Нацӱлекер аайынча тудум иштер ӧдӧт

09.07.2020

Шабалин јуртта балдардыҥ садыныҥ туразын Школьный оромдо тудар иш канайда ӧдӱп турганын Алтай Республиканыҥ башчызы Олег Хорохордин јаан изӱ айдыҥ 9-чы кӱнинде шиҥдеп кӧргӧн.

«Демография» деген национальный ӱлекер аайынча тудулып јаткан бу детсадка, ол тудулган ла оны тузаланарына табыштырган соҥында, 125 бала јӱрер аргалу болор. Объекттиҥ тудум иштериниҥ сметный баазы (ӧткӧн ӧйдиҥ бааларыла) 115,8 миллион салковой. Инвестициялардыҥ кеми (2019 јылдыҥ бааларыла) — 113,8 миллион салковой, ол тоодо федерал бюджеттеҥ 86,6 миллион салковой, республикан бюджеттеҥ 26 миллион салковой, јербойындагы бюджеттеҥ 1,1 миллион салковой. 2019 јылда муниципал тӧзӧлмӧниҥ бюджедине 113,8 миллион салковой кӧчӱрилген.

Балдардыҥ садыныҥ туразын «Чойское ЖКХ» ООО тудат. Тургуза ӧйдӧ мында јер ижи, фундамент тӧзӧӧри ле ӧскӧ дӧ иштер бӱдӱп калган, тураныҥ јабынтызын јабары ла кӧзнӧктӧрин тургузары, ӧскӧ дӧ ууламјылар аайынча иштер ӧдӱп турган.

Озолондыра темдектелгениле, объектти тузаланарына 2020 јылда табыштырар керек. Бу детсад иштеп баштаза, Шабалин јуртта балдарды детсадла јеткилдеери јанынаҥ эмдиге јетире турган курч сурак чечилер. Јаҥы детсад бӱгӱнги ӧйдиҥ некелтелерине келижип турган јазалдарла, ӧскӧ дӧ не-немелерле јеткилделер.

Анайда ок тергеениҥ башкараачызы Шабалин-Каспа деген јолды јазаары, Ӱстиги-Апшыйакту јуртта В. И. Чаптыновтыҥ музейин јаҥырта тудары канайда ӧткӱрилип турганыҥ шиҥдеп кӧргӧн.

Нацӱлекер аайынча ӧткӱрилип јаткан бу иштер керегинде элбеде бичимел газеттиҥ келер номеринде јарлалар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина