Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Эмдиги ӧйдиҥ реанимобилин табыштырган

11.06.2020

Алтай Республиканыҥ Перинатальный тӧс јериниҥ автопаркына эмдиги ӧйдиҥ некелтелерине келижип турган реанимобиль табыштырылган.

Медучреждениеге мындый сыйды «Единая Россия» партия Алтай Республиканыҥ су-кадыкты корыыры аайынча министерствозыла јӧптӧшкӧни аайынча эткен. Бу реанимобиль барлу эпшилер бойыныҥ оорузыла оорый берзе керектӱ бастыра не-немелерле јеткилделген. Ол тоодо кислородло јеткилдеш, хирургический ле ӧскӧ дӧ медболуш эдер не-немелер бар. Мындый техника бу Перинатальный тӧс јерде мынаҥ озо болбогонын темдектеер керек.

«Единая Россияныҥ» тергеелик бӧлӱгиниҥ качызы, сенатор Татьяна Гигельдиҥ темдектегениле, партия  коронавирустыҥ пандемиязыныҥ ӧйинде медишчилерге ле улуска болуш эдерге, 560 миллион салковойдоҥ кӧп акча јууган, мындый болушка керектӱ акчаны јууры улалганча. Андый болуш-акча турчылардыҥ взнозыныҥ, килемјилик керекке акча кӧчӱриштиҥ шылтузында јуулган. Россияныҥ Минсу-кадыгыла јӧптӧшкӧни аайынча ол акчала реанимобильдер садып алылган ла олорды тергеелерге табыштырары ӧдӧт.

«Мындый реанимобильдер сӱрекей керектӱ. Олор улустыҥ јӱрӱмин чындап та аргадайт. Бала ак-јарыкка чыкканынаҥ, эне кижиниҥ јӱрӱмин аргадап алганынаҥ јаан не де јок ине. Мындый јӧп чыгарылганы учун бис партияныҥ Тӧс исполкомына јаан быйанысты айдып турус, кӧлӱкти табыштырып тура, оныҥ болужыла јаҥыс эмес јӱрӱм аргадаларына бӱдедис» — деп, Татьяна Гигель айткан.

Оныҥ эзеткениле, «Единая Россия» мынаҥ озо ӧйдӧ  республиканыҥ ла Майма аймактыҥ эмчиликтерине база јаҥы автомобильдер табыштырган болгон. Эмди ол транспортты эмчилер оору улуска, ол тоодо коронавирусла оорып тургандарга барарга тузаланат. Анайда ок инфекцияла тартыжып турган  медишчилерге чайлаарына аш-курсактыҥ наборлоры табыштырылган.

«Единая Россия» партияны пандемия башталганынаҥ ла ала ороондо айалга кандый болгоны чочыдат. Бӱгӱнги акцияла бис су-кадыгысты корып турган бастыра эмчилерге јаан быйанысты јетиредис. Јаҥы техника јаан учурлу бу ишке болужын јетирзин. Ак-јарыкка чыгып турган јаш балдардыҥ тоозы там кӧптӧзин, бастыра энелер су-кадык болзын деп кӱӱнзейдис» — деп, партияныҥ тергеелик бӧлӱгиниҥ качызы айткан.

Республиканыҥ Перинатальный тӧс јериниҥ баш врачы Андрей Мурыгинниҥ угусканыла, бу автомобиль медучреждениеге сӱрекей керектӱ. «Мындый кӧлӱкти туку качаннаҥ бери керексигенис. Эмди Медишчиниҥ кӱниниҥ алдында реанимобильдӱ боло бердис. Бу техникала  айалгазы коомой оору улусты, ол тоодо эне улусты ла јаш балдарды тартары эптӱ. «Единая Россияга» бистиҥ керексиништеристи оҥдоп ло болужып турганы учун быйан айдып турус» — деп, ол айтты.

Баш врачтыҥ темдектегениле, бистиҥ республика ак-јарыкка чыккан јаш балдардыҥ тоозы аайынча ороонныҥ озочыл тергеелериниҥ тоозына кирет. «Кезикте ыраак јурттардаҥ алдырту болуп јат, мынаҥ улам кезик эпшилер Перинатальный тӧс јерге једерге оройтып турган учуралдар да болот. Оныҥ да учун медболушты бийик кеминде ӧткӱрерине јарамыкту айалгалар керек болот. Бу автомобильде эне кижиге ле јаш балага болуш эдерине керектӱ эмдиги ӧйдиҥ јазалдары бар. Бистиҥ балдарды, энелерди чеберлеерис» — деп, Андрей Мурыгин адакыда айткан.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина