Сыгындардыҥ алтын мӱӱстерин кезери тӱгенди

31.07.2020

Алтай Республиканыҥаҥ ӧскӱрер бастыра ээлемдеринде мӱӱс кезер иштер тӱгенген.

Тергеениҥ јурт ээлем аайынча министерствозыныҥ јетиргениле, 2020 јылда 23264 эжер мӱӱс кезилген, мынызы, 2019 јылдыйына кӧрӧ, 4671 эжерге кӧп.

Кайда да 117 тоннага јуук чий мӱӱстер алынган. Бу кӧргӱзӱ, ӧткӧн јылдыйына кӧрӧ, 15 тоннага кӧп болуп јат.

Бир аҥнаҥ кезилген эҥ ле уур мӱӱс Оҥдой аймакта Кеҥиниҥ укту мал ӧскӱрер ээлеминде темдектелген. Оныҥ бескези 19,8 килограмм. Бу ээлемди узак јылдардыҥ туркунына Владимир Шадрин башкарат. Былтыр эҥ уур мӱӱс база бу ок ээлемде алынган эди. Ол тушта оныҥ бескези 23,8 килограммга јеткен. Бу беске ӧрӧ адалган ээлемде алтай-саян укты јарандырары аайынча иштердиҥ шылтузында алынган једим болуп јат.

Алтай Республикада аҥ ӧскӱрип турган ээлемдердиҥ тоозы 76. Аҥдардыҥ текши тоозы – 56,6 муҥ тын болуп јат. Бу ээлемдердеҥ сегис ээлем укту аҥдар ӧскӱрет. Тергее ичинде эҥ јаан ээлем Кӧксуу-Оозы аймакта «Абайский» СПК. Быјыл бу ээлемде 12 тонна чий мӱӱс кезилген.

2019 јылда аҥдар ӧскӱрерине јетирилген государственный јӧмӧлтӧниҥ кеми 22 миллион салковой (ол тоодо 8 миллион салковойы тижи аҥдардыҥ тоозын кӧптӧдӧрине) болгон.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина