Башчы республикан эмчиликтиҥ ишчилериле тушташкан

21.04.2020

Алтай Республиканыҥ башчызы Олег Хорохордин кандык айдыҥ 9-чы кӱнинде АР-дыҥ башкарузыныҥ тергеениҥ јеринде бийик кеминде белен болорыныҥ ээжи-режимин кийдирери керегинде јакаанына кубулталар кийдирген.

Алтай Республиканыҥ башчызы Олег Хорохордин кандык айдыҥ 17-чи кӱнинде республикан эмчиликтиҥ ишчилериле туштажу ӧткӱрип, коронавирус инфекцияла колбулу айалга јанынаҥ суракты шӱӱшкен.

Туштажуда АР-дыҥ башкарузыныҥ пред-седателиниҥ баштапкы ордынчызы Алексей Тюхтенев, су-кадыкты корыыры аайынча министр Сергей Коваленко ло тергеениҥ эмчилигиниҥ баш врачы Александр Холманский турушкан.

Тергеениҥ башкараачызыныҥ айтканыла, Алтай Республикада эки кижи коронавирус оорула оорыган — Оҥдойдыҥ 67 јашту ӱй кижизи ле оныҥ ӧгӧӧни. Олор СПИД болдыртпазы ла оныла тартыжары аайынча Горно-Алтайсктагы тӧс јердиҥ аҥылу инфекционный боксына јетирилген, бу улустыҥ айалгазы кеминде.

«Олорло кожо јадып турган кызыныҥ ла баркаларыныҥ су-кадыгын шиҥдеп кӧрӧрдӧ, тест отрицательный болгон. Бу улус карантинге јаттыргызылган, олордыҥ су-кадыгыныҥ айалгазы шиҥжӱде тудулат. Бу улусла јуук колбуда болгон улустыҥ су-кадыгы шиҥделет. Керектиҥ аайы кандый болгоны кӱн туркунына јартала берер» — деп, Олег Хорохордин айткан.

Ол медишчилерге ижи ле уур-кӱч айалгада, кезик учуралдарда кижиниҥ су-кадыгына јеткерлӱ де айалгада, иштеерине белен болгоны учун быйан айткан.

Туштажу ӧйинде кӧрӱлген сурактардыҥ тоозында медицинский бригадалар коронавирусный инфекцияныҥ ӧйинде ижи тушта јадар јерле колбулу сурак болгон. Олег Хорохординниҥ темдектегениле, ол ӧйдӧ эмчилер билелеринеҥ башка јатсын деп, медицинаныҥ колледжиниҥ общежитиезинде јерлер белетелген.

«Бу удурум керек. Тургуза ӧйдӧ башкаруныҥ јакааны аайынча бастыра коночылыктар јабылган. Бис олорло коронавируска алдырткан улусла иштейтен врачтардыҥ бригадаларын јаттыргызары јанынаҥ куучын ӧткӱрип турус» — деп, тергеениҥ башкараачызы айткан.

Оныҥ темдектегениле, аш-курсакты јетирери тӧзӧлӧр, эмчилер керектӱ транспортло улайынча јеткилделер.

«Бистиҥ амаду — слерге иштеерине ле амыраарына керектӱ, слерле јеткер-неме болбозын јеткилдеер бастыра айалгаларды тӧзӧӧри. Бу иш-амаду бӱдер» — деп, Олег Хорохордин угускан.

АР-дыҥ су-кадыкты корыыры јанынаҥ министри Сергей Коваленкого медишчилерге, анайда ок ОРВИ диагнозту бастыра пациенттерге тергеениҥ ӱзе медучреждениелеринде ле улустыҥ айылдарында коронавирус јанынаҥ кыйалта јогынаҥ тестирование ӧткӱрзин деп јакылта берген.

Медишчилердиҥ ӱзеери резервный бригадаларын тӧзӧӧри, медишчилердиҥ олордыҥ сменалары аайынча маршруттарыныҥ схемазын белетезин, олорды ары-бери тартарын ла аш-курсакла јеткилдезин, коночылыктарда эмчилер јаткадый ла санитарно-эпидемиологиялык нормаларга келижип турган јерлер белетеп алзын деп јакылта берилген.

Коронавируска табарткан баштапкы учурал бистиҥ тергееде илезине чыгарыларда, Алтай Республиканыҥ башчызы Олег Хорохордин эл-јонго улус айылдарында отурзын, улусла колбуларды кирелетсин, бойыныҥ су-кадыгы керегинде сананзын ла чаксыраш-немеге алдыртпазын деп баштанган.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина