Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ајаруда — тап-эриктер

03.03.2020

Кочкор айдыҥ 20-чи кӱнинде Горно-Алтайскта эмчилер белетеер колледжтиҥ актовый залында Роспотребшиҥжӱниҥ Алтай Республикадагы тергеелик башкартузыныҥ јааны, республиканыҥ государственный баш санитар врачы Леонид Щучиновтыҥ баштап ӧткӱргениле республикада санитар-эпидемиологиялык айалгаларды шиҥдеер иште  тап-эриктерди тузаланар иш канайда ӧдӱп турганына учурлалган јуун ӧткӧн.

Оныҥ ижинде АР-дыҥ Эл Курултайыныҥ акча-јӧӧжӧ, каландар, экономикалык политика аайынча комитединиҥ председатели Сергей Тимошенский, јондык биригӱлердиҥ, прокуратураныҥ, бӱдӱреечи јаҥныҥ, республикада аргачылардыҥ тап-эриктерин корыыр чыдулу органныҥ, туроператорлордыҥ ассоциациязыныҥ, шиҥжӱ ӧткӱрер федерал ла тергеелик органдардыҥ, јербойында бойын бойы башкарынарыныҥ муниципалитеттериниҥ, кичӱ ле орто аргачылыктыҥ чыгартулу ишчилери турушкандар.

Јуунда республиканыҥ государственный баш санитар врачы Леонид Щучинов тузаланаачылардыҥ тап-эриктерин ле кижиниҥ чыдуларын корыырын шиҥдеп, олорды јӱрӱмде бӱдӱрерин јеткилдеп турган јербойыныҥ органдары ижин ӧрӧлӧй турган федерал службаныҥ ээжилерине, федерал јасактарга тӧзӧлгӧлӧнип ӧткӱрет деп темдектеген. «Оныла колбулу иштерди бистиҥ тергееде Роспотребшиҥжӱниҥ Алтай Республикадагы башкартузыныҥ ишчилери чыҥдый бӱдӱрип јат. Ижистиҥ тӧс учуры республикада санитар-эпидемиологиялык айалгаларды јеткилдеери, эл-јонныҥ су-кадыгын кичееп тыҥыдары болуп јат» — деп, Л. Щучинов айткан.

Баш санитар врач оныҥ башкарып турган ведомствозы 2019 јылда коомой эмес иштеген деп ајарган: тергееде санитар-эпидемиологиялык айалгалар јыл туркунына керектӱ кеминде тудулган, эл-јонныҥ ла биске келип турган айылчылардыҥ су-кадыгы чеберлелген, бу бӧлӱктерде кижиниҥ су-кадыгына качалаҥын јетирер чочыдулу айалгалар болбогон. Ведомствоныҥ ишчилери бу ишти јаҥныҥ органдарыла, јербойында бойын бойы башкарынар тӧзӧлмӧлӧрдиҥ специалисттериле, јондык биригӱлердиҥ чыгартулу ишчилериле кожо ӧмӧ-јӧмӧ ӧткӱрип јадылар. Мындый колбулар 2020 јылда оноҥ ары улалар деп, баш санитар врач јуунда айткан.

Роспотребшиҥжӱниҥ тергеелик башкартузыныҥ ишчилери аргачыларды санитар-эпидемиологиялык айалгаларды бузуп турганы учун јаҥыс та кезедип турган эмес, је иште тутак-једикпестер болбозын јеткилдеер амадула јартамалду иштерди ажындыра ӧткӱрерин јаҥжыгу эдип алгандар. Ведомствоныҥ башкартузында кажы ла кварталда специалисттердиҥ элбеде турушканыла ӱзеери јуун-семинарлар ӧдӧт. Мындый јуундарда Роспотребшиҥжӱниҥ ишчилери ӧскӧ дӧ каруулу органдардыҥ специалисттери аргачыларды ӧткӱрген шиҥжӱлӱ иштердиҥ ле рейдтердиҥ турулталарыла таныштырат, олорго јаҥы чыккан јасактар ла јакаандар керегинде толо јартамалдар берет.

Алтай Республиканыҥ Эл Курултайыныҥ комитединиҥ јааны Сергей Тимошенский бойыныҥ куучынында Роспотребшиҥжӱниҥ ишчилери јаҥы чыгып турган јасактарды эл-јонго ӧйинде јартап турганын ла ведомстводогы иш јаантайын ачык-јарык айалгада ӧткӧнин темдектеген. Оныҥ айтканыла, бӱдӱреечи ле јасакчы јаҥныҥ органдарыныҥ, Роспотребшиҥжӱниҥ тергеелик башкартузыныҥ бӱдӱрип турган иштери јаантайын эл-јонныҥ јадын-јӱрӱмин јеҥилтерине ууламјылалар учурлу. Парламентарийдиҥ темдектегениле, олордо оноҥ каруулу ӧскӧ иш јок. Республиканыҥ депутаттарыныҥ корпусыныҥ чыгартулу кижизи иште тутак-једикпестер болбозын деп, профилактикала колбулу иштерди элбеде ӧткӱрип турар керек деп ајарган.

Аргачылардыҥ ижин шиҥжӱлейтен иштер калганчы ӧйлӧрдӧ кезем астаган деп айдар керек. Специалисттер эмди оныҥ ордына јартамалду иштерди элбеде ӧткӱрет. Шиҥжӱлӱ иштерде кандый јаҥыртулар ла кубулталар болуп турганы, учурлу кандый јаҥы јасактар чыкканы, садуныҥ бӧлӱгиндеги ле ашканалардагы санитар-эпидемиологиялык айалгалар керегинде јетирӱни јуунда Роспотребшиҥжӱниҥ специалисттери эткендер. Садуга чыгарылып турган таҥкыныҥ бастыра бар бӱдӱмдерине маркировка тургузары — кыйалтазы јок некелте болуп јат. Ол керегинде јуунда јартамал база болгон. Роспотребшиҥжӱниҥ специалисттери ОРВИ ле грипп су-кадыкка јаан качалаҥду деп темдектеп, оныҥ профилактикалык учуры јанынаҥ база јетирӱлер эткен.

Санитар-эпидемиологиялык айалгаларды шиҥдеер иште тап-эриктерди тузаланар иш канайда ӧдӱп турганына учурлалган јуунда бастыра сегизен тӧрт кижи турушкан.

П. КАБАР

М. БУГРЕЕВАНЫҤ фотојуруктары

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина