Ишјалда јаҥы кубулталар

18.08.2020

«Единая Россия» партия бюджеттеги учреждениелердиҥ ишчилерин – врачтарды, ӱредӱчилерди, культураныҥ ишчилерин – корыырына ууламјылалган бир канча шӱӱлтелер белетеген. Ол керегинде партияныҥ Генсовединиҥ качызы Андрей Турчак «Единая Россия» партияныҥ тӧзӧп ӧткӱрген јуунында угускан. Бюджетниктердиҥ ижин тӧлӧӧрин јаҥыртары керегинде јуунда министерстволор ло профсоюзтар турушкан.

Баштапкызында, партия бюджеттеги бӧлӱктиҥ ишчилериниҥ ишјалыныҥ окладын бийиктедер, онойдо ок ишјалдыҥ базовый ла јилбиркедиштӱ бӧлӱктери келиштире 70% ле 30% болзын деп, компенсациялу ла јилбиркедиштӱ учурлу тӧлӧмирлердиҥ бирлик тооломын тургузар шӱӱлтелер эткен.

«Мониторингтеҥ кӧргӧндӧ, кӧп тергеелерде ӱредӱчилердиҥ ле врачтардыҥ окладтары МРОТ-тыҥ да кеминеҥ јабыс, олордыҥ кеми ишјалдыҥ текши тӧлӧмирлеринде 30 та процентке јетпей турган. Јербойыныҥ башкараачылары кӱӱк айдагы јарлыкты бӱдӱрерге болуп, иштеген частардыҥ ставкаларын канай ла кубултат. Ӱредӱчилерди 1,5-2 ставкала иштедип, ӱзеери класстарды башкартып, факультативтер ӧткӱртип турулар. Медицинский ишчилерге ӱзеери дежурстволор берип јат» — деп, Андрей Турчак айткан.

Оныла колбой, «Единая Россия» кӱӱк айдыҥ јарлыгыныҥ бюджетниктердиҥ ишјалдары аайынча кӧргӱзӱлерин бӱдӱрери бир окладла (албанла ӱзеери иштедерин болдыртпаска) ӧдӧрин јеткилдеер бирлик система тӧзӧӧр шӱӱлтеге келген.

Ого ӱзеери партия бюджеттеги организациялардыҥ башкараачыларыныҥ, олордыҥ ордынчыларыныҥ ла баш бухгалтерлериниҥ ле арткан ишчилериниҥ орто ишјалдарыныҥ башкаланганыныҥ эҥ бийик кемин тургузар шӱӱлте эткен.

«Бу ишјалдардыҥ канча кирези башкаланганын кӧргӱскен јарт ла ачык коэффициентин кийдиргени чындык болор» — деп, Андрей Турчак айткан.

«Единая Россияныҥ» шӱӱлтелери башкаруныҥ Госдумага берген јасагыныҥ ӱлекери аайынча эдилген. Бу документле, министрлердиҥ кабинеди бюджеттеги бӧлӱктиҥ ишчилериниҥ ишјалыныҥ системаларына некелтелерди јарадар тап-эриктӱ боло берер. Профильный министерстволордо бу сурак узактаҥ бери курч турат дежет. Ол тоодо Миниште кубулталар эткени «башка-башка тергеелерде бир ле бӧлӱктиҥ ишчилериниҥ ижин тӧлӧӧрин тӱҥдештирер, ишти тӧлӧӧриниҥ системазын ачык эдер ле керек болзо, јонјӱрӱмдик бӧлӱктиҥ ишчилериниҥ ишјалы керегинде јӧптӧрди федерал кеминде тӱрген јарадар айалгалар тӧзӧӧр деп чотойдылар».

«Единая Россияныҥ» Госдумадагы фракциязыныҥ башкараачызы Сергей Неверовтыҥ темдектегениле, јасактыҥ ӱлекери тергеелерде шӱӱжилет ле эксперт биригӱниҥ ајаруларыла кожо јетире јазалар учурлу.

«Јуунда федерал ведомстволордыҥ, ишчилердиҥ биригӱлериниҥ чыгартулу улузы ортодо ӧткӱрилген ачык куучынныҥ тӧс амадузы – бюджеттеги ишчилердиҥ јилбӱлерин корыырындагы курч суракта бирлик шӱӱлтеге келери» — деп, «Единая Россияныҥ» Госдумадагы фракциязыныҥ башкараачызы темдектеген.

«Единая Россияныҥ» Алтай Республиканыҥ Эл Курултайында фракциязыныҥ башкараачызы Владислав Рябченконыҥ куучындаганыла, бистиҥ республиканыҥ парламентиниҥ депутаттары партияныҥ баштаҥкайын јӧмӧп туру, јасактыҥ ӱлекери анчада ла коронавирустыҥ пандемиязыныҥ ӧйинде тыҥ керектӱ.

«Бисти ӱредӱчилердиҥ, врачтардыҥ ла јонјӱрӱмдик бӧлӱктиҥ ишчилериниҥ айалгазы токынатпайт, олорго јарамыкту ишјалга болуп, коногыла иштеерге келижет. Јаҥы јасактыҥ ӱлекери бу бӧлӱктеги ишчилердиҥ оклады ишјалдыҥ тӧзӧгӧзи болорын быжулаар, онызы айалганы кубултар» — деп, парламентарий чокымдаган.

Алтай Республиканыҥ единороссторы профильный комитеттердиҥ ле башкаруныҥ министерстволорыныҥ јуундарында эксперттерле консультациялар ӧткӱрер ле уч-турултазында шӱӱлтелерди коллегаларына ийер деп, депутат кошкон.

«Единая Россияныҥ» Генсовединиҥ качызы Андрей Турчак премьер-министр Михаил Мишустинге ле Минпромсадуныҥ јааны Денис Мантуровко школдорго автобустар аларына ӱзеери 5 млрд салковой акча чыгарар јӧби учун быйанын айткан. Партия мынаҥ озо бу суракла башкаруга баштанган болгон.

«Единая Россия» бу суракты јаҥыс катап эмес кӧдӱрген. Школдордыҥ автобустары јурттарда эрчимдӱ тузаланылат, олордыҥ автопаркында кӧбизинде иштеер ӧйи јеткен, эскирген машиналар болуп јат — деп, Андрей Турчак темдектеген.–Башкаруда коллегаларыс бисти јӧмӧгӧнине сӱӱнедис. Башкаруныҥ резервтӱ фондынаҥ тергеелерде школдорго 2 муҥ јаҥы автобустар аларына 5 млрд салковой чыгарар деген јӧп балдарды тартарын јеткери јок ло эптӱ эдер. Ол ок ӧйдӧ тӧрӧл автопромго ӱзеери јӧмӧлтӧ болор».

Мынаҥ озо башкару «Единая Россияныҥ» «Школдыҥ автобузы» программага акча чыгарарын улалтар деген баштаҥкайын јаратканын эзедип ийели. Бу суракты Нижегородский областьтыҥ губернаторы, партияныҥ тергеелик бӧлӱгиниҥ качызы Глеб Никитин партияныҥ экономиканы орныктырары аайынча текшинациональный планды бӱдӱрери јанынаҥ селекторный јуунында кӧдӱрген. Оныҥ темдектегениле, область экономиканы орныктырарыныҥ планына бойыныҥ шӱӱлтелерин аткарган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина