Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ӱредӱлӱ јылга белетенери канайда ӧдӧт?

11.08.2020

Јаҥы ӱредӱлӱ јыл башталарына јетире узак ла ӧй артпады. Алтай Республикада школдор јаҥы ӱредӱлӱ јылга канайда белетенип турганы керегинде тергеениҥ ӱредӱ ле билим аайынча министерствозына баштандыс. Министерствоныҥ республикада ӱредӱлӱ организациялардыҥ 2020-2021 ӱредӱлӱ јылга белетенижи керегинде јетирӱзи мындый болды:

— Ӱредӱлӱ организацияларды јаҥы ӱредӱлӱ јылга белетеер амадула 2020 јылдыҥ тулаан айында Алтай Республиканыҥ ӱредӱ ле билим аайынча министерствозы башкараачыларга Российский Федерацияныҥ ӱредӱ аайынча министерствозыныҥ 2020 јылдыҥ тулаан айыныҥ 11-чи кӱнинде јӧптӧгӧн, ӱредӱлӱ иш ӧткӱрип турган организациялардыҥ јаҥы ӱредӱлӱ јылга белетенижин баалаары аайынча  ВБ-593/03 номерлӱ методикалык тӱп-шӱӱлтелер аткарылган.

Бу тӱп-шӱӱлтелерле колбой Алтай Республиканыҥ ӱредӱ ле билим аайынча министерствозыныҥ 2020 јылдыҥ кӱӱк айыныҥ 20-чи кӱнинде «Алтай Республиканыҥ ӱредӱлӱ организацияларын 2020-2021 ӱредӱлӱ јылга белетеери керегинде» 428 номерлӱ јакарузы јӧптӧлгӧн. Бу документ-чаазын аайынча тергеениҥ ӱредӱлӱ организацияларын јаҥы ӱредӱлӱ јылга белетеерине ууламјылалган керек-јарактарды текши башкарарын ла шиҥдеерин јӱрӱмде бӱдӱрери аайынча каруулу улус, ӧйи ле ээжизи чокумдалган.

Бу јакару бастыра муниципал тӧзӧлмӧлӧргӧ аткарылган, јаҥы ӱредӱлӱ јылга белетенери аайынча иштерди тӧзӧзин деп. Белетеништӱ иштер канайда ӧдӱп турганын шиҥдеер амадула бу керек-јарактардыҥ  план-графиктери белетелип јӧптӧлгӧн. Анайып, темдектелген иштер учун каруулу улус ла ол иштерди кандый ӧйгӧ јетире бӱдӱретени чокумдалган. Ӱредӱ ле билим аайынча министерствоныҥ јакарузы аайынча бу иштерди качан ӧткӱрериле колбой тӱп-шӱӱлтелер база берилген.   Анда айдылганыла, јаҥы ӱредӱлӱ јылга белетеништӱ иштерди кичӱ изӱ айдыҥ 1-кы кӱнинеҥ ала баштап, куран айдыҥ 10-чы кӱнине јетире тӱгезип салар керек. 2020 јылдыҥ куран айыныҥ 20-чи кӱнине јетире Российский Федерацияныҥ ӱредӱ аайынча министерствозына ӱредӱлӱ организациялардыҥ јаҥы ӱредӱлӱ јылга белетенгени керегинде толо докладты аткарып ийер керек.

Бу иштер канайда ӧдӱп турганын шиҥдеер амадула Алтай Республиканыҥ ӱредӱ ле билим аайынча министерствозы тергеениҥ муниципал органдарыныҥ ӱредӱ аайынча башкартуларыныҥ јаандарыла видеоконференция ажыра ӱч јуун ӧткӱрген.

Муниципал тӧзӧлмӧлӧрдиҥ јаандары кажы ла неделе сайын белетеништӱ иштер канайда ӧдӱп турганы керегинде докладтар эдет, план-графиктер ле јолдыҥ картазы аайынча иштер керегинде.

Коронавирус југуш оору таркаар чочыду јоголбогонынаҥ улам Российский Федерацияда санитарно-эпидемиологический кӱч айалга тӧзӧлгӧниле колбой муниципал тӧзӧлмӧлӧргӧ ӱредӱлӱ организациялардыҥ, балдардыҥ ла јашӧскӱримниҥ социальный инфраструктураларыныҥ ӧскӧ дӧ объекттериниҥ ижин тӧзӧӧрине, ӧткӱрерине ле белетеерине эдилген јаҥы санитарно-эпидемиологический некелтелер аайынча јетирӱлер ле шӱӱлтелер аткарылган.  Бу некелтелер Российский Федерацияныҥ баш государственный санитарный врачыныҥ 2020 јылдыҥ кичӱ изӱ айыныҥ 30-чы кӱнинде јӧптӧгӧн 16 номерлӱ јакаанында айдылган болуп јат.

2020 јылдыҥ куран айыныҥ 7-чи кӱнине јетире келген јетирӱлер аайынча ӱредӱлӱ организациялардыҥ јаҥы ӱредӱлӱ јылга белетенижиниҥ кеми 70,23 процент болгон. Тергее ичинде бар 262 ӱредӱлӱ организацияныҥ 184-зи белен.

 *  *  *

Алтай Республиканыҥ ӱредӱ ле билим аайынча министерствозына кирип турган ӱредӱлӱ организациялар јаҥы ӱредӱлӱ јылга белен бе деп кӧрӧр иш куран айдыҥ 4-чи кӱнинеҥ ала башталган.

Бу ишти ӧткӱрип турган ведомстволор ортодогы камыска АР-дыҥ ӱредӱ ле билим аайынча министерствозыныҥ, Росгвардияныҥ, МЧС-тыҥ специалисттери кирет.

Озо ло баштап камыс ӧрт лӧ чочыдулу айалгалар чыгарын болдыртпазыныҥ некелтелерин, террористический чочыдулардаҥ коруланарыныҥ айалгалары тӧзӧлгӧн бӧ деп шиҥдейт. Анайда ок санитарно-гигиенический некелтелерди ле медицинский јеткилдешти бӱдӱрерине канайда белетенгенин кӧрӧдилер.  Камыстыҥ турчылары бастыра керектӱ документацияларды, ол тоодо ӱредӱлӱ программаларды, ӱредӱлӱ предметтер аайынча иштейтен программаларды шиҥдейт.

Республикан классический лицейде ле В. К. Плакастыҥ адыла адалган республикан гимназияда ӱредӱниҥ «Ӧзӱмниҥ точказы» деп тӧс јерлерине керектӱ кыптар белетелген. Коррекционный школ-интернатта бастыра ӱредӱлӱ кыптар ла мастерскойлор эмдиги ӧйдиҥ јазалдарыла јеткилделген. Бу јазалдар «Ӱредӱ» нацӱлекер аайынча алынган.

Бу школдор јаҥы ӱредӱлӱ јылга белен деп айдар керек.

К. ЯШЕВ

ТОП

Положение о конкурсе рисунков «Јакшыга экелген бир учурал» («Случай, сподвигнувший к совершению доброго поступка»)

  УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 04.02.2022 № 6/1 __________ Триянова С.В.      Положение о конкурсе рисунков «Јакшыга экелген бир учурал» («Случай, сподвигнувший к совершению доброго поступка»), посвященном 100-летию национальной газеты «Алтайдын Чолмоны»   Общие положения Положение определяет условия, основы организации и проведения творческого конкурса, посвященного 100-летию республиканской

Положение о литературном конкурсе «КУУЛГАЗЫН КААЛГА» («Волшебные ворота»)

УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 04.02.2022 № 6/1 __________ Триянова С.В.        ПОЛОЖЕНИЕ о литературном конкурсе юных писателей—авторов сказок, посвященный 100-летию национальной газеты «Алтайдын Чолмоны», «КУУЛГАЗЫН КААЛГА» («Волшебные ворота»).   Организатор: АУ РА «Редакция газеты «Алтайдын Чолмоны».   Общие положения Положение определяет условия, основы организации и проведения

Положение о конкурсе молодых журналистов «МӦҤӰН КАЛАМ» («Серебряное перо»)

  УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 24.01.2022 № 6/1 __________ Триянова С.В.       Положение о конкурсе молодых журналистов, посвященном 100-летию национальной газеты «Алтайдын Чолмоны», «МӦҤӰН КАЛАМ» («Серебряное перо»)     Общие положения Положение определяет условия, основы организации и проведения творческого конкурса, посвященного 100-летию республиканской массовой газеты «Алтайдын Чолмоны». Настоящее Положение