Спикердиҥ Кан-Оозы аймакла ишмекчи јол-јорыгы

18.02.2020

Алтай Республиканыҥ Эл Курултайыныҥ председатели Владимир Тюлентин Кан-Оозы аймакла ишмекчи јол-јорыкла јӱрӱп, мал-аштыҥ кыштузыныҥ айалгазыла танышкан.

«Ябоган» СПК-ныҥ Судакан турлудагы мал-ажын кӧрӱп барала, СПК-ныҥ баш зоотехниги Л. Н. Кубековала, зоотехниги М. М. Чуруповала тушташкан. Койлордыҥ турлузында укту койлордыҥ тоозы 7 муҥга јеткен эмтир. Койчы Виктор Баянкинниҥ айтканыла, олордыҥ тоозы кажы ла јыл кӧптӧп туру. Койлордыҥ бескезин јакшы кеминде тударына камаанын шапшыктаҥ корондоор аҥылу јепсел јетирет. Койчы ол јепселди бойы туткан. Айылчылар оны иштедерде кӧрдилер.

Ээчий болгон јер — ол Экинурдагы јурт јеезениҥ Сары-Кобы турлузында Эдуард Иртаевтиҥ крестьян-фермер ээлеми. Иртаевтердиҥ ээлеминде 200 јоон мал-аш, 100 ат, 1 муҥ кирези койлор турат. Владимир Николаевич ээлемде мал-аштыҥ кыштузыла јилбиркеген. Быјылгы кыш ондый ла тыҥ соок болбогон, азырал, кӱч јас болгодый болзо, једижер учурлу. Куучын-эрмек ӧйинде фермер тӱк садар арга јок деген курч суракты кӧдӱрген. «Садып алар баазы јабыс учун, ээлемдерде тӱк тегин ле јадат» — деп, фермер айткан.

Јурт ээлемниҥ министриниҥ баштапкы ордынчызы Владислав Тахановтыҥ айтканыла, мындый айалга јӱк ле Алтай Республикада эмес. Ороондо кӧп тергеелер тӱк садарыныҥ курч сурагына ајару этсин деп баштанып турулар. Бу сурактыҥ аайына удабастаҥ федерал кеминде чыгар деп ижемји бар.

Эдуард Танытпасович онойдо ок ээлем бойыныҥ арга-кӱчиле кӱр тутканын айткан. Јӱк ле гравийди 234 КамАЗ экелген эмтир. Кӱрди јетире тударга фермер болуш сураган. Мынаҥ ары мал-аш азыраар база бир турлу турат. Парламентарий бу сурактыҥ аайына лапту чыгарга, ӱлекер-сметный документтер тургузары керектӱзин јартаган.

2019-2020 јылдардыҥ кыжына Кан-Оозы аймактыҥ јуртээлем товарлар иштеп алаачы ээлемдери 124 муҥ условный мал-ашту кирген. Кочкор айдыҥ 10-чы кӱнине јетире Кан-Оозы аймактыҥ бастыра категорияларыныҥ ээлемдериниҥ садып алган ла белетеген 47862 тонна азыралыныҥ 47% чыгымдалган, аймакта бир условный мал-ашка 2,65 центнер азырал келижет. Мал-аштыҥ бескези орто кеминде. Саар уйлар азыралда турат. Кажы ла башка мал-ашка јажыла, эркек-тижизиле, бескезиниҥ кемиле азыралдыҥ рационы тургузылган. Мал-аш турган турлуларга јолдор ачык, олор кемјок айалгада тудулат. «Меркит» ООО-до сакыбаган јанынаҥ кызалаҥду айалга тура бергежин тузаланатан 500 тонна азырал кичеелет. Мал-ашты кыштадарга јуртээлемдик предприятиелерде ле крестьян-фермер ээлемдерде 456 турлу бар. Кыштыҥ тӧрт айында мал-аштаҥ коромјы болбогон.

АР-дыҥ Эл Курултайыныҥ

пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина