Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Тергееде маскалу јӱрер ээжи катуланган

14.07.2020

Алтай Республиканыҥ башчызы Олег Хорохордин јаан изӱ айдыҥ 13-чи кӱнинде тергееде маскалу јӱрер ээжи катуланганы керегинде угускан. Ол керегинде башчы тергеениҥ башкарузыныҥ турчыларыла, муниципал тӧзӧлмӧлӧрдиҥ јаандарыла неделе сайынгы јуунда айткан. Тӧс јӧп эл-јонныҥ тынар органдарын таҥынаҥ корулаар эп-аргаларды тузаланарыныҥ тергеедеги ээжизиниҥ бӱдӱп турганын шиҥжӱлеерин тыҥыдары керегинде болды.

Алтай Республиканыҥ башчызы Олег Хорохординниҥ темдектегениле, бӱгӱнги кӱнде тергеедеги эпидемиологиялык айалга Алтай Республиканыҥ эл-јонын коронавирустыҥ инфекциязынаҥ корулаар ӱзеери керектер эдерин некейт.

«Ӧткӧн неделениҥ учында Алтай Республикада коронавирусла оорыган улустыҥ тоозы муҥнаҥ ажа берген, бӱгӱн дезе оныла оорыган 1111 учурал болгоны јарталган. 572 кижи јазылган, је оорыган беш кижи, ол тоодо Ада-Тӧрӧл учун Улу јууныҥ туружаачызы Павел Григорьевич Гаврилов, јада калганы карыкчалду. Анчада ла алдында чылап кӱнӱҥ ле 20 кижи оорып турган Кош-Агаш аймакта айалга чочыдат. Кан-Оозы аймакта оорулар кӧптӧгӧни база темдектелген.

Эпидайалга озо ло баштап санитарно-эпидемиологиялык некелтелерди, маскалу јӱрер ээжини бӱдӱрбей турганынаҥ улам курч бойы артат. Оныҥ учун бисте оорыган улустыҥ тоозы кӧптӧйт. Бу ээжи-некелтелерди катуландырарга келижет. Мен эҥ учурлузы – ол бистиҥ эл-јонныҥ су-кадыгы ла јеткер јок болоры деп канча ла катап айдып јадым». Олег Хорохордин онойдо ок муниципал тӧзӧлмӧлӧрдиҥ јаандарына ла Роспотребшиҥжӱниҥ ишчилерине баштанып, кӧп улус јӱрген јерлерде, организацияларда, магазиндерде, аптекаларда, транспортто маскалу јӱрерин шиҥжӱде тударын, административный протокол до тургузарына јетире тыҥытсын деп баштанган.

«Бӱгӱн кӧп эл-јон, ол тоодо садучылар, кондукторлор, тискинчилер маскалу јӱрер некелтени кыйалтазы јок бӱдӱрерине ајару тыҥ этпейт. Ол ондый эмес. Тынар органдарды таҥынаҥ корулаар эп-аргаларла тузаланарын кӱнӱҥ ле, улайын ла шиҥжӱлеер керек, рейдтер ӧткӱрер керек», — деп, тергеениҥ башчызы айткан.

Онойып, организацияларга ла таҥынаҥ аргачыларга маска јок улусла иштеерге јарабас, онойдо ок олор бу ээжини бӱдӱрерин јеткилдеер учурлу. Садуныҥ ла јеткилдештердиҥ предприятиелери клиенттердиҥ ортодо ыраагы 1,5 метр болорын, колдорды антисептиктерле арутаарын, ончо объекттерде дезинфекция ӧткӱрерин, ол тоодо јепселдерди ле инвентарьды дезинфицировать эдерин, онойдо ок улайын улус болуп турган јерлерде кейди арутаарын јеткилдеер учурлу.

Тергееде јаан изӱ айдыҥ 3-чи кӱнинеҥ ала турист базалардыҥ ла ашканалардыҥ ижи орныктырылганын, Туулу Алтайга ӧскӧ тергеелердиҥ туристтери кӧптӧҥ келип баштаганын эзедип ийели.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина