Узуны 103 километр јол јазалар

09.04.2020

Быјыл бистиҥ республикада Чуйдыҥ трагыныҥ узуны 103 километр јолы јазалар.

2020 јылда јол јазаар иштер Майма, Шабалин ле Кош-Агаш аймактарда текши узуны 103 километр участоктордо ӧдӧр. 10 километр јолдо капитальный јазаш ӧткӱрилер деп, Росавтодордыҥ сайтында айдылат.

Анайып, Манјӱректеҥ ала Себи-Оозына јетире јолдыҥ ӱсти соок регенерацияныҥ технологиязы аайынча јаҥыртылар.

Шабалин аймакта 499-чы километрдеҥ ала 532 километр-ге јетире јол (аймактыҥ јерине кирижинеҥ ала Мыйту јуртка јетире) јазалар. Анда јолдыҥ ӱстине битуминеральный кожымак салынар. Ол јолды тӱс эдет ле јолдыҥ чык тартып јемирилерин токтодот.

Кош-Агаш аймактыҥ јеринде јол јанынаҥ бӱткӱлинче 2021 јылда тӱгезетен иштер башталар. Текши алза, анда узуны 43 километр јол јазалар.

Анайда ок искусственный тудумдарда иштер улалар. Ӱлӱрген айда Муны суу кечире салынган кӱрди бӱткӱлинче јазаары тӱгенер. Анайып, объекттиҥ транспорт ӧткӱрер аргалары бийиктеер, бескези 20 тоннадаҥ уур транспортты ӧткӱрерге јарабас деген кирелендириш токтодылар. Јолдордыҥ 15 участогында суу ӧткӱрер трубалар орныктырылар. Труба-немелерди солыыры, салары јанынаҥ иш кӧлӱктердиҥ јол-јорыктарына качалаҥын јетирбес.

Јолјазаачылар 2019 јылда Чуйдыҥ јолыныҥ узуны 83 километр бӧлӱгин јаҥырта јазаган эди. Бу јол 2022 јылда бӱткӱлинче јазалып калары темдектелет. Тергеебисте Чуйдыҥ јолыныҥ узуны 540 километр болуп јат.

Туулу Алтайды кечиндире чӧйилип барган бу јол бистиҥ тергеени орооныстыҥ чӧлдӧги тергеелериле, Монголияла канча чактардыҥ туркунына колбойт. Тургуза ӧйдӧ Чуйдыҥ јолы јер-телекейдиҥ эҥ јараш деген јолдорыныҥ тоозына кирип, бистиҥ тергеениҥ јадын-јӱрӱмин кӧбизинде јеткилдеп турган сок јаҥыс арга болот.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина