийдирген. Бу ойында 5:3 тооло Суску јурттыҥ командазы јеҥген, башчы олорго Кубокты кӧдӱриҥилӱ айалгада табыштырган.

Спорттыҥ ла су-кадыктыҥ комплексинде јаҥыс та тош урулган эмес, је мында анайда ок тренажерный зал, волейболдыҥ, баскетболдыҥ, теннистиҥ ле художественный гимнастиканыҥ залдары иштеп јат. Ӧргӧӧниҥ ичинде јети јӱске шыдар кижи отуратан трибуна тудулган.

Алтай Республиканыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина