Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Балдардыҥ јуруктарыныҥ кӧрӱзи ачылды

30.06.2020

 

Кичӱ изӱ айдыҥ 23-чи кӱнинде республикан парламентте балдардыҥ јуруктарыныҥ кӧрӱзиниҥ ачылтазы ӧткӧн. Кӧрӱде балдардыҥ јуруктарыныҥ ла чӱмдемелдериниҥ «Ат-нере ле Мак» деп республикан конкурсыныҥ турулталарында талдалган иштер тургузылган.

Алтай Республиканыҥ Эл Курултайыныҥ председатели, партияныҥ «Тӱӱкилик эзем» деп ӱлекериниҥ башкараачызы Владимир Тюлентин кӧрӱни ачып, Алтай Республиканыҥ парламенти «Алтайдыҥ Чолмоны» ла «Звезда Алтая» республикан газеттерле кожо Ада-Тӧрӧл учун Улу јууда совет калыктыҥ фашист Германияны јеҥгениниҥ 75 јылдыгына учурлай «Ат-нере ле Мак» деп конкурсты ӧткӱргенин темдектеди. Конкурс тӱгенген соҥында оныҥ турулталары кӧрӱлген – эҥ артык јуруктар ла чӱмдемелдер талдалган. Конкурстыҥ тӧзӧӧчилери конкурска ийилген јуруктар парламентте бир ай кӧрӱде турар деген шӱӱлтеге келген.

Спикердиҥ айтканыла, конкурста туружарга республиканыҥ кӧп тоолу балдары кӱӱнзеген. Олордыҥ ижиле танышканынаҥ олор тыҥ чырмайгандары билдирген. Бастыра аймактардыҥ ӱренчиктери бойлорыныҥ јуруктарын ла сочинение-чӱмдемелдерин ийгендер. «Мындый керектерде турушканы балдарда бойыныҥ орооны учун оморкош, бистиҥ государствоныҥ мактулу тӱӱкизине тоомјы таскадарына – бистиҥ јиит граждандарды тӧрӧлчи кӱӱнге таскадарына – јӧмӧлтӧлӱ болуп јат» – деп, Владимир Николаевич айтты.

Ол онойдо ок балдарга чырмайгандары учун ла ада-энелерге олорды јӧмӧгӧндӧри учун јаан быйанын айтты. Оныҥ айтканыла, конкурстыҥ јеҥӱчилдери акча-сыйла, Быйанду самараларла кайралдадар. «Пандемияныҥ ӧйинде бис олорды конкурстыҥ учкары керегине кычырбадыс. Је депутаттар округтарына барып, сыйларды кыйалтазы јоктоҥ јетирип берер» – деп, Владимир Тюлентин бӱдӱмјиледи.

«Алтайдыҥ Чолмоны» республикан газеттиҥ баш редакторы Айсулу Кыйгасова туштажуда куучын айдып, редакцияда бу баштапкы катап ӧткӱрилген конкурс эмес деди. Мынаҥ озо чолмончылар Г. И. Чорос-Гуркинниҥ чыккан кӱнине учурлай балдардыҥ јуруктарыныҥ «Мениҥ тӧрӧл Алтайым» деп конкурсын ӧткӱрген. Быјылгы конкурстыҥ ӧткӧнин куучындап, ол бу конкурска республиканыҥ бастыра аймактарынаҥ иштер келгенин темдектеди. Ол туружаачылары эҥ кӧп јуруктар аткарган Кӧксуу-Оозы, Кош-Агаш ла Улаган аймактардыҥ туружаачыларына аҥылу быйанын айтты. «Балдар бойлорыныҥ јуруктарын ла чӱмдемелдерин карган адаларыныҥ ла энелериниҥ куучындары аайынча јураган ла бичиген. Эзем – ол аҥылу кӱӱн-тап, эзем тирӱде кижилик јакшыны ла јаманды чокым ылгаштырып билип турар» – деп, Айсулу Мереевна адакыда айтты.

«Звезда Алтая» республикан газеттиҥ баш редакторы, Афганистанда јууныҥ туружаачызы Сергей Адлыков јиит туружаачылардыҥ эрчимин аҥылу темдектеди. Оныҥ айтканыла, бистиҥ балдарыс узак ӧйгӧ карантинде де болгон болзо, конкурста туружар кычыруга удура болуп, јайымдаачы солдаттардыҥ ат-нерезин јайаандык иштери ажыра кӧргӱзерге тыҥ чырмайгандар.

 

Ада-Тӧрӧл учун Улу јууда совет калыктыҥ фашист Германияны јеҥгениниҥ 75 јылдыгына учурлай балдардыҥ јуруктарыныҥ ла чӱмдемелдериниҥ «Ат-нере ле Мак» деп конкурсыныҥ турулталары

Јеҥӱчилдер:

7 јаштаҥ ала 10 јашка јетире

«Мениҥ карган адам — фронтовик» номинацияда

1 јер (сочинение) — Дарина Куюкова, 8 јаш, Улаган. (ЗА); Энес Кундиянов, 9 јаш, Кӧкӧрӱ. (АЧ); 2 јер (сочинение) — Юлиана Тазрашева, 8 јаш, Улаган. (АЧ)

«Јуу балдарыҥ кӧзиле» номинацияда

1 јер (јурук) Ирина Трафимова, 10 јаш, Телеҥит-Сортогой ло Ульяна Русских, 7 јаш, Горно-Алтайск. (ЗА) ; 2 јер (јурук) — Степан Симонов, 7 јаш, Горно-Алтайск (ЗА); 3 јер (јурук) — Анна Змановская, 9 јаш, Каракол. (АЧ)

11 јаштаҥ ала 14 јашка јетире

«Мениҥ карган адам — фронтовик» номинацияда

1 јер (сочинение) — Александр Клепиков, Кеҥи. (ЗА); 2 јер (сочинение) — Ренат Кукпеев, 11 јаш, Беш-Ӧзӧк. (АЧ); 3 јер (сочинение) — Сагыныш Баенкинова, 14 јаш, Кош-Агаш. (АЧ)

«Јуу балдарыҥ кӧзиле» номинацияда

1 јер (сочинение) — Надежда Бадаева, 13 јаш, Кеҥи. (ЗА); 1 јер (јурук) — Раудин Кундиянов, 11 јаш, Кӧкӧрӱ. (АЧ)

«Тылдыҥ ишчилери Ада-Тӧрӧл учун Улу јууда» номинацияда

1 јер — алтай тилле сочинение учун башка номинация — Оскар Кабарчин, 13 јаш, Кырлык. (АЧ); 1 јер (сочинение) — Софья Чечегоева, 13 јаш, Онос. (ЗА); 1 јер (јурук) — Анастасия Ерелина, 13 јаш, Сугаш. (АЧ)

15 јаштаҥ ала 18 јашка јетире

«Мениҥ карган адам — фронтовик» номинацияда

1 јер (сочинение) — Экемель Баштакова, 17 јаш, Кеҥи. (ЗА)

«Јуу балдардыҥ кӧзиле» номинацияда

1 јер (сочинение) — Полина Зинченко, 16 јаш, Чамал. (ЗА)

«Тылдыҥ ишчилери Ада-Тӧрӧл учун Улу јууда» номинацияда

1 јер (сочинение) — Иван Тутушев, 15 јаш, Чендек. (ЗА)

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина