Ӱнберишти бийик кеминде ӧткӱрер

11.06.2020

Алтай Республиканыҥ башчызы Олег Хорохордин кичӱ изӱ айдыҥ 8-чи кӱнинде Россия Федерацияныҥ Конституциязына кубулталар эдери аайынча ӧдӧтӧн ӱнберишке белетенери ле оны ӧткӱрери јанынаҥ јуун ӧткӱрген.

Башчы јуунды ачып, Россияныҥ президенти Владимир Путин ӧткӧн неделеде текшироссиялык ӱнберишти јаан изӱ айдыҥ 1-кы кӱнинде ӧткӱрери керегинде јасакка кол салган, ӱнбериш кичӱ изӱ айдыҥ 25-чи кӱнинде башталып, јети кӱннниҥ туркунына ӧдӧр деген. Улус олорго кандый кӱн эптӱ болорын бойлоры талдап, участокторго келер аргалу деп айткан.

Коронавирустыҥ ӧйинде бу ӱнбериште бир канча јаҥыртулар эдилер. Аргалу болзо, кезик участоктор тышкартына кӧчӱрилер. Кӧп улус јаткан микрорайондордо участоктор база ачык площадкаларга кӧчӱрилердеҥ айабас. Мынызы ӱнбереечилерди бир јерге чук јуубас аргалар тӧзӧӧр. Анайда ок кажы ла участокто дезинфекция ӧткӱрилер.

Ӱнбереечилердиҥ бастыразы коронавирустаҥ коруланар эдимдерле јеткилделер. Олорго медицинаныҥ маскалары ла перчаткалар берилер. Ӱнбереечилердиҥ кажызы ла таҥынаҥ башка ручкаларла база јеткилделер. Олег Хорохордин: «Коронавирустыҥ пандемиязыныҥ ӧйинде талдаштарды ӧткӱрер тӧс камыс ла Роспотребшиҥжӱ улустыҥ су-кадыгына салтарын јетиретен чочыдуларды астадар амадула профилактика ӧткӱрер план тургускандар. Ӱнберишке белетенетен ӧйдӧ оны кыйалтазы јогынаҥ бӱдӱрер некелтелер туруп јат. Бу ведомстволордыҥ пландары бастыра муниципал тӧзӧлмӧлӧрдиҥ администрацияларына ийилген. Јербойындагы башкараачылар некелтелерди јазымы јогынаҥ бӱдӱрер учурлу» — деп айткан.

Алтай Республиканыҥ талдаштар ӧткӱрер камызыныҥ председатели Дмитрий Степанов тергеелик участоктор ло тергеелик избиркомдор коронавирустыҥ ӧйинде ӱн беретен каруулу кампанияга кидим белетенгилеп јат, бастыра иш тургузылган план аайынча ӧдӱп јат деген. Оныҥ айтканыла, участковый камыстардыҥ ла ӱн беретен тергеелик камыстардыҥ председательдери јаҥы некелтелер аайынча видеоколбу ажыра аҥылу ӱредӱ ӧдӧр. Анайда ок тергеелик ле участковый избиркомдордыҥ 1,5 муҥ турчызы коронавирус јанынаҥ анализтер табыштырар. Медишчилер ӱнбериште туружатан ширтеечилердиҥ су-кадыгын база шиҥдеер.

Башчы су-кадыгы кирелӱ улус ӱнин айылдарынаҥ чыкпай берер аргалузын темдектеген. Олорды участокторго тартып экелер ле ойто кайра јетирер аргалар база тӧзӧлӧр деп айткан. Мындый категориялу улуска јаҥыс ажындыра угузу-бичик бичиир керек. Бу иш бистиҥ тергееде кичӱ изӱ айдыҥ 16-чы кӱнинеҥ ала башталар. Улаган ла Кош-Агаш аймактардыҥ ыраак јурттарында јаткан улус ӱндерин текшироссиялык ӱнбериштеҥ чик јок озо, кичӱ изӱ айдыҥ 18-чи кӱнинеҥ ала берип баштаарга белетенет.

Олег Хорохордин: «Бис Россия Федерацияныҥ Конституциязына кубулталар эдери аайынча ӧдӧтӧн ӱнберишке каруулу белетенип, Роспотребшиҥжӱниҥ ле Талдаштар ӧткӱрер тӧс камыстыҥ бастыра некелтелерин толо бӱдӱрип, оны бийик кеминде ӧткӱрер учурлу. Ӱнбериште эҥ ле јаан ајаруны эл-јонныҥ су-кадыгына эдер керек» — деп айткан.

Алтай Республиканыҥ башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым