Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Алтайдыҥ королевазы талдалар

13.03.2020

Тулаан айдыҥ 22-чи кӱнинде Горно-Алтайскта П. В. Кучияктыҥ адыла адалган драманыҥ театрында су-кадыгы кирелӱ эпши улус ла кыстар ортодо «Алтайдыҥ королевазы» деп адалган баштапкы республикан конкурс ӧдӧр.

Конкурсты кенектердиҥ бастырароссиялык обществозыныҥ Алтайдагы республикан бӧлӱги Алтай Республиканыҥ иш, јонјӱрӱмдик корулаш ла эл-јонды ишле јеткилдеери аайынча министерствозыныҥ јӧмӧлтӧзиле ӧткӱрет. Ус ла јайалталу јаражай эпшилердиҥ кӧрӱ-конкурсын белетеп ӧткӱреринде элбек јетирӱлер эдер эп-аргалардаҥ болушты «Эл Алтай» ГТРК ла «Туулу Алтайдыҥ солундары» деген сайт јетирет. Конкурстыҥ тӧзӧӧчилери бу маргыжу-кӧрӱни кенек улустыҥ обществодогы учурын бийиктедип, олорго јонјӱрӱмдик керек-јарактарда туружатан јарамыкту айалгалар тӧзӧӧр амадула ӧткӱрет. Маргыжуда туружарга угузу бичиктерди республиканыҥ он бир муниципал тӧзӧлмӧзинеҥ он сегис јаштаҥ ала тӧртӧн јашка јетире бастыра он бир кижи ийген.

Бӱгӱн «Алтайдыҥ Чолмоны» газет бу јакшынак баштаҥкайды јӧмӧп, бойыныҥ кычыраачыларын «Алтайдыҥ королевазы» деген баштапкы республикан конкурстыҥ туружаачыларыла кыскарта таныштырат.

Горно-Алтайсктаҥ конкурста туружарга Алена Бабушкина белетенет. Оныҥ чыккан-ӧскӧн јери ак кӧбӧҥ хлопогы јайылган, алама-ажы аҥказынаҥ ажынган Узбекистанныҥ кӱн јаркынду Фергана калазы. Ол ӱредӱзиле актер кижи. Бала тужынаҥ ала бијеле јилбиркеп, кӧп кӧрӱлерде турушкан. Коляскада отурган баштапкы группалу кенек. 24 јашту бу эпши бойыныҥ арга-чыдалын ченеп, конкурста јеҥӱчилдердиҥ тоозына кирер амадулу.

Кенек улустыҥ Маймадагы бӧлӱги дезе эл театрдыҥ јаан залыныҥ сценазында ӧдӧтӧн солун кӧрӱ-маргыжуга 21 јашту Светлана Пислегинаны ийип јат. Светлана база јайалталу эпши. Ол маникюр эдериниҥ узы. Бу ишти айылында бӱдӱрет. Анайда ок јуранып ла тӱӱнип јат, бисердеҥ јарангыштар эдет, ӱлгерлер чӱмдейт. Кенектердиҥ бӧлӱгиниҥ ӧткӱрип турган керек-јарактарында јаантайын эрчимдӱ туружат. Ол баштапкы группаныҥ кенеги.

Анастасия Райсбихти Шабалин јурттыҥ улузы јакшы билер. Анчада ла оогош болчомдордыҥ ада-энелери. Ол балдардыҥ садигинде таскадаачы болуп иштейт. Чӧлӧӧ ӧйдӧ бијелеерин сӱӱп јат. Анастасия эки баланыҥ эрке энези. Ӱчинчи группаныҥ кенеги.

Чамал аймактыҥ адын конкурста Наталья Немысова корулаарга белетенип туру. Наталья аймактыҥ тӧс јуртыныҥ библиотеказында библиограф болуп иштейт. Кычырарын сӱӱйт. 2-чи группалу кенек эпши база эки бала чыдадып јат. Конкурстыҥ ээжилери аайынча оныҥ туружаачыларыныҥ јаштары кыйалтазы јогынаҥ ајаруга алылып турганы учун јаан сӧстӧ јажыт, улу сӧстӧ уйат јок дегениле, Натальяныҥ јажын база айдып јадырыс. Ого 40 јаш.

Анастасия Иванованыҥ ады-јолы јаҥыс та Оҥдой аймакта эмес, је бастыра республика ичинде јарлу. 30 јашту бу келин спортло тазыктырынат. Анастасия су-кадык јӱрӱм учун тартыжаачылардыҥ бирӱзи. Капшуун ла чыйрак јеҥил айак кижи. Јонјӱрӱмдик учурлу керектерде јаантайын эрчимдӱ туружат.

Елена Долчина ла Наталья Казанцева конкурста Кан-Оозы ла Кӧксуу-Оозы аймактар учун туружар. Олор экилези ӱч баладаҥ азырап, чыдаткылап јат. Елена «Кан-Ойрот» кӱӱлик группаныҥ артисти. Ол 2-чи группаныҥ кенеги. Наталья дезе балдардыҥ садигинде казан азаачы болуп иштеп јат, ол 3-чи группалу кенек. Еленага 38, Натальяга 41 јаш.

32 јашту Аяулым Битуганова Улаганда балдардыҥ садигинде «Кенектерди ишке кийдирери» деген программа аайынча иштеп јат. Ол ада-энелердиҥ комитединиҥ председатели. Јонјӱрӱмдик кыймыгулардыҥ јаантайынгы туружаачызы. Аяулым хордыҥ туружаачыларыныҥ кӧрӱзинде эки катап турушкан, Масленицаныҥ, Наурызтыҥ, 8 Марттыҥ ла 23 февральдыҥ байрамдарында, јуртта ла школдо болгон конкурстарда јаантайын туружат. Кулјаларла кееркедилген сырмактар кӧктӧп јат. Бу эпши ӱч бала чыдадат. Ол 3-чи группалу кенек.

Софиат Зейнелова бойыныҥ арга-чыдалын ла јайалтазын республикада баштапкы ла катап ӧткӱрилип јаткан конкурста база ченеп кӧрӧргӧ туру. Ол бойы Кош-Агаштаҥ. Ого 20 јаш. Бир бала чыдадып јат. Кӧктӧнӧт, чаазыннаҥ чечектер эдет. Софиат 3-чи группалу кенек.

Татьяна Горшкова ла Алла Антонова конкурста Чой ло Турачак аймактар учун туружар. Татьяна эки бала чыдадат. Ол Чой аймактыҥ эмчилигинде диспетчер болуп иштейт. Ӱчинчи группалу кенек садта иштеерин сӱӱп јат. Алла дезе бойыныҥ аймагында јонјӱрӱмдик корулаш ааайынча бӧлӱкте иштейт. Ол база 3-чи группалу кенек.

Кӧрӱ-маргыжу тулаан айдыҥ 22-чи кӱнинде эл театрда 17 саатта башталар. Конкурстыҥ тӧзӧӧчилери кӱӱнзеген ле јилбиркеген улусты бу солун кӧрӱ-конкурска кычырат.

П. КАБАР белетеген

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина