Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Маргаан јарлалат

21.05.2020

«Единая Россия» деп текшироссиялык политический партия «Россияныҥ јурты» деген федерал партӱлекер аайынча «Мениҥ јуртым» деп адалган фотоконкурс ӧткӱрет. Оныҥ тергеелик координаторы — РФ-тыҥ Федерал Јууныныҥ Государственный Думазыныҥ депутады, аграрный сурактар аайынча комитеттиҥ турчызы Родион Букачаков.

Фотоконкурс акча тӧлӧбӧзинеҥ эки бӧлӱкле ӧткӱрилет: тергеелик ле федерал. Баштапкы бӧлӱги Алтай Республиканыҥ јеринде 2019 јылдыҥ јаҥар айыныҥ 1-кы кӱнинеҥ ала 2020 јылдыҥ јаан изӱ айыныҥ 20-чи кӱнине јетире ӧдӧт. Экинчи бӧлӱги (текшироссиялык) — 2020 јылдыҥ сыгын айыныҥ 1-кы кӱнинеҥ ала ӱлӱрген айыныҥ 31-чи кӱнине јетире.

Ӱч номинация темдектелген:

«Јурттыҥ билезиниҥ кебери». Бу номинацияныҥ темазы кӧп балдарлу ишмекчи бек билениҥ ле ишмекчи биле-династиялардыҥ јаҥжыгуларын, крестьян этикетти, крестьян айыл-јурттыҥ кӧп ууламјыларлу ижи-тожын, јурттагы бӱгӱнги јадын-јӱрӱмде јаҥжыккан ла эмдиги ӧйдиҥ јаҥжыгулары канайда колболышканын кӧргӱзериле колбулу.

«Мениҥ сӱӱген јуртым». Бу номинацияда јурттыҥ јонјӱрӱмдик-культурный јадын-јӱрӱмин, јурт јердиҥ аҥылузын ла јаражын, оны јарандырарын эл-јон канайда кичееп турганын, айландыра ар-бӱткенниҥ јаражын, јурт јердиҥ улузыныҥ колбуларыныҥ ла бой-бойын јӧмӧжип јӱрериниҥ јаҥжыгуларын кӧргӱзер керек.

«Крестьянинниҥ јайаачы ижи». Бу номинацияда јурт јердиҥ ишмекчи кижизин, крестьян иштиҥ ар-бӱткенле тереҥ колбуларын, јерге тоомјыны, јаскы ла кӱски кыра иштерди, тӱжӱмге сӱӱнгенин, ак-јарыкка чыккан јаш мал-ашты, јурт ээлемде јаҥы технологияларды тузаланып турганын, балдардыҥ ишке таскамалын кӧргӱскен фотоиштер кӧргӱзӱлер.

«Фотоконкурста јажыла 14 јаштаҥ јиит эмес улус туружар аргалу. Бир кижи бир канча номинацияларда туружар арга берилет. Кажы ла номинация аайынча ӱч иштеҥ кӧп эмес иштер алылар. Толтырылган анкетаны ла конкурстыҥ фотојуруктарын мындый электрон суруула аткарар — moeselo04@yandex.ru. Конкурстыҥ ээжизиле мындый сайттар ажыра таныжар арга бар: altai-rep.er.ru  ла proekty.er.ru.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина