«КомпАс» — профууламјылардыҥ ӧзӱминиҥ тӧс јери

14.08.2020

Баштамы класстардыҥ ӱредӱчилериниҥ профессионал компетенцияларыныҥ ӧзӱминиҥ «КомпАс» деген тӧс јери Горно-Алтайсктагы педколледжте ачылган.

Оныҥ кӧдӱриҥилӱ ачылтазында РФ-тыҥ ӱредӱлик аайынча министриниҥ ордынчызы Татьяна Васильева, АР-дыҥ башкарузыныҥ предедателиниҥ ордынчызыныҥ молјуларын бӱдӱреечи Динара Култуева, тергеениҥ ӱредӱ ле билим аайынча министри Ольга Саврасова турушкан.

Бу тӧс јер тергеениҥ текшиӱредӱлик организацияларында онлайн-ӱредӱниҥ технологияларын ла бойыныҥ онлайн-курстарын бийик јандырулу тузаланарына јарамыкту айалгалар тӧзӧӧрин јеткилдеер учурлу. Мында педагогтордыҥ онлайн-ӱредӱниҥ бӧлӱгинде профессионал арга-билгирлерин ӧскӱрерине јарамыкту айалгалар тӧзӧлӧр. Анайда ок ӱредӱчилердиҥ компетенцияларын тӧзӧӧриниҥ ле ӧскӱрериниҥ каскадный моделиниҥ эп-аргалары ченелер — јетирӱ-ӱредӱлик бӧлӱктеги иш-амадулар јанынаҥ тӱрген келиштирте иштеериниҥ бӱдӱми. Тӧс јерде «Ворлдскиллстиҥ» «Баштамы класстарда ӱредӱ» деген компетенциязы аайынча экспертный биригӱни элбеди јанынаҥ иш ӧдӧр.

«Ӱредӱчилерди белетеери — Минӱредӱликтеги ле ӱредӱликтиҥ тергеелик системазында тӧс ууламјылардыҥ бирӱзи. Ӱредӱчилер канайда белетелгенинеҥ, олорды оноҥ ары канайда ӱйдежери-јӧмӧӧринеҥ ӱредӱликтиҥ чыҥдыйы камаанду болот. Бу тӧс јер колледжтиҥ ӧзӱминде јакшынак ӧзӱм-тепкиш, ӱредӱликтиҥ бастыра системазыныҥ ӧзӱминде јаан учурлу керек болуп јат» — деп, Татьяна Васильева айткан.

Динара Култуеваныҥ темдектегениле, тӧс јерди ачканы тергеениҥ ӱредӱлигиниҥ системазында јаан учурлу керек. «Горно-Алтайсктагы педколледж — баштамы школдыҥ кадрларын белетеери јанынаҥ тергеелик кузница, педагогтор бойыныҥ ижин јарандырар амадула иштеп турганы федерал кеминде темдектелген. Тӧс јер РФ-тыҥ «Ӱредӱликтиҥ ӧзӱми» деген госпрограммазы кеминде профильный адылу программаныҥ ӱредӱлик бӧлӱгинде инновацияларды јӧмӧӧри аайынча гранттыҥ акча-манадыныҥ, тергеелик бюджеттеҥ чыгарылган акчаныҥ ла педколледжтиҥ бойыныҥ акчазыныҥ шылтузында тӧзӧлгӧн» — деп, ол айткан.

Педколледжтиҥ директоры Ольга Облецованыҥ јетирӱзиле, республиканыҥ школдорында баштамы класстардыҥ 171 ӱредӱчизи иштейт, олордыҥ 97 проценти — бу педколледжти башка-башка јылдарда ӱренип божоткон улус. Мындый тӧс јерди тӧзӧгӧни баштамы текши ӱредӱни чыҥдый, текшилей ле акча тӧлӧтпӧзинеҥ ӧткӱрерине јарамыкту керек болуп јат деген.

Ӱредӱчилердиҥ куран айдагы јаҥжыккан јуунынаҥ белетелген бичимел газеттиҥ 6-чы бӱгинде кепке базылган.

Е. БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина