Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Башчыныҥ Кӧксуу-Оозы аймакла јол-јорыгы

21.07.2020

Алтай Республиканыҥ башчызы Олег Хорохордин ӧткӧн неделеде Кӧксуу-Оозы аймакла ишмекчи јол-јорыкта болгон. Тергеениҥ јааны Кӧксуу-Оозы јурттагы школды ла балдардыҥ садигин тудар иштердиҥ ӧдӱжин кӧргӧн.

Аймактыҥ тӧс јуртында тудулып јаткан школ «Ӱредӱлик» деп национальный ӱлекер аайынча тудулат ла ондо 275 бала ӱренер аргалу болор. Тургуза ӧйдӧ школды тудар иштер темдектелген ӧйинеҥ соҥдоп туру.

Онызы школдыҥ ӱлекерин тургузарда јаҥжыккан ӱлекердиҥ документациязы тузаланганыла колбулу. Иштер башталган кийнинде ӱлекерди кубултары ла ого ойто катап государственный экспертиза ӧткӱрери керектӱ боло берген. Эмди кубулткан ӱлекер госэкспертизага аткарылган. Оныҥ кийнинде ле тудум иштердиҥ ӧйи узадылары темдектелет.

«Школды тударында каруулу министерстволор тудум иштердиҥ план-графигин јуук ӧйдӧ табыштырар учурлу. Аймактыҥ јааны бу суракты бойыныҥ шиҥжӱзинде тудуп, кажы ла неделеде тудум иштердиҥ ӧдӱжин бойы шиҥжӱлеп турар учурлу» – деп, республиканыҥ башкараачызы айткан.

Бӱгӱнги кӱнде мында тураныҥ фундаменттери, ӧрт ӧчӱрер резервуарларга јер казары јанынаҥ иштер ӧдӧт, котельныйды тудары, дизельный электростанцияныҥ монтажы учына чыгып клееди.

Олег Хорохордин онойдо ок аймактыҥ тӧс јуртында балдардыҥ садигин тудар иштерди база кӧргӧн. Дошкольный учреждениеге 125 бала јӱрер, 60 јер ясляныҥ группазыныҥ балдарына келижер. Балдардыҥ садиги «Демография» национальный ӱлекер аайынча тудулат.

Балдардыҥ садын быјыл ла ишке табыштырары пландалат. Тудум иштер графикле ӧдӱп јат. Бӱгӱнги кӱнде мында фундамент тудар, стенелер кӧдӱрер иштер тӱгенген. Эмди тураныҥ ичин бӧлиир, бетон тӧзӧгӧ јайар ла полдорды салар иштер, јылу ӧткӱрер системаныҥ монтажы ӧткӱрилет.

Тергеениҥ башчызы онойдо ок Кӧксуу-Оозындагы орто ӱредӱлӱ школдо балдардыҥ «Тополек» садигинде болгон. Ол мында балдарды школго канайда белетеп, кандый ӱредӱ ӧткӱрип турганыла танышкан.

Балдардыҥ садигиниҥ јаҥы туразы «Демография» национальный ӱлекер аайынча 2019 јылда тудулган. Садикке 60 бала јӱрӱп туру, ол тоодо 40 јер ясляга јӱрер јашту болчомдорго ло 20 јер школго белетелип турган балдарга берилет. Быјыл јылу переход тудулган ла ондо ашкана јазалган.

Ишмекчи јол-јорык ӧйинде Олег Хорохордин јашӧскӱримниҥ эрчимдӱлериле, волонтерлордыҥ «Бис кожо» ӱлекериниҥ чыгартулу улузыла тушташкан. Олор башчыга аймактыҥ тогус јурт јеезезиниҥ бастыразында волонтерлордыҥ отрядтары тӧзӧлгӧни, олор јондык иштерде, ол тоодо каргандарга болужарында эрчимдӱ туружып, јашӧскӱримниҥ бош ӧйин тузалу ӧткӱрерин тӧзӧп тургандары керегинде куучындагандар.

Мынаҥ озо тергеениҥ башчызы Кӧксуу-Оозы аймакта болуп, јуун ӧткӱрген болгон. Ол Алтай Республикада сакыбаган јанынаҥ кызалаҥду айалгаларды болдыртпазыныҥ ла јоголторыныҥ бирлик государственный системазыныҥ аймактагы подсистемазыныҥ ижиниҥ уч-турулталарын кӧрӧрине учурлалып ӧткӱрилген. Јуунда онойдо ок 2020 јылдыҥ экинчи јарымјылдыгында иштиҥ амаду-керектери темдектелген.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина