Су-кадыгысты коручылдарга

Су-кадыгысты коручылдарга — мак!

18.06.2020

Јаҥжыкканы аайынча кичӱ изӱ айдыҥ ӱчинчи воскресень кӱнинде орооныста Медицинаныҥ ишчизиниҥ кӱни темдектелет.

Бу байрам медициналык ончо јондыктыҥ текши байрамы болуп јат. Оны јаҥыс ла эмчилер, медсестралар эмес, је онойдо медициналык билимди кӧдӱрип, јаҥы медициналык јепселдер эдип турган, кижиниҥ јӱрӱмин аргадаарында туружып турган ончо улус: инженерлер, технологтор, химиктер, лаборанттар, санитарлар ла оноҥ до ӧскӧлӧри — темдектейдилер.

Јер-телекейде медишчилердеҥ болуш албаган улус јок болбой. Бу байрамдык кӱнде ончо эл-јон эмчилерге јылу ла быйанду сӧстӧрин, тоогонын айдадылар. Јаҥжыкканыла Медишчиниҥ кӱнинде олордыҥ эҥ артыктарына, ижинде једимдӱ ле ак-чек иштегендерге государство, тергее, эмчиликтер кеминде бийик кайралдар, сыйлар табыштырылат, јаан ајару эдилет.

Быјыл бу байрамдык кӱн орооныста јаан ајарулу ӧдӧринде алаҥзу јок. 2020 јылдыҥ коронавирус деген тӱбеги текши кижиликке эмчилердиҥ, медициналык ишчилердиҥ недеҥ де јаан учурын база катап чокым ла јарт кӧргӱзип берди. Быјыл ак халатту коручылдарыска сӱрекей бек тудунып, каруулу ла канча кире кӧп иштеерге келижет. Је олордыҥ кӧбизине — ол кӱнӱҥги ижиниҥ аайы. Медицинага тегин кижи келбей јат ине, мында килеҥкей јӱректӱ ле ол ок ӧйдӧ бек кылык-јаҥду, турумкай, колы быйанду улус иштейт, олор кижиниҥ јӱрӱмин кандый ла айалгаларда аргадап иштеерге Гиппократтыҥ чертин берген.

Бистиҥ кичинек тергеебисте COVID-19 југуш оорула оорыгандардыҥ тоозы 330-таҥ ажа берди. Горно-Алтайск калада ла Маймада тӧзӧлгӧн госпитальдарда эмчилерис бир де бош салынбай, кажы ла пациенттиҥ јӱрӱми учун тартыжат. Бу фотојуруктаҥ слер јаҥы коронавирус оорула оорып тургандарга калада тӧзӧлгӧн госпитальда иштеп турган эмчилерди: невролог Светлана Шилованы, кардиолог Арина Абрамованы ла пульмонолог Екатерина Максимованы кӧрӧдигер. Агару иштӱ бу эмчилеристи ле олордыҥ ончо коллегаларын келип јаткан профессионал байрамыла — Медицинаныҥ ишчизиниҥ кӱниле акту кӱӱнистеҥ уткуп, олорго бектеҥ бек су-кадык, албатызынаҥ быйанду болзын, Алтайынаҥ курчулу јӱрзин, айыл-јурты амыр турзын деп кӱӱнзейли! Олордыҥ ижи бир эмеш те болзо јеҥил болзын деп, коруланарыныҥ ээжи-некелтелерин кыйалтазы јогынаҥ бӱдӱрип јӱрели!

Е. БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина