Јаскы кыра ижине белетениш ӧдӧт

24.03.2020

Бистиҥ республикада јаскы кыра ижине белетениш јанынаҥ иштер текшилей башталып калган.

Јаскы кыра ижине белетениш јанынаҥ јуундар Майма, Шабалин ле Кӧксуу-Оозы аймактарда ӧткӧн. Јуундарда кыра ижинде озочыл технологияларды тузаланары, кыралардыҥ арбынду тӱжӱм берер аргаларын бийиктедери, техниканы каруулу ишке канайда белетеп турганы јанынаҥ сурактар шӱӱжилип кӧрӱлген.

Јуундарда Алтай Республиканыҥ јурт ээлем аайынча министриниҥ баштапкы ордынчызы Владислав Таханов, јурт ээлемниҥ министерствозыныҥ ӧзӱмдер ӧскӱрери ле механизация аайынча бӧлӱгиниҥ јааны Егор Лепихов, Россельхозцентрдиҥ филиалыныҥ башкараачызы Владимир Пысин, јурт ээлемниҥ билим-шиҥжӱ институдыныҥ, агрохимический службаныҥ «Горно-Алтайская» станциязыныҥ, аймактардыҥ башкартуларыныҥ чыгартулу улузы, јурт јеезелердиҥ јаандары, јурт ээлемниҥ товарэдеечилери турушкан.

Майма аймакта јаскы кыра ижин ӧткӱретен јерлердиҥ кеми 1,1 муҥ гектар. Бу јерлердиҥ 0,5 муҥ гектары кӧпјылдык ӧзӱмдерге, 0,6 муҥ гектары бирјылдык ӧзӱмдерге келижет. Ол аймакта техниканыҥ 91 проценти кыра ижин ӧткӱрерине белен. Јербойында кӧпјылдык ӧзӱмдер ӧскӱрери јанынаҥ јакшынак ченемел бар болгоны јуунда темдектелген.

Шабалин аймакта кыралардыҥ кеми 21,6 муҥ гектар. Мында јурт ээлемниҥ техниказыныҥ 48 проценти јаскы кыра ижин ӧткӱрерине белетелип калган, бу каруулу иш оноҥ ары улалганча.

Кӧксуу-Оозы аймак кыраларыныҥ кеми элбек аймак болгоныла аҥыланат. Јербойындагы кыралардыҥ кеми 28,7 муҥ гектар. Јаскы кыра ижин ӧткӱрерге ээлемдерге 2565 тонна ӱрен аш садып алар керек болгон, тургуза ӧйдӧ ӱрен аштыҥ 2505 тонназы (97 %) алылып калган.Техниканыҥ 66 проценти ишке белен.

Јаскы кыра ижин ӧткӱрер тушта минеральный ла органический удобрениелер тузаланылар, кезик јерлердиҥ кыртыжы кӱбӱредилер. Бастыра агротехникалык иштерди ӧйлӱ-ӧйинде ле чыҥдый ӧткӱрерине аҥылу ајару эдилер деп, тергеениҥ јурт ээлем аайынча министерствозы јетирет.

Быјыл бистиҥ тергееде 106,8 муҥ гектар јерде јаскы кыра ижи ӧдӧри темдектелген, онызы 2019 јылда болгон кеминде. Республика кеминде алза, техниканыҥ 62 проценти ишке белен. Јаскы кыра ижин ӧткӱрерине 2,6 муҥ тонна ГСМ керек болор, оныҥ 593 тонназы белетелип калган, артканын керектӱ ле тушта алар. Озолондыра темдектелгениле, 1 муҥ тонна минеральный удобрение керек болор, јербойында агрохимикаттар чеберлейтен аҥылу складтар јок болгонынаҥ улам олорды ээлемдер табынча алар.

ТОП

Олег Хорохордин. Алтай Республиканыҥ бажында — бир јыл

Олег Хорохордин Алтай Республиканы туй ла бир јылдыҥ туркунына башкарып јат. Бу кыска ӧйгӧ тергееде ондор тоолу школдор, балдардыҥ садиктери, фельдшерско-акушерский пункттар, јолдор ло кӱрлер чыныкталып тудулган. Башчы келер ӧйгӧ оноҥ до кӧп иштер темдектеп алган. Олег Хорохордин, Алтай Республиканыҥ башчызы, башкарузыныҥ председатели: «Мени Алтай Республиканыҥ удурумга башчызыныҥ молјуларын бӱдӱрер јамыга тудардаҥ озо

«Подвиг и Слава!»

Положение о республиканском конкурсе детских рисунков и сочинений «Подвиг и Слава!», посвященного 75-летию Победы в Великой Отечественной войне 1941 — 1945 гг., на страницах республиканских газет «Алтайдын Чолмоны» и «Звезда Алтая» Общие положения Республиканский конкурс творческих работ «Подвиг и Слава!» (далее — Конкурс) направлен на повышение интереса детей Республики Алтай к изучению российской истории, сохранению

«Эҥ баштапкы болуп Гуркин артар…»

«Jаҥы jурукчылар чыгар, оны (кеендик-санатты) европей кемине кӧдӱрер, jе бу jолдо эҥ баштапкы болуп Г. И. Гуркин артар…»—деп, 1907 jылда Григорий Ивановичтиҥ Томск калада ӧткӧн таҥынаҥ баштапкы кӧрӱзи керегинде Петербургтыҥ критиги М. Далькевич бичиген. Оноҥ бери чактаҥ ажыра ӧй ӧтти. «Гуркин» деген телекейди эмдиги улус бойына ӧткӧн чактыҥ 80-90 jылдарында ачып баштаган. Ороондо башталган политикалык