Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
Тоштогы јыҥылаш: Алтайда баштапкы маргаандар
28.01.2020
Чаган айдыҥ 25-26 кӱндеринде Маймадагы «Атлант» деген спорт-орныктырар комплексте тошто фигурный јыҥылаш аайынча Алтай Республиканыҥ баштапкы ачык первенствозы ӧткӧн.
Бу маргаандарда бистиҥ республикадаҥ, Омский, Новосибирский областьтардаҥ ла Алтай крайдаҥ бастыра 85 спортчы турушкан. Туружаачылар јажы аайынча башка-башка бӧлӱктерде маргышкан. Спортчылардыҥ тоозында спорттыҥ бу бӱдӱмиле јаҥы ла тазыктырынып тургандар да, ченемелдӱ спортчылар да јеткилинче болгон. Олордыҥ маргаандары конекло тошто јыҥылаарыныҥ Бирлик текшироссиялык классификациязыныҥ (ЕВСК) ээжилери аайынча баалалган.
Маргаандар јилбилӱ ӧткӧнин темдектеер керек. Олорды кӧрӧргӧ кӧп тоолу албаты-јон јуулган, спортчылар кӧрӧӧчилерге јакшынак сый эткен. Маргаандардыҥ јеҥӱчилдери кайралдарла, сыйларла кайралдаткан.
2012 јылда тудулып башталган бу комплексле колбулу иштер акча-манат јанынаҥ уур-кӱчтер болордо, удурумга токтодылган болгон. Оноҥ Россия Федерацияныҥ президенти Владимир Путинниҥ јакылтазы аайынча акча-манатла јеткилдеш орныктырылып, тудум иштер оноҥ ары улалган болгон. «Атлант» иштеерине бу јуукта кӧдӱриҥилӱ айалгада табыштырылган. Фигурный јыҥылаш аайынча маргаандар бу комплексте ӧткӧн эҥ баштапкы маргаандардыҥ бирӱзи болуп, Туулу Алтайдыҥ тӱӱкизинде ӱргӱлјикке артар.
Фигурный јыҥылаш бистиҥ тергееде солун бӱдӱм болуп јат. Јаш ӱйе спорттыҥ тошло колбулу бӱдӱмдериле эмди элбеде јилбиркеп, тазыктырынып, бийик једимдерге једерине иженери артат.
ТОП
«Гуркин» деген телекей: ачылталар ла јажыттар
Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы
«Јурукчыныҥ јуртын орныктырары – тӧс иш»
Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым