Майма 210 јылдыгын темдектеген

01.09.2020

Майма јурт тӧзӧлгӧнинеҥ ала 210 јылдыгын куран айдыҥ 28-и кӱнинде темдектеген.

Тергеениҥ башчызыныҥ адынаҥ уткуулду сӧсти АР-дыҥ башкарузыныҥ председателиниҥ ордынчызы Динара Култуева айткан: «Јурттыҥ чыккан кӱни — јаш та ӱйеге, Майманыҥ тӱӱкизин канча онјылдыктардыҥ туркунына тӧзӧгӧн јаан да јашту улуска јаан учурлу. Бу бистиҥ республиканыҥ эҥ ле јаан јурты болуп јат. Мында јайалталу, эрчимдӱ, иштеҥкей албаты јадат. Олор канча ӧйлӧргӧ улалып келген јаҥжыгуларды чебер алып, кӧптӧдип, јаш ӱйеге улалтып берет».

Бу јуртта јурт ээлемниҥ продукциязынаҥ не-немелер эдер эҥ јаан предприятиелер иштейт, баштапкы агропромышленный парк тудулат. Јербойыныҥ албатызыныҥ иштеп алган экологически ару продукциязы јаҥыс та бистиҥ республика ичинде эмес, је анайда ок ӧскӧ дӧ тергеелерде јаан сурууда. Майма јуртты јакалай јаҥы јаан јол, спорттыҥ «Атлант» деген тош ӧргӧӧзи, аймактыҥ эмчилигиниҥ туразы ла ӧскӧ дӧ объекттер тудулган. Бу јурттыҥ албаты-јоны алдынаҥ ла бери бойыныҥ јакшынак јаҥжыгуларыла, баштаҥкайларыла јарлу. Бистиҥ республиканыҥ каалгазы болуп турган Майма јурт јылдаҥ јылга јаранып ӧзӧт. Ол иш-тоштыҥ башка-башка бӧлӱктеринде бийик једимдерге једет, арткан јурттарга јакшынак јозок кӧргӱзет.

Майманыҥ эл-јонын байрамыла анайда ок Эл Курултайдыҥ председатели Владимир Тюлентин, Майма аймактыҥ јааны Роман Птицын, Маймадагы јурт јеезениҥ јааны Александр Берсенев база уткыган. Кӧп тоолу озочыл иштӱлер тергеениҥ эл кайралдарыла кайралдаткан.

Уткуулду сӧстӧр лӧ кайралдаш ӧткӧн соҥында Майма аймактыҥ артисттериниҥ турушканыла байрамдык ойын-концерт болгон.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым