Талдаачы 57 участок иштеер

25.08.2020

Оныҥ темдектегениле, 2020 јылдыҥ сыгын айыныҥ 13-чи кӱнинде Алтай Республикада јербойында кемдӱ 24 талдаачы кампания ӧдӧр. Ол тушта муниципал тӧзӧлмӧлӧрдиҥ чыгартулу органдарыныҥ депутаттары тудулар. Бастыра 109 мандатка 272 кандидат регистрация ӧткӧн.

Алтай Республиканыҥ Талдаачы кӱреезиниҥ пред-седатели Дмитрий Степановтыҥ јетиргениле, талдаштарды ӧткӱреринде 57 талдаачы участок туружар. Ӱнбериште кайда да 40 муҥ кире ӱнбереечи туружар аргалу, онызы тергееде ӱнбереечилердиҥ тоозыныҥ 25 проценти. Оныҥ темдектегениле, коронавирусный инфекция таркабазын јеткилдеерге болуп, территориальный талдаачы камыстарга таҥынаҥ коруланарыныҥ не-немелери (медицинаныҥ маскалары, перчаткалар), ол камыстардыҥ турчылары ла ӱнбереечилер тузаланар антисептический аргалар, кижиниҥ эди-каныныҥ изӱзин тийдирбезинеҥ кемјип кӧрӧр термометрлер табыштырылган.

Тергеениҥ баш санитарный врачы Леонид Щучи-новтыҥ айтканыла, территориальный ла участковый талдаачы камыстардыҥ бастыра турчылары ӱнбериш башталардаҥ он кӱн озо коронавирусный инфекцияга шиҥделер.

Алтай Республиканыҥ Јондык палатазыныҥ пред-седателиниҥ молјуларын бӱдӱреечи Андрей Ищенконыҥ угусканыла, участоктордо јондык ширтӱчилер база болор. Динара Култуева Алтай Республиканыҥ национальный политика ла јондыкла колбулар аайынча комитедине ширтеечилерге таҥынаҥ коруланарыныҥ канча кире не-немелери керектӱзи јанынаҥ јетирӱлерди келер јуук ӧйдӧ берзин деп јакылта берген.

Јуунда темдектелгениле, 2020 јылдыҥ сыгын айыныҥ 2-чи кӱнинеҥ озо территориальный талдаачы камыстардыҥ кыптарында ӧйинеҥ озо ӱнбериш башталар, сыгын айдыҥ 9-чы кӱнинеҥ ала — участковый камыстардыҥ кыптарында. Кош-Агаш ла Улаган аймактардыҥ малчыларыныҥ турлуларында ӧйинеҥ озо ӱнберишти сыгын айдыҥ 8-10 кӱндеринде ӧткӱрери темдектелет.

Кош-Агаш аймакта Жана-Аул јуртта Казахский јурт јеезениҥ депутаттарыныҥ талдаштарын, Шабалин ай-мактыҥ депутаттарыныҥ Совединиҥ ӱзеери талдашта-рын ӧткӱрер тушта ӱнбериш ӱч кӱнниҥ туркунына, сыгын айдыҥ 11-13 кӱндеринде, ӧдӧр деп темдектелет. Арткан участоктордо, Роспотребшиҥжӱле јӧптӧшкӧн соҥында, ӱнбериш бирлик кӱнде ӧдӧр.

Алтай Республика аайынча МВД-ныҥ јондык тыш-амырды корыырын тӧзӧӧри ле РФ-тыҥ субъекттериниҥ бӱдӱреечи јаҥыныҥ ла јербойында бойы башкарына-рыныҥ органдарыла ӧмӧ-јӧмӧ иштеери аайынча бӧлӱгиниҥ јааныныҥ ордынчызы Алексей Аманчинниҥ јетиргениле, ӱнбериш ӧдӧр ӧйдӧ албаты-јонныҥ тыш-амырын корыырында ичбойындагы керектер аайынча органдардыҥ 150 кире ишчизи, анайда ок Росгварди-яныҥ ишчилери туружар. Олор кол ло рамочный ме-таллодетекторлорло јеткилделер.

Россияныҥ МЧС-ныҥ Алтай Республика аайынча баш башкартузыныҥ јааны Андрей Бурлаковтыҥ айтканыла, Ӱнбериштиҥ бирлик кӱнин ӧткӱрерине белетениш ӧйинде 67 объект шиҥжӱге алылар. Илезине чыгарылган тутак-једикпестер шиҥжӱ ӧдӧр лӧ тушта јоголтылган. Сыгын айдыҥ 13-чи кӱнинде бийик кеминде белен болорыныҥ режиминде, дежурстводо 100-теҥ кӧп улус болор, ол тоодо ӧрт ӧчӱрериниҥ гарнизондорыныҥ оперативный группалары.

АР-дыҥ иш, јонјӱрӱмдик ӧзӱм ле эл-јонды ишле јеткилдеери аайынча министриниҥ молјуларын бӱдӱреечи Ольга Турова талдаачы камыстарга су-кадыгыныҥ айалгазы кирелӱ улус ӱнбериште туружары јанынаҥ кандый јӧмӧлтӧ-болуш эдилери керегинде куучындаган.

Јуунныҥ учында вице-премьер ӱнбериш ӧйинде тузаланылатан объекттердиҥ электројеткилдежинде ӱзӱктелиш болбозын јеткилдеери керектӱзине, связь-тыҥ текши тузаланышту аргалары тутак-неме јогынаҥ иштеерине аҥылу ајару этсин деген. Бу јанынаҥ ке-лиштирте јакылталар тергеелик ӧзӱм ле цифровой ӧзӱм аайынча министерстволорго берилген.

«Эҥ ле тӧс амаду — бастыра системалар ӱзӱктелиш јогынаҥ иштеерин тӧзӧӧри, бистиҥ эл-јонло јеткер-неме болбозына айалгалар тӧзӧӧри ле талдаштар чындык ӧдӧрин јеткилдеери» — деп, Динара Култуева айткан.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина