Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

360 кире јерлежис черӱге барар

14.04.2020

2020 јылдыҥ јас ӧйинде јииттерди черӱге алар иш аҥылу айалгаларда ӧдӧр деп, тӧс СМИ-лерде айдылган. Бу иш, мынаҥ да озо чылап, кандык айдыҥ 1-кы кӱнинде башталган, је уулдарды јуучыл частьтарга аткарары кӱӱк айдыҥ 20-чи кӱнине јетире кӧчӱрилген.

Мындый јӧпти ороонныҥ коруланарыныҥ министри коронавирустыҥ пандемиязыла колбой чыгарган. Ол керегинде «Красная звезда» газетте РФ-тыҥ Јуучыл ийделериниҥ Генштабыныҥ баш тӧзӧмӧл-мобилизационный башкартузыныҥ јааны Евгений Бурдинскийле ӧткӧн интервьюда айдылат.

Призывной ло сборный пункттар бесконтактный термометрлерле, дезинфекция эдер лампаларла, ӧскӧ дӧ эдимдерле јеткилделген. Отсрочкалу призывниктер дезе јииттер черӱге барып јаткан кӱннеҥ ӧскӧ кӱнде военкоматка келер.

Комиссариаттардыҥ эжигинде уулдардыҥ эди-каныныҥ изӱзин кемјиири темдектелет. Температуралу, соокко ӧткӧн деп серемји бар болгондорды военкоматтарга кийдирбес. Јаҥыс ла военкоматтардыҥ кыптарына эмес, је анайда ок призывниктерди сборный пунктка јетиретен кӧлӱктерге база дезинфекция эдилер.

Тышкары ла кӧп улусту јерлерде, темдектезе, вокзалдарда ла аэропорттордо, личный состав маскаларлу болор. Чындап, черӱге барып јаткан уулдарды авиа ла ЖД-вокзалдарда ӧскӧ пассажирлердеҥ башка тудар.

Јаскы призывтыҥ кампаниязында јуучыл ийделерге 135 муҥ кижи аткарары темдектелет. Ӧткӧн јылдыҥ кӧргӱзӱзи мындый ла болгон эди.

Алтай Республикадаҥ јаскы призывта черӱге 360 кире јиит алары темдектелет деп, республиканыҥ јуучыл комиссары Олег Денисенко айткан. Оныҥ темдектегениле, 1998 јылдыҥ тулаан айыныҥ 28-чи кӱнинде јӧптӧлгӧн «Јуучыл молју ла јуучыл служба» керегинде 53 номерлӱ федерал јасактыҥ некелтелери ле РФ-тыҥ президентиниҥ 2020 јылдыҥ тулаан айыныҥ 30-чы кӱнинде јӧптӧгӧн «2020 јылдыҥ кандык-јаан изӱ айларында РФ-тыҥ граждандарын јуучыл службага аткарары керегинде» 232 номерлӱ јарлыгы аайынча кандык айдыҥ баштапкы кӱнинеҥ ала јаан изӱ айдыҥ 15-чи кӱнине јетире јииттерди черӱге аткаратан јаскы иштер ӧдӧр. Тӧс јуучыл округтыҥ штабы Алтай Республикадаҥ јаскыда черӱге аткаратан уулдардыҥ тоозын 360 кире деп тургускан. Бу уулдарды черӱге аткарары керегинде республиканыҥ башчызыныҥ 128-р номерлӱ јакааны тулаан айдыҥ 10-чы кӱнинде јӧптӧлгӧн. Бу јакаан аайынча кажы ла аймакта, тергеениҥ тӧс калазында, республикан јуучыл комиссариатта призывной камыстар тӧзӧлгӧн. Ол камыстар черӱге баратан   јииттерди алдыртып, су-кадыгын шиҥдеп, ӱредӱзиниҥ, кылык-јаҥыныҥ кемин кӧрӱп, профталдаштар ла оноҥ до ӧскӧ иштер ӧткӱрет. Бу ок камыс уулдардыҥ кемизин черӱге аткарар, кемизине отсрочка берер деген јӧп чыгарат.

Черӱге аткарар ӧй кӱӱк айдыҥ 20-чи кӱнине кӧчӱрилген. Кажы ла аймакта, калада сборный пунктта черӱге аткарып јаткан уулдарды кыйалтазы јогынаҥ шиҥдеер: эди-каныныҥ изӱзин кемјиир, соокко ӧткӧн бӧ, кандый бир оору-јобол бар ба деп кӧрӧр. Коронавирус југуш оору таркабазын деп,  уулдарга лабораторный шиҥжӱ база ӧткӱрилер. Бастыра уулдар јуучыл частька јеткенче кыйалтазы јоктоҥ медицинский маскаларла, дезинфекцияныҥ эдимдериле јеткилделер. Јуучыл частька јеткендер эки неделениҥ туркунына карантинде болор. Јаскы призыв аайынча сурактар берерге кӱӱнзеген улус «кызу колбуныҥ» (8-388-22) 2-73-77 телефонына согор аргалу.

К. ЯШЕВ

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина