Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Прокуратураныҥ солундары

12.02.2020

8 ишчи каруузына тургузылган

Майма аймактыҥ прокурорыныҥ јасак аайынча некелтелерин бӱдӱрбегени учун сетевой организацияныҥ филиалыныҥ 8 ишчизи (ол тоодо директоры) каруузына тургузылган.

Майма аймактыҥ прокуратуразы «МРСК Сибири» ПАО-ныҥ филиалы – Горно-Алтайсктыҥ электрический сетьтеринде шиҥжӱ ӧткӱрген. Шиҥжӱ аймактыҥ прокурорыныҥ некелтелери аайынча ӧткӱрилген. Аймактыҥ прокуратуразы «МРСК Сибири» ПАО-ныҥ филиалына јасакты бускан учуралдарды тӱзетсин деген некелтелерди кӧп  катап эткен. Электројеткилдештиҥ объекттерин технический колбоор ӧй, граждандардыҥ баштануларын кӧрӧр ӧй, электролинияларды јаҥыртарында электројазалдарды кондырар ээжилер бузулганыла, прокурордыҥ эткен некелтелери бӱтпегениле  колбой юрлицо ло башкараачылары административный каруузына тургузылган.

Анайда ок филиалдыҥ башкараачызы јасакты бускан учуралдарды тӱзедери аайынча кандый иштер ӧткӱрилгени керегинде јетирӱни прокуратурага ӧйинде бербегени јарталган.

Сетевой организация јасактыҥ некелтелерин бускан кӧп тоолу учуралдар болгонын, филиалдыҥ башкараачызы олорды јоголторго нени де этпей турганынаҥ улам эл-јон ортодо тал-табыш чыгып турганын ла Майма аймактыҥ јеринде социально-экономический айалганы оҥдолторына буудагын јетирип турганын ајаруга алып, Майма аймактыҥ прокуроры «МРСК Сибири» ПАО-ныҥ (Красноярск кала) генеральный директорыныҥ адына представление эткен.

Представлениениҥ турулталары аайынча филиалдыҥ директоры дисциплинарный каруузына тургузылган, ого выговор эдилген ле ээчий квартал учун премия тӧлӧлбӧгӧн. Выговорлор анайда ок база 7 ишчиге эдилген.

Јарыткыштар орныктырылган

Кош-Агаш аймактыҥ прокурорыныҥ некелтези аайынча јойу улус јол кечер переходтордо оромдогы јарыткыштар орныктырылган.

Кош-Агаш аймактыҥ прокуратуразыныҥ «Трансстрой» МКУ-ныҥ директорына эткен представлениези аайынча «Кош-Агаштыҥ јурт јеезези» МО-ныҥ ӱредӱлик организацияларыныҥ јанындагы јойу улус јолддорды кечер јерлерде  оромдогы јарыткыштар орныктырылган.

Ӧткӱрилген шиҥжӱ ӧйинде 2007 јылдыҥ кӱчӱрген айыныҥ 8-чи кӱнинде јӧптӧлгӧн «Россия  Федерацияда автомобильный јолдор ло јолдогы иштер, Россия Федерацияныҥ бир кезек јасакберим акттарына кубулталар кийдирери керегинде» 257-ФЗ таҥмалу федерал јасактыҥ 13, 17 тизимдеринде айдылган некелтелер јанынаҥ бузуштар болгоны јарталган.

Прокуратураныҥ эткен представлениези аайынча керектӱ иштер ӧткӱрилген, организацияныҥ бурулу кижизи дисциплинарный каруузына тургузылган.

Аргачы ээжилерди бусканы јарталган

Алтай Республиканыҥ Арбитражный јаргызы Турачак аймактыҥ прокурорыныҥ таҥынаҥ аргачыны административный каруузына тургузары керегинде угузузын јараткан.

Турачак аймактыҥ прокуратуразы 2019 јылдыҥ кӱчӱрген айында таҥынаҥ аргачыныҥ пекарнязын шиҥдеген. Бу шиҥжӱ иш аргачы Таможенный союзтыҥ «Аш-курсакла јеткер болбозы керегинде» технический регламентин ајаруга алып турган ба деп эдилген. Шиҥжӱ ӧйинде калаш быжырар тушта бу регламенттиҥ некелтелери бузулганы јарталган.

Мыныла колбой аймактыҥ прокуроры Алтай Республиканыҥ Арбитражный јаргызына ол таҥынаҥ аргачыны административный каруузына тургузары керегинде угузу аткарган.

Оныҥ турулталары аайынча јаргы таҥынаҥ аргачыга 30 муҥ салковой кеминде штраф салары керегинде јӧп јараткан. Прокуратураныҥ шиҥжӱзиниҥ шылтузында таҥынаҥ аргачыныҥ эткен бузужы тӱзедилген.

Јаргыныҥ јӧби ийдезин алынгалак.

Ајару эдилген

Майма аймактыҥ прокуратуразыныҥ баштаҥкайыныҥ шылтузында моторный сӱркӱш садып турган садучы административный каруузына тургузылган.

Майма аймактыҥ прокуратуразы јербойында моторный сӱркӱш садарында јасакберим бузулбай турган ба деп, шиҥжӱ ӧткӱрген.

Андый товар саткан садучылардыҥ бирӱзи ижин товардыҥ чыҥдыйын керелеген сертификат јогынаҥ ӧткӱрип турганы илелелген. Шиҥжӱниҥ турулталары аайынча аймактыҥ прокуратуразы каруузы кирелӱ ӧмӧликке административный бузуш керегинде керек ачкан. Бу керекти кӧргӧн АР-дыҥ Арбитражный јаргызы байагы ӧмӧликке ајару эткен.

Прокуратураныҥ ижиниҥ шылтузында бузуштар тӱзедилген.

АР-дыҥ прокуратуразыныҥ јетирӱлери аайынча

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина