Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Коронавирусла тартыжып турган врачтарды уткыган

23.06.2020

Алтай Республиканыҥ башчызы Олег Хорохордин тергеениҥ коронавирусный инфекцияла тартыжып турган медишчилерине быйан айдып турган акцияда турушкан.

Горно-Алтайсктыҥ ла Майманыҥ медициналык учреждениелеринде тӧзӧлгӧн моногоспитальдардыҥ тураларыныҥ кӧзнӧктӧриниҥ алдында медиктерге учурлалган концерттер #МыВместе деген ӱлекер аайынча ӧткӧн.

Тергеениҥ башкараачызы медицинаныҥ ишчилерин профессионал байрамыла уткуп, бойыныҥ ижине каруулу, турумкай, оны сӱӱп турганы учун быйан айткан.

«Слердиҥ ижигер Алтай Республиканыҥ кажы да кижизине јаан учурлу, анчада ла бӱгӱн — коронавирусный инфекция таркап турган ӧйдӧ. Слер јеҥил эмес иш бӱдӱрип јадыгар, ижигер эҥ ле јаан байлыктарды — улустыҥ јӱрӱмин ле су-кадыгын корулап алар арга берет» — деп, ол айткан.

Байрамдык концертте тергееде јарлу кожоҥчылар Эмиль ле Галина Толкочековтор, Арина Веревкина, Дарья Маришина, Эдуард Согоноков турушкан. Акцияны Текшироссиялык албаты фронттыҥ ла «Волонтерлор-медиктер» деген текшироссиялык јондык кыймыгуныҥ тергеелик бӧлӱктери Алтай Республиканыҥ культура аайынча министерствозыныҥ ла государственный филармониязыныҥ јӧмӧлтӧзиле ӧткӱрген.

Алтай Республикада су-кадыкты корыырында медицинаныҥ алты муҥ кире ишчизи иштейт, 200-теҥ кӧп улус коронавирусный инфекциялу улусты эмдееринде туружат.

Мынаҥ озо, Медицинаныҥ ишчизиниҥ кӱнинеҥ озо,  Алтай Республиканыҥ башкарузында тергеениҥ су-кадыкты корыыр бӧлӱгиниҥ чыгартулу улузын уткыыры ӧткӧн.

Бу чӱм-јаҥда туружып, Алтай Республиканыҥ башкарузыныҥ председателиниҥ баштапкы ордынчызы Алексей Тюхтенев мынайда айткан:  «Слердиҥ ижигер улуска јаантайын тузазын јетирген, је пандемияныҥ ӧйинде ол оноҥ јаан учур алынат. Слер бӱгӱн јеҥил эмес јӱк апарып јадыгар, улустыҥ јӱрӱмин аргадаарын, су-кадыгын корыырын баштапкы јерге тургузадыгар».

Ижинде бийик једимдерге јеткени, кӧп јылдарга ак-чек иштегени учун Алтай Республиканыҥ Кӱндӱлӱ грамотазыла мындый улус кайралдаткан:

Кан уратан станцияныҥ медицинский лабораторный техниги Айана Аспанова;

Республикан эмчиликтиҥ медсестразы Надежда Бедюрова;

Чамал аймактыҥ эмчилигиниҥ фельдшери — фельдшерско-акушерский пункттыҥ башкараачызы  Вера Борсукова;

Перинатальный тӧс јердиҥ медицинский статистиги  Антонина Зырянова;

Психиатрический эмчиликтиҥ медсестразы Нина Калинина;

АР-дыҥ су-кадыкты корыыры аайынча министерствозыныҥ башкартузыныҥ баш бухгалтери Наталья Киселева;

Чой аймактыҥ эмчилигиниҥ медсестразы Галина Коровякова;

Ийин јурттагы врачебный амбулаторияныҥ тискинчи-шоферы Валентин Кунанаков;

Республикан эмчиликтиҥ эмчи-радиологы Геннадий Максаров;

Чамал аймактыҥ эмчилигиниҥ фельдшери — фельдшерско-акушерский пункттыҥ башкараачызы Любовь Мерзлякова;

Республикан эмчиликтиҥ врач-акушер-гинекологы  Марина Модорова;

Турачак аймактыҥ эмчилигиниҥ хирургы Андрей Осинцев;

Республикан эмчиликтиҥ бухгалтери Ольга Прусова;

Психиатрический эмчиликтиҥ медсестразы Марина Сальникова;

Республикан эмчиликтиҥ врач-анестезиолог-реаниматологы  Роман Тюнин.

Алтай Республиканыҥ Эл Курултайыныҥ председателиниҥ ордынчызы Герман Чепкин тергеениҥ медишчилерине албаты-јонго быйанду ижи учун быйан айдып, бек су-кадык ла эҥке-тоҥко јадын-јӱрӱм кӱӱнзеген ле озочыл иштӱлерге тергеелик  парламенттиҥ Кӱндӱлӱ грамоталарын табыштырган.

Алтай Республиканыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина