Су-кадыктыҥ кӱнинде — донорлордыҥ акциязы!

14.04.2020

Су-кадыктыҥ телекейлик кӱни кандык айдыҥ 7-чи кӱнинде — Су-кадыкты корыырыныҥ телекейлик организациязы тӧзӧлгӧн кӱнде темдектелет. Бу кӱн бастыра телекей су-кадыкты корыырыныҥ јер-телекей кеминде турган тӧс курч сурактарына ајарузы этсин деп амадула јылдыҥ ла ӧткӱрилет.

Су-кадыктыҥ телекейлик кӱни јылдыҥ ла су-кадыкты корыырыныҥ јер-телекей кеминде турган курч кандый бир сурагына учурлай башка-башка кычыруларла ӧдӧт. Быјыл бу кӱнге аҥылу донорский акция учурлалган. Медициналык профилактиканыҥ тӧс јериниҥ ишчилери кан табыштырар станцияда кан табыштырган, мынайып олор кемниҥ де јӱрӱмин аргадап алар арга улуста бар болгонын кӧргӱскен.

2020 јыл Сестринский ле акушерский службалардыҥ ишчилериниҥ албатылар ортодо јылы деп јарлалган, оныҥ да учун Су-кадыктыҥ кӱниле колбулу керек-јарактар бастыра телекейдиҥ албатызыныҥ су-кадыгын корыырында медсестралардыҥ ла акушерлердиҥ учуры сӱрекей јаан, бу службаларды тыҥыдары керектӱ болгонын кӧргӱзерине учурлалган.

Медсестралар ла акушерлер су-кадыкты корыырыныҥ системазыныҥ бастыра бӧлӱктеринде, башка-башка айалгаларда иштейт. Олор чыҥдый болуш эдип, медициналык бригадалардыҥ ижин башкарат, шиҥжӱ иштер ӧткӱрет, сестралардыҥ ла акушерлердиҥ службаларыныҥ ишчилериниҥ јаҥы ӱйелерин ӱредет. Эртенги кӱн медсестралардыҥ ла акушерлердиҥ профессиязы јогынаҥ болбос. Олордыҥ ижин баалаар, бистиҥ су-кадыгысты корыырына камаанын јетирип турганы учун быйан айдар керек.

Су-кадыктыҥ сурактары бастыра телекейде баштапкы јерде турат. Текшилей самоизоляцияныҥ ӧйинде улус бойыныҥ ла јуук улузыныҥ су-кадыгын корып алары керегинде сананат. Оныҥ да учун бастыразына јакшы су-кадык кӱӱнзегер!

«Кӱӱнземелдердиҥ марафоны» #будьздоров ло #behealthy хештегтерле јарлалат, нениҥ учун дезе јакшы су-кадык кӱӱнзеери туку качаннаҥ бери јаҥжыгу болуп калган. Ӧмӧлижип тура, эҥ ле јакшы ла су-кадык марафонды баштайлы.

Слерди су-кадыкты кӱӱнзеген кӱӱнземелдиҥ кыска видеозын бичип алзын ла бойыныҥ бӱгинде #будьздоров ло #behealthy деген тегтерле јарлазын деп шӱӱлте эдип турус.

«Национальные приоритеты» АНО «Волонтерлор-медиктер» деген кыймыгула кожо, Россияныҥ Минсу-кадыгыныҥ јӧмӧлтӧзиле тӧзӧгӧн эҥ ле јакшы марафондо туружыгар.

Су-кадыктыҥ учуры сӱрекей јаан. Ол обществоныҥ байлыгы, кажы ла кижиниҥ толо ло ырысту јӱрӱминиҥ тӧзӧлгӧзи, јӱрӱм јӱрериниҥ ле иштеериниҥ, амадулар тургузарыныҥ ла амадаган уч-турулталарга келериниҥ аргазы. Јӱрӱмдик ченемелдеҥ кӧрзӧ, улус бойыныҥ су-кадыгы керегинде качан оны јылыйткан соҥында сананат, оныҥ да учун јӱзӱн-башка ооруларга алдыртпаска болуп, су-кадык јӱрӱм јӱрер керек. Бу байрамдык кӱнде бис су-кадык болоры јаҥыс ла оору-јобол јок болгоны эмес, је анайда ок кижиниҥ кӱӱн-санаазыныҥ айалгазы кандый болгонын база эске алып ийер керек. Оныҥ да учун эди-каныгар ла кӱӱн-санаагар бирлик болзын деп кӱӱнзейдис. Су-кадык болугар, амтанду ла тузалу аш-курсакты јигер, кыймыктанып јӱретенин ундыбагар. Бойыгарга бӱдӱгер, спортты сӱӱгер, бойыгарла иштеерине бастыра ийде-кӱчигерди салыгар.

Медициналык профилактиканыҥ тӧс јериниҥ ле Су-кадыктыҥ тӧс јериниҥ ишчилери тулаан айдыҥ 28-чи кӱнинде ӧткӧн #донорскаясуббота деген акцияда турушкан.

Кижини аргадаары — јӱрӱмде бӱдӱргедий јеҥил керек. Јӱк ле Донор болор керек!

Бойыгарла кожо паспортты аларын ундыбагар, диетала башкарыныгар, донациялар ортодо ӧйди келиштиригер. 60 кӱн — канныҥ донациялары ортодо ӧй.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина