Афганистандагы јуу-чактыҥ јылдыгы

18.02.2020

Кочкор айдыҥ 15-чи кӱнинде калада интернационалист-јуучылдардыҥ кереезиниҥ јанында Совет Черӱниҥ бӧлӱктерин Афганистаннаҥ чыгарганыныҥ 31-чи јылдыгына учурлалган керек-јарак ӧтти.

Кереестиҥ јанында јуулгандарды АР-дыҥ башчызыныҥ, башкарузыныҥ председателиниҥ јӧпчизи Игорь Коршунов уткып, Афганистанда тартыжулар 10 јыл улалганын эзетти. Советский Союз бу тартыжуда бойыныҥ 15 муҥ гражданинин јылыйткан. Олордыҥ тоозында 11-ӱзи Туулу Алтайдаҥ болгон. Олор ончозы ордендерле, медальдарла кайралдаткан.

«Бӱгӱн бис одус јылдаҥ ажыра ӧткӧн ӧйдӧ болгон керектерди эзедип, энелердиҥ ле тул арткандардыҥ ачу-коронын ӱлежедис. Јуучылдыҥ молјуларын бӱдӱрип јада калган геройлорыстыҥ агару эземине эҥчейедис.

Бӱгӱнги кӱнде республикада Афганистандагы јууныҥ 250 кире ветераны јуртайт. Слерди јерлештерер јаҥыс ла Афганистандагы нерегер учун эмес, је онойдо ок Тӧрӧлигерде једимдерер учун тооп јӱрет. Нерегер, чыдап јаткан ӱйени јуучыл-тӧрӧлчи таскадып турганыгар учун слерге јаан быйан» — деп, И. Коршунов айтты.

Керек-јаракта онойдо ок АР-дыҥ Эл Курултайыныҥ председателиниҥ ордынчызы Герман Чепкин, парламенттиҥ эл политика, ӱредӱлик, культура, јондык биригӱлер ле СМИ-лер аайынча комитединиҥ председатели Наталья Екеева сӧс айттылар.

«Бӱгӱн «изӱ точкаларда» болуп, бойыныҥ граждан молјуларын бӱдӱрген ле чертке учына јетире чындык болгондорды тоогонысты айдадыс. Бистиҥ уулдарыс мылтык-јепселдӱ тартыжуларды аайлаштырарында ат-нерелӱ турушканыла Ада-Тӧрӧл учун Улу Јууда фашизмди јеҥген адаларыныҥ ла јаандарыныҥ ат-нерелӱ адына турганын кӧргӱскен» — деп, вице-спикер айтты.

Уткуулду сӧстӧриле јуулгандарга онойдо ок Горно-Алтайск каланыҥ администрациязыныҥ јааныныҥ ордынчызы С. Тюхтенев, АР-дыҥ јуучыл комиссары О. Денисенко, Афганистанныҥ ветерандарыныҥ Россиядагы биригӱзиниҥ республикан бӧлӱгиниҥ председатели А. Майманов баштандылар.

Митингтиҥ туружаачылары бу тартыжуда јеҥ јастанып јада калгандардыҥ эземине бир минутка тым турдылар, интернационалист-јуучылдардыҥ кереезине чечектер ле веноктор салдылар.

Быјыл Афганистанда короп калган јуучылдарга учурлалган бу кереести кӧдӱриҥилӱ ачканынаҥ ала 25 јыл кирип јатканын темдектеер керек. Калага учурлу бу керек-јарак 1995 јылдыҥ кочкор айыныҥ 23-чи кӱнинде ӧткӧн. Оноҥ ала бу кереес афган јууныҥ ла јербойында јуу-чактардыҥ ветерандарына аҥылу јер болуп јат. Мында олор јолыгып, ол кату кӱндерди эске алынып, јада калган најыларын эзедет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина