Ӱчјандай камыстыҥ јууны ӧткӧн

06.03.2020

Јонјӱрӱм-иш колбуларды аайлу-башту эдери аайынча республикан ӱчјандай камыстыҥ јууны тергеениҥ башкарузында ӧткӧн.

Јуунды Алтай Республиканыҥ башкарузыныҥ председателиниҥ баштапкы ордынчызы Алексей Тюхтенев ӧткӱрген. Камыстыҥ ижинде тергеениҥ государственный јаҥыныҥ бӱдӱреечи органдарыныҥ, «Алтай Республиканыҥ профсоюзтарыныҥ бириктирилген организациязы» деп биригӱниҥ, Алтай Республикада ишбереечилердиҥ биригӱзиниҥ чыгартулу улузы турушкан.

Јуунныҥ туружаачылары государственный јонјӱрӱмдик политиканы јӱрӱмде бӱдӱрери аайынча јолдыҥ картазыныҥ кӧргӱзӱлерин, бу учуралда бюджетный бӧлӱктиҥ ишчилериниҥ ишјалын бийиктедериле колбулу суракты шӱӱшкен.

Баштапкы вице-премьердиҥ темдектегениле, 2019 јылдаҥ ала бюджетный бӧлӱктиҥ кезик ишчилериниҥ ишјалыныҥ орто кемин Алтай Республика аайынча орто ишјалдыҥ кемине јетирери јеткилделген. Тергеедеги бӱгӱнги орто ишјалдыҥ кеми, РФ-тыҥ президентиниҥ 2012 јылда јӧптӧгӧн јарлыктарын јӱрӱмде бӱдӱрип тура, 2018 јылда јеткилделген.

«Росстаттыҥ кӧргӱзӱлери аайынча 2019 јылдыҥ чаган-јаҥар айларында Алтай Республикада государственный ла муниципал учреждениелерде иштеп турган ишчилердиҥ ишјалыныҥ кеми Алтай Республика аайынча орто ишјалдыҥ озолондыра темдектелген кемине јеткен — бастыра ишчилердиҥ адылу 12 категориязы аайынча» — деп, ол айткан.

2019 јылда орто ишјалыныҥ кеми теҥдештирилген ишчилердиҥ категорияларына организациялардыҥ тазыктыраачыларыныҥ категориязы база кийдирилген. Бу бӧлӱк ишчилер Россия Федерацияда 2025 јылга јетире спортивный резервти белетеер концепция аайынча спортивный белетеништи ӧткӱрет.

2019 јылда бастыра таҥынаҥ категория ишчилердиҥ орто ишјалыныҥ кеми 6,2 процентке кӧптӧгӧн.

Камыстыҥ турчылары јуунда анайда ок Алтай Республиканыҥ организацияларыныҥ ижине иштиҥ электронный бичиктерин кийдирери керегинде суракты шӱӱшкен.

2020 јылдыҥ чаган айыныҥ 1-кы кӱнинеҥ ала Россияда иштиҥ электронный бичиги кийдирилет. Ол ишчилерге бойыныҥ ишмекчи стажыла, ижиле колбулу јетирӱлерди алар, ишбереечилерге дезе кадровый учеттыҥ јаҥы аргаларын ачар јарамыкту айалга тӧзӧӧр. Иштиҥ бичигиниҥ јаҥы бӱдӱмине кӧчӧри-кӧчпӧзи ишчиниҥ бойынаҥ камаанду. Кӱӱни бар болзо, андый форматка кӧчӧр аргалу, ол ок ӧйдӧ иштиҥ чаазын бичигин артызып алары јарадылат.

Иштиҥ электронный бичиги электрон бӱдӱм-форматта болор. Мындый бӱдӱмдӱ бичик керегинде јетирӱлерле Госјеткилдештердиҥ порталы эмезе Россияныҥ Пенсионный фондыныҥ сайты ажыра таныжар арга бар.

Јуунныҥ туружаачылары ишбереечилердиҥ республикан биригӱзи, «Алтай Республиканыҥ профсоюзтарыныҥ организацияларыныҥ биригӱзи» деп биригӱ ле Алтай Республиканыҥ башкарузы ортодо 2020-2022 јылдарга ӱчјандай тергеелик јӧптӧжӱниҥ ӱлекерин јараткан. Бу ӱлекер тергее кеминде јонјӱрӱм-иш ле экономикалык колбуларды аайлу-башту эдериниҥ текши ээжилерин чокымдап темдектейт.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина