Јаҥы ӱредӱлӱ јылла!

28.08.2020

Кеен-јараш јай тӱгенип, быјыл чындап та јаан сакылтада болгон јаҥы ӱредӱлӱ јыл једип келди.

Быјыл јаҥы ӱредӱлӱ јыл мынаҥ озо качан да болбогон айалгада башталып јат. Озо ло баштап, мындый айалга коронавирус оору текшилей таркаганыла, ол аайынча кирелендириштер болгоныла колбулу. Ӧткӧн ӱредӱлӱ јылдыҥ учында пандемиядаҥ улам кирелендириштер эдилерде, бистиҥ республиканыҥ 36 муҥ ӱренчиги ӱредӱлӱ программаларды ыраагынаҥ ӱренип ӧткӧн. Ӱредӱниҥ мындый эп-аргазыла ӱренери ле иштеери јеҥил эмес болгон до болзо, ӱренчиктер ӱредӱлӱ јылды једимдӱ божоткон, выпускниктер ЕГЭ-ни табыштырган.

Быјыл бистиҥ тергееде баштапкы класска барып јаткан болчомдордыҥ тоозы тӧрт муҥ, бир муҥнаҥ кӧп ӱренчиктерге быјылгы ӱредӱлӱ јыл школдо ӱредӱзиниҥ калганчы јылы болор. Республикадагы 181 текшиӱредӱлик организацияда, профӱредӱниҥ 8 организациязында ла бир вузта ӱредӱ башталып јат. Мынаҥ ары оныҥ аайы кандый болоры коронавирусла колбулу айалга јербойында кандый болорынаҥ камаанду болор. Је эҥ ле учурлузы — кандый да айалгалар болзо, ӱредӱ кӧндӱгип, улалып барар.

Јаҥы ӱредӱлӱ јылга учурлалган кӧдӱриҥилӱ линейкалар, коронавирус ооруга улус керде-марда алдыртпазын јеткилдеерге, Роспотребшиҥжӱниҥ айткан тӱп-шӱӱлтелери, санитарно-эпидемиологиялык ээжи-некелтелер аайынча ӧдӧр. Ӱренчиктер ле ӱредӱчилер школдо болорында, класстарда балдар ӱренеринде база бир канча кубулта-јаҥыртулар болор. Олор улустыҥ су-кадыгын оору-јоболдоҥ корып аларына ууландырылганын аҥылап темдектеер керек.

Ӱредӱлӱ јылда ӱредӱликле колбулу эмдиги ӧйдиҥ технологияларын тузаланышка текшилей кийдирерине, ӱредӱчилердиҥ адылу јӧмӧлтӧзиниҥ эп-аргаларын јарандырарына, профессионал ӧзӱмниҥ таҥынаҥ программаларын јӱрӱмде бӱдӱрерине ле ӧскӧ дӧ иш-ууламјыларга аҥылу ајару эдилер.

Ӱренчиктерди, ӱренеечилерди, студенттерди, ӱредӱчилерди ле ада-энелерди јаҥы ӱредӱлӱ јыл башталып јатканыла уткуп турус! Ӱредӱде, иште бийик једимдер, бек су-кадык, јаҥы билгирлер ле ачылталар кӱӱнзейдис!

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина