Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
Кӱӱн-санааны кӧдӱргедий јӧмӧлтӧ-болуш
21.05.2020
Кӱӱк айдыҥ 20-чи кӱнинде Горно-Алтайскта «Баатыр» спортзалдыҥ јанында тазыктыраачыларга, физический культураныҥ ла спорттыҥ ветерандарына аш-курсакту социальный пакеттер табыштырар акция ӧткӧн.
Бу акция Россияныҥ Олимпийский комитединиҥ, Алтай Республиканыҥ Олимпийский совединиҥ баштаҥкайыла ӧткӱрилген. Оныҥ амадузы – коронавирус деп југуш оору таркаганынаҥ улам тӧзӧлӧ берген кӱч айалгада спорттыҥ ветерандарын, тазыктыраачыларды, физический культураныҥ педагогторын јӧмӧӧри болуп јат.
Горно-Алтайскта ӧткӧн акцияда турушкан Алтай Республиканыҥ башчызыныҥ советниги Александр Манзыров бу акция Горно-Алтайскта башталып, аймактар сайын ӧдӧрин темдектеген.
–Бу мындый јӧмӧлтӧ спортчыларыстыҥ, бастыра јӱрӱмин спортло колбогон спорттыҥ ветерандарыныҥ кӱӱн-санаазын кӧдӱрер. Россияныҥ Олимпийский комитеди ле Алтай Республиканыҥ Олимпийский соведи бу мындый кӱч ӧйдӧ јаан иш ӧткӱрет. Эмди АР-дыҥ Олимпийский соведи республикан спорткомитетле, активисттерле кожо аш-курсакту социальный пакеттерди аймактар сайын јетирер. Государство до, республикан башкару да коронавирустаҥ улам тӧзӧлӧ берген айалгада кандый ла категория граждандарга болуш јетирет. Бу иштерде кӧп волонтерлор туружып турганын темдектеер керек. Эмди андый болуш спортчыларга јетирилет – деп, ол айткан.
Республиканыҥ Олимпийский соведи-ниҥ президенти Александр Телесовтыҥ темдектегениле, бу мындый социальный пакеттер республика ичинде јӱс кижиге табыштырылар.
«Баатыр» спортзалдыҥ јанында ӧткӧн акцияны тууразынаҥ кӧрӱп, социальный пакеттерди алган улустыҥ кажызы ла јӱрӱмин спортло колбогонын, кажызы ла спортто бийик једимдерге јеткенин, тергеебистиҥ адын ороон, телекей кеминде бийик кӧдӱргенин эмезе Алтай Республиканыҥ магын чыгарган спортчыларды белетегенин темдектеер эдим. Тергеебисте андый спортчылар ла тазыктыраачылар кӧп. Арга болгон болзо, бастыразына да андый јӧмӧлтӧ јетирилер эди. Россияныҥ Олимпийский комитеди, Алтай Республиканыҥ Олимпийский соведи аргаларды табып, мындый јарамыкту акция ӧткӱрип турганы сӱрекей јакшы.
К. ЯШЕВ
ТОП
«Гуркин» деген телекей: ачылталар ла јажыттар
Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы
«Јурукчыныҥ јуртын орныктырары – тӧс иш»
Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым