Нацӱлекер аайынча тудулып јаткан детсадта

26.05.2020

Тергеениҥ башчызы Олег Хорохордин «Демография» нацӱлекер аайынча Горно-Алтайскта С. С. Каташтыҥ адыла адалган оромдо тудулып јаткан балдардыҥ «Незабудка» деп садигинде тудум иштер канайда ӧдӱп турганын шиҥдеген.

«Јаҥы садикке 125 бала јӱрер, олордоҥ 60 бала ясляга јӱрер јашту балдар болор. Мынызы јиит энелерге иштеер ле ӱренер арга берер. Бу тергеебистиҥ тӧс калазында нацӱлекер аайынча тудулып јаткан ӱчинчи садик болуп јат. 200 бала, олордоҥ ӱч јажы толголок 80 бала јӱретен эки садик Горно-Алтайскта 2019 јылда ачылган эди. Балдарлу билелерди јӧмӧӧри – Россияныҥ президенти Владимир Путинниҥ бистиҥ алдыска тургузып турган јаан учурлу сурак болуп јат» — деп, тергеениҥ башкараачызы темдектеген.

Тургуза ӧйдӧ объект 99 процентке белен, јаҥы турада пищеблок, прачечный, ойноор, уйуктаар кыптар, спортивный ла кӱӱлик зал, психологтыҥ ла логопедтиҥ кыптары бар. Керектӱ јазалдар алынган ла тургузылган, балдарды ӱредерине ле таскадарына керектӱ эдимдер, ол тоодо ӱзеери ӱредӱлӱ программаларды ӧткӱрерине керектӱлери толо кеминде алынган.

Эмди садикти айландыра јерди јарандырып јазаары, ол тоодо балдар ойноор площадкалардыҥ јабынтыларын јеткер болдыртпазыныҥ ээжилерине келиштире тыҥыдары арткан.

Олег Хорохордин кыска ӧйдиҥ туркунына бастыра једикпестерди јоголтсын деп јакылта берген. Эпидемиологический айалга оҥдолзо ло, јаҥы объект тузаланарына табыштырылар.

«Демография» нацӱлекер аайынча Алтай Республикада балдардыҥ алты садиги тудулган – Горно-Алтайскта, Майма, Кӧксуу-Оозы ла Шабалин аймактарда.

2021 јылдыҥ учына јетире тергеебисте база 15 садик тудулар. Бу садиктерге 1855 бала јӱрер аргалу, олордоҥ јажы ясляга јӱрерине келижип турган 895 бала.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина