Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Эл Ойын келер јылга кӧчӱрилген

21.05.2020

АР-дыҥ башчызы Олег Хорохордин тергеениҥ јеринде коронавирус оору таркабазын јеткилдеери аайынча оперативный штабтыҥ јуунын ӧткӱрген.

Башчыныҥ јуунда айтканыла, коронавирусла оорып турган улус бистиҥ тергееде кажы ла кӱн илезине чыгарылып турган, лабораторный шиҥжӱлер улайынча ӧткӱрилет, карантиндеги кӧп тоолу улус медишчилердиҥ ширтӱзинде.

Тергеениҥ баш санитарный врачы Леонид Щучинов бистиҥ тергеениҥ јериндӧӧн кирип јаткан улустыҥ су-кадыгыныҥ айалгазы шиҥделет, олор самоизоляцияда болор учурлу деген документ табыштырылат, тискинчилерле јартамалду иш ӧткӱрилет деп айткан. Кӧп улус болуп турган ла кӧп квартираларлу туралардыҥ јанында јерлерде дезинфекция ӧткӱрилет. Бистиҥ тергеениҥ јериндӧӧн кирип јаткан улус ортодо тестирование ӧткӱрип турганы, улус самоизоляцияныҥ ээжилерин канайда бӱдӱрип јатканын шиҥжӱде тутканы коронавирус деген оору таркабазын јеткилдеерине јарамыкту камаанын јетирет деп, баш санитарный врач темдектеген. Ӧрӧ адалган иштер мынаҥ да ары улалар.

АР-дыҥ су-кадыкты корыыры аайынча министри Сергей Коваленко медишчилер пандемияла тартыжары јанынаҥ кандый иштер ӧткӱрип турганы керегинде јетирӱ эткен.

Тергеениҥ башкараачызы Олег Хорохордин коронавирустаҥ улам ороондо кӧп албаты-јон јуулатан кандый ла керек-јарактар ӧткӱрери удурумга чек токтодылганы керегинде айдып, алтай албатыныҥ тергеелер ортодогы Эл Ойын байрамы ла ӧскӧ дӧ јаан керек-јарактар келер  ӧйгӧ кӧчӱрилип јатканы керегинде јарлаган.

«Быјылгы Эл Ойында кайда да 15 муҥ кире кижи туружары темдектелип турган болгон. Бис улустыҥ су-кадыгына ла јӱрӱмине јеткер болбозын јеткилдеер учурлу. Оныҥ да учун Эл Ойынды келер јылда, Алтай Республиканыҥ 30 јылдыгы темдектелер јылда кыйалта јогынаҥ ӧткӱрерис» — деп, республиканыҥ башкараачызы айткан.

Олег Хорохординниҥ јуунда темдектегениле, јербойында кирелендириштерди астадары јӱк ле Роспотребшиҥжӱниҥ шӱӱлте-јӧби аайынча ӧдӧр.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина