Улус тартары орныккан

11.08.2020

Warning: getimagesize(): Filename cannot be empty in /var/www/u1614088/data/www/altaicholmon.ru/wp-content/themes/altaicholmon/single/single-cat-6.php on line 16

Горно-Алтайсктыҥ аэропортында јастаҥ бери астай берген пассажиропоток ойто орныга берген.

2020 јылдыҥ баштапкы јарымјылдыгыныҥ турулталары аайынча Горно-Алтайсктыҥ аэропортында улус тартарыныҥ кеми 5,9 процентке јабызаган ла 29900 кижи болгон. Мындый кӧргӱзӱлерди Росавиацияныҥ сайтына тайанып, «Интерфакс» јетирет. Бу ок ӧйдӧ Барнаулда пассажиропотоктыҥ кеми эки катапка астаган.

Аэропорттордыҥ бу кӧргӱзӱлери эҥ тыҥ кандык ла кӱӱк айларда јабызаган. Ол тушта авиаперевозкалардыҥ кеми, мынаҥ озо айларга кӧрӧ, Алтайский крайда сегис катапка, Алтай Республикада беш катапка астаган.

Кичӱ изӱ айда пассажиропоток орныга берген. Барнаулдыҥ аэропорты ажыра бу айда 14 муҥ кижи учкан болзо, Горно-Алтайсктыҥ аэропорты ажыра 7,4 муҥ кижи, эмезе кӱӱк айга кӧрӧ, 4,2 катапка кӧп учкан.

«Горно-Алтайск» аэропортло башкарып турган «Система» АФК-ныҥ јетиргениле, 2020 јылдыҥ баштапкы јети айында аэропорттыҥ пассажиропотогы, ӧткӧн јылдыйына кӧрӧ, 15 процентке кӧптӧгӧн.

«Коронавирус југуш ооруныҥ пандемиязы ӧйинде авиаперевозкалардыҥ кеми јабызаар деп айдылган да болзо, Горно-Алтайсктыҥ аэропортында пассажирӧдӱштирӱниҥ кеми бийиктегенин кӧрӧдис. Карантинный кирелендириштерди уштыган кийнинеҥ аэропорттыҥ јеткилдештериле кажы ла кӱн бир муҥнаҥ кӧп кижи тузаланат. Тургуза ӧйдӧ бу Россияда экотуризмниҥ эҥ јарлу ууламјыларыныҥ бирӱзи, бу ок ӧйдӧ тергееде туристический инфраструктура база тыҥ ӧзӱм алынат» — деп, аэропорттыҥ генеральный директоры Сергей Круглов айткан.

Бӱгӱн Горно-Алтайсктаҥ чике рейсле Москва, Санкт-Петербург, Екатеринбург, Новосибирск, Красноярск, Омск калаларга једерге јараар. Јербойыныҥ эл-јонына јарамыкту болгодый рейстер база бар: Кош-Агаштӧӧн лӧ Кӧксуу-Оозындӧӧн, анайда ок Белокурихага јетире. Аэропорт кӱнӱҥ сайын 47 рейс алат, олордоҥ 29 рейс 2020 јылда ачылган. Горно-Алтайсктӧӧн S7, «Победа», «Уральские авиалинии», «Нордвинд», «Руслайн», «Сибирская легкая авиация», «ЮВТ Аэро» авиакомпаниялар учат.

2016 јылдаҥ ала 2019 јылга јетире Горно-Алтайсктыҥ аэропортыныҥ пассажиропотогы 76 процентке бийиктеген ле 2019 јылдыҥ турулталарыла 102,3 муҥ пассажирге јеткен. 2020 јылдыҥ турулталарыла пассажиропотоктыҥ текши кеми 2019 јылдыҥ кӧргӱзӱзинеҥ кӧп болоры темдектелет. Бу керегинде АФК «Системаныҥ» јетирӱзинде айдылат.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина