Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Быйаныс jетиредис

21.01.2020

Ӧткӧн jылдыҥ кӱс-кыш ӧйинде «Алтайдыҥ Чолмоныныҥ» ӧмӧлиги тӧрӧл газедистиҥ кычыраачыларыныҥ тоозын кӧптӧдӧри аайынча база албаданып ла иштенди. Бу иште ол тоодо сыгын айда Эл Курултайдыҥ депутаттарын тудары jанынаҥ тергеебисте ӧткӧн талдаштарды база тузаландыс. Олордыҥ турулталарыла, алтай тилдӱ кӧп албаты-јон јадып турган аймактардыҥ ла каланыҥ jеринеҥ jаҥы тудулган кара башту депутаттарга олор бойлорыныҥ ӱнбереечилерине быйан айткан айас jарым jылга «Алтайдыҥ Чолмонын» бичидип берзин деп баштанганыс.

Мындый кычыру-баштануны jаҥыс ла Эл Курултайдыҥ былтыр тудулган турчылары эмес, је онойдо ок Россияныҥ Госдумазыныҥ ла Горно-Алтайск каланыҥ депутаттарыныҥ Совединиҥ канча jыл иштеп койгон депутаттары jӧмӧгӧни сӱрекей jакшы кӧрӱнди. Элдеҥ ле озо Федерал Jуунныҥ тӧмӧнги палатазыныҥ турчызы Родион Букачаков бойыныҥ акчазыла «Алтайдыҥ Чолмонын» республиканыҥ башка-башка аймактарында jаткан 55 кижиге jарым jылга почта ажыра алар эдип бичидип бергенин темдектеер керек. Горно-Алтайсктыҥ депутаттарыныҥ  Совединиҥ депутады, «Солнечная энергия» компанияныҥ jааны Андрей Ялбаков калада jуртаган jажы jаан, кӧп балдарлу ла ӧскӧ дӧ 50 кижиге алтай газетти бичидип берди.

Бу экӱниҥ баштаҥкайын Алтай Республиканыҥ парламентиниҥ jаҥы тудулган депутаттары jакшы jӧмӧгӧни сӱӱндирди. Алтай тилле чыгып турган республикан газетти бойлорыныҥ талдаачы округтарында jаткан ӱнбереечилерге бойыныҥ акчазыла алты айга Эл Курултайдыҥ мындый турчылары бичидип берген: Владимир Тюлентин /Кӧксуу-Оозы аймакта 7 кижиге/, Наталья Екеева /Шабалин ичинде 9 кижиге/, Айдар Тазрашев /Улаган аймакта 10 кижиге/, Асет Заргумаров /Улаганда 9 кижиге/, Юрий Кымындынов /Улаганда 6 кижиге/, Ай-Сулу Ябыева /Кан ичинде 5 кижиге/.

Ӧрӧ адалган ончо депутаттарга «Алтайдыҥ Чолмонын» акту кӱӱнинеҥ jӧмӧгӧни учун редакцияныҥ адынаҥ jаан алкыш-быйанысты jетиредис. Jонныҥ адынаҥ парламентарий болуп чыккан ӧскӧ дӧ кара башту jерлештериске бичидишке база болуш этсин деп баштанганыс, jе бир кезек шылтактардаҥ улам олордыҥ jанынаҥ jӧмӧлтӧ келишпей калды. Бу улустаҥ чӧкӧбӧй, келер ӧйдӧ олор бойлорыныҥ чындык ӱнбереечилерине тӧрӧл газедин бичидип бергениле де болзо болуш эдер деп иженедис.

Бичидиш jанынаҥ иш онойдо ок Горно-Алтайсктыҥ алтай тилдӱ улус иштеп турган организациялары ортодо эрчимдӱ ӧткӱрилген. Мында улус газеттерди редакциядаҥ бойлоры келип алар болзо, бир экземпляр газеттиҥ баазы алты айга 300 салковой, газетти «Алтайдыҥ Чолмоны» бойыныҥ кӧлӱгиле тартып jетирер болзо, 400 салковой болгон. Кирген jылдыҥ баштапкы jарымjылдыгына «АЧ-га» бойлорыныҥ ишчилерин бичидери аайынча ишти кӧп башкараачылар jакшы jӧмӧгӧн. Олордыҥ кӧп сабазы тӧрӧл тилин, Алтайын сӱӱген, улуска болужар кӱӱндӱ болгон ээжилерле башкарынган. Кезикте алтайлап кычыргадый ла улус алтай газетти кычырбай, алдыртпай, канайып та керексибей jӱргилейтенин бис билерис. Шак бу учуралда байа бир патриот дейтен кӱӱндӱ башкараачы ишчилер олор ортодо jартамалду иш ӧткӱрип, куучындажып, бу керекте мындыйларды эмеш ичкери «ийде салып» ийип турганы база jакшы.

Мынайда эткен кӧп тоолу башкараачы улустыҥ ады-jолдорын тоолоорго до кӱч. Jе эҥ кӧп улус бичиткен улустыҥ кезиктерин де болзо адап ийели – Туулу Алтайда ай-кӱнниҥ айалгазын ширтеер тӧс jердиҥ jааны Валентин Декенов /19 кижи/, ресгимназияныҥ библиотекари Татьяна Тарбанакова /20 кижи/, Жуковтыҥ адыла адалган баштапкы номерлӱ школ-интернаттыҥ jааны Виктор Затеев /17 кижи/, педколледжтиҥ алтай бӧлӱгиниҥ jааны Марина Анышева /14 кижи/, «Солнечная энергия» деп ООО-ныҥ jааны Андрей Ялбаков /12 кижи – туй ла бир jылга бичиткен/, АР-дыҥ Эл музейиниҥ jааны Римма Еркинова /12 кижи/, оору балдардыҥ су-кадыгын орныктырар тӧс jердиҥ jааныныҥ ордынчызы Лариса Шатина ла ишчизи Индира Албанова /11 кижи/, АР-дыҥ иш ле jонjӱрӱмдик иш аайынча министриниҥ болушчызы Эмилия Адарова /11 кижи/, АР-дыҥ МВД-зыныҥ ОМОН-ыныҥ кадрлар аайынча бӧлӱгиниҥ jааны Зинаида Суйманакова /10 кижи/, РИПКРО-ныҥ ректорыныҥ ижин удурумга бӱдӱреечи Галина Ядагаева /10 кижи/, АР-дыҥ Эл библиотеказыныҥ jааныныҥ ордынчызы Марина Алушкина /9 кижи/, АР-дыҥ ӱредӱ аайынча министерствозыныҥ ишчизи Анна Багырова /8 кижи/ АР-дыҥ медико-социальный экспертизазыныҥ баш бюрозыныҥ јааны Евгения Еркинова, АР-дыҥ су-кадык аайынча тӧс јердиҥ ишчизи Марина Бештинова, каланыҥ 7-чи таҥмалу школыныҥ директоры Нина Чуйчина ла директордыҥ ордынчызы Светлана Кудачина /13 кижи/, ВГТРК-ныҥ ишчизи Ойгор Сыев /39 кижи/.

Мындый ӧмӧ-jӧмӧ иштиҥ шылтузында Чычкан jылда тӧрӧл «Чолмоныстыҥ» кычыраачыларыныҥ тоозы кӧптӧди. Ого сӱӱнип jадыс. Бисти jӧмӧгӧн ончо улуска jаан быйан айдып, jаҥы jылда олордыҥ бастыра керектери бийик кеминде барзын деп кӱӱнзейдис.

«АЧ-ныҥ» ӧмӧлиги

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина