Туу-Кайаныҥ бажында — Јеҥӱниҥ ле Россияныҥ маанылары

25.08.2020

Текши Россияда Государстволык мааныныҥ кӱнинде Горно-Алтайскта јаҥжыкканы аайынча Туу-Кайа кырга чыгатан кӧдӱриҥи ӧтти. Шак бу кӱнде Туу-Кайаныҥ 60 метрге шыдар бийигинде Россияныҥ триколорыныҥ 60 метр маанызы-полотнозы тургузылды.

Бу ок кӱнде Улу Јеҥӱниҥ 75 јылдыгына уткый вело-маргаан ӧтти. Оныҥ туружаачылары, олордыҥ тоозында «Единый Россияныҥ» турчылары ла јиитгвардеецтер база болгон, 75 километр кирези јерди ӧдӱп, кырга чыгып, оныҥ бажына Улу Јеҥӱниҥ ле Россияныҥ мааныларын кондырдылар.

Јаан стартка чыгар алдында олорды «Единая Россияныҥ» талалык бӧлӱгиниҥ качызы, сенатор Татья-на Гигель уткыды. Ол акцияныҥ туружаачыларына баштанып тура, Россияныҥ маанызы бистиҥ ороонныҥ эҥ јаан ла учурлу кереес-темдектериниҥ бирӱзи болуп јат деп айтты. «Россияныҥ триколоры Тӧрӧлине чындык, ак-чек ле јалтанбас болгонын керелеп јат. Бис мааныбысты качан учуры јаан государстволык јӧптӧрди јӧптӧӧр тужыста, спорттогы ла профессионал једимдерди байрамдаарыста ла темдектееристе, учурлу керектерде кӧдӱредис» — деп, Т. Гигель айтты.

Сенатор онойдо ок пандемияла колбулу айалгада бу кӧдӱриҥилерди элбеде темдектеери келишпегенин база айтты. Кӧдӱриҥиде 50 кире кижи турушкан. «Бу кӱнде патриотикалык ла спорттыҥ байрамдарын ӧткӱрери јакшынак јаҥжыгу болуп улалат. Акцияныҥ туружаачыларына финишке једип, ӧйди тузалу ла кӱӱнзеп ӧткӱрзин» — деп, бойыныҥ кӱӱнземелин айтты.

Госдуманыҥ депутады, «Единый Россияныҥ» «Кичӱ Тӧрӧлиниҥ культуразы» деген партӱлекериниҥ коор-динаторы Иван Белеков Государстволык мааныныҥ кӱниниҥ аҥылу учурын темдектеди. Ол бойыныҥ куу-чынында: «Меге, калыктыҥ јаҥжыккан јаҥжыгуларына, чӱм-јаҥына, Тӧрӧлистиҥ учурлу темдектерине-кереестерине бӱдӱп јӱрген кижиге, анчада ла государ-стволык мааныныҥ байрамы сӱреен баалу. Канча чактардыҥ тӱбинеҥ бери мааны кандый ла албатыныҥ, ороонныҥ кереези ле магы болуп јат. Бистиҥ улу ла јаан орооныстыҥ маанызы ӧштӱни јеҥгенин кереестеген Мааны болгонын бис ончобыс билерис ле ундыбаганыс. Бӱгӱнги кӱнде Россияныҥ триколоры Россия Федерацияны бузулбас бирлик ийделӱ ороон деп кӧргӱзет» — деп айтты.

«Единая Россияныҥ» тергеелик «Јиит гвардиязы» јылдыҥ ла Государстволык мааныныҥ кӱнине уткый «Триколор» деп флешмобты белетеп ӧткӱрет деп, «Јиит гвардияныҥ» талалык бӧлӱгиниҥ аппарадыныҥ башкараачызы Александр Крючкин айтты.

Кӧдӱриҥини белетееринде «Единая Россияныҥ», «Јиит гвардияныҥ» талалык бӧлӱктери, АР-дыҥ эл политика ла эл-јондык колбулар аайынча комитеди турушты. Кӧдӱриҥилӱ чыгышта «Юнармияныҥ», Россияныҥ ДОСААФ-ыныҥ Алтай Республика аайынча турчылары эрчимдӱ туруштылар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина