Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Алтай Республика «Јеҥӱниҥ эстафетазында» турушкан

23.04.2020

Кандык айдыҥ 17-19 кӱндеринде Алтай Республиканыҥ бистиҥ ороонныҥ гран-кыйузыныҥ јанында турган Кош-Агаш, Кӧксуу-Оозы ла Кан-Оозы аймактарда, анайда ок Горно-Алтайскта Јеҥӱниҥ эстафетазыла колбулу керек-јарактар ӧткӧн. Албатылар ортодо учурлу бу акция Ада-Тӧрӧл учун Улу јууда Јеҥӱниҥ 75 јылдыгына учурлай СНГ-ныҥ ороондор-туружаачыларыныҥ тыш гран-кыйулары јакалай јерлерле ӧдӱп јаткан.

Јеҥӱниҥ эстафетазы 2020 јылда кочкор айдыҥ 5-чи кӱнинде ӱч маршрут аайынча башталган. Јеҥӱниҥ эстафетазыныҥ темдеги — пограничный столмоныҥ Ада-Тӧрӧл учун Улу јууныҥ ордени тагылган Георгиевский ленталу мини-копиязыныҥ јол-јорыгы Мурманск каладаҥ башталып, муҥдар километр ӧдӱп, бистиҥ республиканыҥ јерине јеткен болгон.

Эстафета ӧдӧр тушта пограничниктер бу темдек-символды Россия Федерацияныҥ субъекттериниҥ, Беларусь Республиканыҥ, Арменияныҥ, Абхазияныҥ, Тӱштӱк Осетияныҥ, Казахстанныҥ, Узбекистанныҥ, Таджикистанныҥ, Туркменистанныҥ, Азербайджанныҥ ла Киргизияныҥ јерлеринде заставалардаҥ ээчиде заставаларга табыштырат.

Јеҥӱниҥ эстафетазыныҥ темдегин Россияныҥ ФСБ-зыныҥ Алтай Республика аайынча пограничный башкартузыныҥ ишчилерине Тыва Республиканыҥ јеринде пограничниктер табыштырган. Эртезинде кӱнде эстафета Кош-Агаш аймакка, оноҥ Кӧксуу-Оозы ла Кан-Оозы аймактарга јеткен. Јеҥӱниҥ пограничный темдеги бир канча заставаларда болгон: Тожоҥты јурттагы бӧлӱкте, Россияныҥ Геройы Вячеслав Токаревтиҥ адыла адалган Бийский бӧлӱкте. Эстафетаныҥ туружаачылары болгон пограничниктер бистиҥ тергеениҥ јериле барып јадала, јолой туштаган јурттарда токтоп, Ада-Тӧрӧл учун Улу јууныҥ јуучылдарына учурлалган кереестерге гирляндалар ла тирӱ чечектер салган.

Кандык айдыҥ 19-чы кӱнинде Эстафетаныҥ јол-јорыгы Алтай крайдӧӧн ууланган. Эстафетаныҥ темдек-символын табыштырары Горно-Алтайскта Јеҥӱниҥ паркында Мактыҥ мемориалында кӧдӱриҥилӱ айалгада ӧткӧн.

Коронавирус оору таркабазын деп, эстафетала колбулу керек-јарактарда туружып турган улустыҥ тоозы арга јокто кирелендирилген. Андый да болзо, бистиҥ албатылардыҥ фашизмге удура ат-нерелӱ тартыжузы керегинде эземди чеберлеп аларында, СНГ-ныҥ албатыларыныҥ бирлигин ле тӱӱкилик најылыгын тыҥыдарында эстафетаныҥ учуры јаан.

Јеҥӱниҥ эстафетазыныҥ јол-јорыгы Алтай крайдыҥ јеринеҥ Казахстан Республика јаар ууланган. Бу акция кӱӱк айдыҥ 28-чи кӱнинде Москвада Александровский садта Ады-јолы јарт эмес солдаттыҥ сӧӧксалгыжыныҥ јанында тӱгенер — маршруттардыҥ туружаачылары мында туштажар.

Россияныҥ ФСБ-зыныҥ Алтай Республика аайынча погранбашкартузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина