Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Белетеништӱ иштер текшилей ӧткӧн

30.06.2020

Кичӱ изӱ айдыҥ 23-чи кӱнинде Горно-Алтайскта Албатылардыҥ најылыгыныҥ туразыныҥ конференц-залында орооныстыҥ Тӧс јасагы – Конституцияга тӱзедӱлер кийдирери аайынча текшироссиялык ӱнберишке ширтеечилерди (наблюдательдер) белетеериниҥ сурактарыла колбой пресс-конференция ӧткӧн.

Анда Алтай Республиканыҥ Јондык палатазыныҥ, «Единая Россия», «Родина» ла «ЛДПР» политический партиялардыҥ ла јондык биригӱлердиҥ чыгартулу улузы турушкан.

Алтай Республиканыҥ Јондык палатазыныҥ председателиниҥ молјуларын бӱдӱрип турган Андрей Ищенко јондык ширтеечилердиҥ тергеелик корпузын тӧзӧӧри аайынча иштиҥ турулталары керегинде айткан:

—Јондык ширтеечилердиҥ корпузын тӧзӧӧр амадула башкарынып, бис бастыра политический партияларга ла јондык биригӱлерге бу иште турушсын деп баштанганыс. Јӧмӧӧргӧ белен болгондорын «Единая Россия», «ЛДПР» ла «Родина» деп политический партиялар, 18 јондык биригӱ ле организация угускан.

Кичӱ изӱ айдыҥ 25-чи кӱнинеҥ ала јаан изӱ айдыҥ 1-кы кӱнине јетире ӧдӱп јаткан текшироссиялык ӱнбериш ӧйинде Алтай Республикада 236 талдаачы участок иштеер. Кажы ла участокто 6-даҥ ала 10-го јетире јондык ширтеечилер болор. Бӱгӱнги кӱнге јетире бойыныҥ кӱӱниле јондык ширтеечи болор кӱӱнин 2157 кижи угускан. Олорго акча тӧлӧлбӧс. Бу улустыҥ тоозында 65 јашты ашкан да граждандар болгон. Је коронавирустаҥ улам тӧзӧлгӧн айалгала колбой, олордыҥ ордына јаш улус келген. Бу учуралда айалганы спортчылар аргадаган деп айдар керек.

Пресс-конференцияда Алтай Республи-каныҥ Јондык палатазыныҥ турчызы Денис Власенко, «Единая Россия» партияныҥ тергеедеги бӱдӱреечи комитединиҥ башкараачызы Эмиль Тюхтенев, «Родина» партияныҥ чыгартулу кижизи Вячеслав Батраков, «Кенектердиҥ бастырароссиялык јондыгы» деп республикан организацияныҥ турчызы Юлия Ядомыкова ла Адалардыҥ республикан совединиҥ јааны Алексей Секачев текшироссиялык ӱнберишке белетеништӱ иштер керегинде база куучындаган.

Бу учурлу керек-јаракка тергеебис канайда белетенип турганы керегинде бичимелдер газедисте кӧп катап јарлалган эди. Кош-Агаш аймакта Белтир ле Аркыт, Улаган аймакта Беле јурттарда јадып турган улус Россия Федерацияныҥ Конституциязына кубулталар кийдирери јанынаҥ ӱнбериште бойлорыныҥ ӱндерин кичӱ изӱ айдыҥ 18-25 кӱндеринде берип салган. Службазын Кош-Агаш, Улаган ла Кӧксуу-Оозы аймактарда ӧдӱп турган пограничниктер, кедери турлуларда јайлаган малчылар ла кордондордо иштеген егерьлер ӱндерин бу ла ӧйдӧ озолондыра база берген.

Талдаачы участоктор таҥынаҥ коруланарыныҥ эдимдерле — маскаларла, перчаткаларла, јӱске кийер экрандарла, дезинфекция ӧткӱрер эдимдерле, ӱнберишке келген улустыҥ эди-каныныҥ температуразын кемјӱлеп кӧрӧр бесконтактный дейтен приборлорло, анайда ок металлодетекторлорло јеткилделген. Мынайып, ӱнбереечилердиҥ бастыразы коронавирустаҥ коруланар эдимдерле јеткилделет. Олорго медициналык маскалары ла перчаткалар, таҥынаҥ башка ручкалар база берилет.

Тергеелик ле участковый талдаачы участоктордыҥ турчылары коронавируска тест ӧткӧн. Јаан јашту ла су-кадыгы уйан улус ӱндерин айылдарында берер аргалу. Андый улусты участокторго јетирер ле ойто кайра тартып апарар иш база тӧзӧлгӧн. Андый улуска эртедеҥ угузу-бичик бичиир керек болгон.

Ороонныҥ Конституциязына кубулталар кийдирери јанынаҥ текшироссиялык ӱнбериш коронавирустыҥ пандемиязыныҥ ӧйине келижип турганы учун ого јаан ајару эдилет. Кезик участоктор тышкартына кӧчӱрилет. Кажы ла участокто дезинфекция ӧткӱрилет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина