Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Кош-Агаш, Кӧксуу-Оозы: авиарейстер ачылган

02.04.2020

Горно-Алтайсктыҥ аэропортынаҥ Кош-Агаш ла Кӧксуу-Оозы јаар авиарейстер ачылган.

Кош-Агаш јаар баштапкы учушты «Сибирьдиҥ јеҥил авиациязы» деп авиакомпанияныҥ («СиЛА» ООО) 15 кижи отурар јерлӱ L-410 таҥмалу самоледы кандык айдыҥ 1-кы кӱнинде бӱдӱрген.

Кажы ла авиамаршруттыҥ бир јаны јаар учуштыҥ ӧйи бир саат кире.

Авиарейстерди ачары јанынаҥ јӧпти тергеениҥ башчызы Олег Хорохордин былтыр чыгарган.

«Авиарейстер ачылардаҥ озо ол аймактардыҥ тӧс јерлерине јӱк автотранспортло једер арга болгон. Горно-Алтайсктаҥ ала Кош-Агашка јетире јолдыҥ узуны 450 километрдеҥ кӧп, Кӧксуу-Оозына јетире — 400 километр кире. Автомобильле ол јерлерге једерге, јети саат кире ӧй керек. Самолетко билеттердиҥ баазы улуска јеҥил болзын деп, ичбойындагы рейстерге субсидия республикан бюджеттеҥ чыгарылат» — деп, тергеениҥ башчызы айткан.

Горно-Алтайсктыҥ аэропортынаҥ Кош-Агаштӧӧн авиабилеттиҥ баазы 2,7 муҥ салковойдоҥ, Кӧксуу-Оозына јетире — 2,2 муҥ салковойдоҥ ала. Пассажир бойыла кожо бескези 10 килограммга јетире кош-багажты апарар аргалу.

Кандык-кӱӱк айларда авиарейстер неделеде ӱч катаптаҥ болор: понедельник, среда ла пятница кӱндерде — Кош-Агаштӧӧн, вторник, четверг ле суббот кӱндерде — Кӧксуу-Оозындӧӧн. Јайгыда рейстер кажы ла кӱн болор.

2019 јылдыҥ кичӱ изӱ айында РФ-тыҥ президенти Владимир Путинле «Чике колбу» болуп турарда, оныла Горно-Алтайсктыҥ аэропортынаҥ колбу база болгон. Ол тушта государствоныҥ башкараачызыныҥ эзеткениле, аэропорт оныҥ чике јакылтазыла тудулган. Президент ичтергеелик авиаучуштардыҥ ӧзӱмине ле билеттердиҥ бааларын јабызадарына аҥылу ајару эткен болгон. Ол ло айда Кош-Агаш јаар баштапкы технический учуш ӧткӱрилген, оныҥ кийнинеҥ авиакомпанияныҥ чыгартулу улузы Кӧксуу-Оозы јаар мындый ок учушты бӱдӱрген. Ол тушта јербойындагы аэропорттордыҥ учар-отурар полосаларыныҥ айалгалары шиҥделип кӧрӱлген.

Горно-Алтайсктыҥ аэропортынаҥ Москва јаар неделе туркунына ӱч авиарейс (S7 авиакомпания), Новосибирске јетире бир авиарейс (S7 авиакомпания), Екатеринбургтӧӧн эки авиарейс («РусЛайн») бар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина